Home ព័ត៌មានជាតិ នយោបាយ ​ព្រឹកស្អែក​ប...

​ព្រឹកស្អែក​ប្រមុខ​រាជរដ្ឋាភិបាល​កម្ពុជា​នឹង​អញ្ជើញ​បើក​ការដ្ឋាន​ផ្លូវ ៣៨ ខែ​នៅ​ក្រុង​សៀមរាប​

ដោយៈ​តារា​រិ​ទ្ធ​/​ភ្នំពេញ​៖​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​នឹង​អ​ញ្ចើ​ញ​ជា​អធិបតីភាព​ក្នុង​ពិធីបើកការដ្ឋាន​ស្ថា ប​នា​ហេដ្ឋារចនាសម្ព័ន្ធ​ផ្លូវថ្នល់​ទាំង ៣៨ ខ្សែ​នៅ​ក្រុង​សៀម រាប​នៅ​ព្រឹក​ថ្ងៃទី ៣០ ខែ វិច្ឆិកា ២០២០ ក្រោម​អធិបតីភាព​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតីតេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​។​

​គម្រោង​ផ្លូវ​មេ​ចំនួន​៣៨​ខ្សែ​សរុប​ប្រវែង​ប្រមាណ​៩៨,៣៤​គីឡូម៉ែត្រ​ក្នុងនោះ​រួមមាន​ផ្លូវ​២គន្លង​មាន​ប្រវែង​ប្រមា ណ​៤៤​គីឡូម៉ែត្រ​និង​ផ្លូវ​៤គន្លង​មាន​ប្រវែង​ប្រមាណ​៥៤គីឡូម៉ែត្រ​។​លាតសន្ធឹង​ក្នុង​សង្កាត់​ទាំង១២របស់​ក្រុង​សៀម រាប​និង​មួយផ្នែក​ស្ថិតនៅ​ស្រុក​បាគង​ក្នុង​គម្រោង​អភិវឌ្ឍន៍​ហេដ្ឋារចនាសម្ព័ន្ធ​ក្នុង​ក្រុង​សៀមរាប​។

​គម្រោង​សាងសង់​ខ្សែ​ផ្លូវ​ទាំង​៣៨​ខ្សែ​និង​ការងារ​រៀបចំ​ស្ថាបនា​ប្រព័ន្ធ​បង្ហូរទឹក​ភ្លៀង​និង​ទឹក​កខ្វក់​ដែល​នៅក្រៅ​គម្រោង​សាងសង់​ខ្សែ​ផ្លូវ​ទាំង​៣៨​នេះ​នឹងត្រូវ​អនុវត្ត ការសាងសង់​ដោយ​អង្គភាព​ចំនួន​០៨​រួមមាន​៖ ១.​កងវិស្វ កម្ម​លេខ​១៧៨​ស្ពាន​–​ថ្នល់​នៃ​នាយកដ្ឋាន​វិស្វកម្ម ,២.​កងវិស្វកម្ម​សម្តេច​តេ​ជោ​ខេត្តសៀមរាប​,៣.​កង​វិ​ស្វ កម្ម​តេ​ជោ​ហ៊ុន សែន សៀមរាប​,៤.​អគ្គនាយកដ្ឋាន​សាធារណការ​,៥.​អគ្គនាយកដ្ឋាន​ប្រព័ន្ធ​ចម្រោះ​ទឹក​កខ្វក់​, ៦.​នាយកដ្ឋាន​គ្រឿងចក្រ​និង​ស្ថាបនា​ផ្លូវ​,៧.​នាយក ដ្ឋា​ន​ជួសជុល​និង​ថែទាំ​ផ្លូវថ្នល់ និង៨.​មន្ទីរ​សាធារណការ​និង​ដឹកជញ្ជូន​ខេត្តសៀមរាប​។​

​គម្រោង​កែលម្អ​ហេដ្ឋារចនាសម្ព័ន្ធ​ផ្លូវ​ក្នុង​ទីក្រុង​សៀមរាប​ចំនួន​៣៨ ខ្សែ​នេះ​នឹងមាន​រៀបចំ​បណ្តាញ​លូទឹក​ភ្លៀង​លូទឹកកខ្វក់​ប្រព័ន្ធ​ការពារ​ទឹកជំនន់​បញ្ចៀស​ការ​ជន់ លិច​ទីក្រុង រៀប​ខឿន​ចិញ្ចើមផ្លូវ និង​បង្គោល​ភ្លើង​បំភ្លឺ​ផ្លូវ​ព្រមទាំង​បានគិត​គូរ​ពី​ទិដ្ឋភាព​ផ្សេងៗ​ទៀត​មាន​ជាអាទិ៍​ដូចជា​៖បណ្តាញ​ខ្សែកាប ប្រព័ន្ធ​បញ្ជូន​អគ្គិសនី​ផ្លូវ ថ្មើ​ជើងផ្លូវ​ សម្រាប់​ជនពិការ ផ្លូវ​ជិះ​កង់​ចំណតរថយន្ត ផ្លាកសញ្ញានិងគំនូស​សញ្ញា​ចរាចរណ៍ ប្រព័ន្ធ​កាមេរ៉ា​សុវត្ថិភាព សួនច្បារ ការដាំ​ដើមឈើ​លម្អ​ផ្លូវ​ជាដើម​ការ សាងសង់​មាន​រយៈពេល​១៣​ខែ​គ្រោង​បញ្ចប់​នៅ​ចុងឆ្នាំ​២០២១​។​

​នៅ​ថ្ងៃទី​២៨​វិច្ឆិកា​ទេសរដ្ឋមន្ត្រី​ ស៊ុន ចាន់ថុល រដ្ឋមន្ត្រីក្រសួង​សាធារណការ​និង​ដឹកជញ្ជូន​បាន​អញ្ជើញ​ដឹកនាំ​កិច្ចប្រជុំ​ប្រកាស​សមាសភាព​ក្រុមការងារ​បច្ចេកទេស អន្តរក្រសួង​៩​ក្រុម​ដើម្បី​អនុវត្ត​យន្តការ​ត្រួតពិនិត្យ​តាមដាន​លើ​ការ​អនុត្ត​គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន​៣៨ ខ្សែ​នៅក្នុង​ក្រុង​សៀមរាប​ខេត្តសៀមរាបដោយមាន​ការចូលរួម​ពី​សំណាក់​មន្ត្រីជាន់ខ្ពស់​មន្ត្រី​បច្ចេកទេស​ក្រសួង​សាធារណការ​និង​ដឹកជញ្ជូន​និង​មួយចំនួនទៀត​មកពី​ក្រសួង​រៀបចំ​ដែនដី​នគរូបនីយកម្ម​និង​សំណង់ ។​

​ដើម្បី​ធានា​ឱ្យ​ផ្លូវ​មានគុណ​ភាពរឹងមាំ​ស្របតាម​ស្តង់ដារ​បច្ចេកទេស​គណៈ​កម្ម​ការ​អន្តរក្រសួង​បាន​បង្កើត​ក្រុមការងារ​បច្ចេកទេស​ច​ម្រុះ​ចំនួន​៩​ដែល​រួមមាន​៖​ក្រសួងសាធារណការ​និង​ដឹកជញ្ជូន​និង​ក្រសួង​រៀបចំ​ដែន​នគរូប នីយកម្ម និង សំណង់​ដើម្បី​ត្រួតពិនិត្យ​គម្រោង​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន​៣៨​ខ្សែ​ដែល​រួមមាន​៖ ១.​ក្រុមការងារ​ត្រួតពិនិត្យ​តាមដាន​គម្រោង​សាងសង់​ផ្លូវ​ចំនួន​១៣ ខ្សែ​អនុវត្ត​ដោយ​កងវិស្វកម្ម​លេខ​១៧៨​ស្ពាន​–​ថ្នល់​, ២.​ក្រុមការងារ​ត្រួតពិនិត្យ​តាមដាន​គម្រោងសាងសង់​ផ្លូវ​ចំនួន​ ៨ ខ្សែ​អនុវត្ត​ដោយ​កងវិស្វកម្ម​តេ​ជោ​ហ៊ុនសែន​ខេត្តសៀមរាប​,៣.​ក្រុមការងារ​ត្រួតពិនិត្យ​តាមដាន​គម្រោង​សាងសង់​ផ្លូវ​ចំនួន​៦​ខ្សែ​អនុវត្ត​ដោយកងវិស្វកម្ម​សម្ដេច​តេ​ជោ​ខេត្តសៀមរាប,៤.​ក្រុមការងារ​ត្រួតពិនិត្យ​តាមដាន​គម្រោង​សាងសង់​ផ្លូវ​ចំនួន​៥​ខ្សែ​អនុវត្ត​ដោយ​នាយកដ្ឋាន​ជួសជុល​និង​ថែទាំ​ផ្លូវថ្នល់​,៥.ក្រុមការងារ​ត្រួតពិនិត្យ​តាមដាន​គម្រោង​សាងសង់​ផ្លូវ​ចំនួន​៥​ខ្សែ​អនុវត្ត​នាយកដ្ឋាន​គ្រឿងចក្រ​និង​ស្ថាបនា​ផ្លូវ​,៦.​ក្រុមការងារ​ត្រួតពិនិត្យ​តាមដាន​គម្រោង​សាងសង់​ផ្លូវ​ចំនួន​២​ខ្សែអនុ វត្ត​មន្ទីរ​សាធារណការ​និង​ដឹកជញ្ជូន​ខេត្តសៀមរាប​,៧.​ក្រុមការងារ​ត្រួតពិនិត្យ​តាមដាន​គម្រោង​ស្ថាបនា​បណ្ដាញ​លូទឹក​ភ្លៀង​និង​លូទឹកកខ្វក់​មិន ស្ថិតនៅក្រោម​ខ្សែ​ផ្លូវ​ទាំង៣៨ខ្សែ​អនុវត្ត​ដោយ​អគ្គនាយកដ្ឋាន​ប្រព័ន្ធ​ចម្រោះ​ទឹក​កខ្វក់​,៨.​ក្រុមការងារ​ត្រួតពិនិត្យ​តាមដាន​គម្រោង​ស្ថាបនា​បំពាក់​សម្ភារ​កាមេរ៉ាសុវត្ថិភាព​អំពូល​ភ្លើង​បំភ្លឺ​ផ្លូវ​បរិ ក្ខារភ្លើង​សញ្ញា​ចរាចរណ៍​និង​ការដាំ​ដើមឈើ​អនុវត្ត​ដោយ​អគ្គនាយកដ្ឋាន​សាធារណការនិង៩.​ក្រុមការងារ​សិក្សា​នគរូបនីយកម្ម​ផ្លូវគូរ​ប្លង់​ស្ថាបត្យកម្ម​ផ្លូវ​លម្ហ​សាធារណៈ​និង​រចនា​កម្មវត្ថុ​ស្ថាបត្យកម្ម​នានា​ដែល​ទាក់ទង​នឹង​គម្រោង​។​

​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​កម្ពុជា​ក្នុង​កិច្ចប្រជុំ​គណៈរដ្ឋមន្ត្រី​នា​ព្រឹក​ថ្ងៃទី ៤ ខែ កញ្ញា​ឆ្នាំ ២០២០ បានប្រកាស​ទម្លាក់​កញ្ចប់​ថវិកា ជាតិ​ចំនួន ១៥០​លាន​ដុល្លារ​អាមេរិក​ដើម្បី​សាងសង់​ផ្លូវ​ចំនួន ៣៨ ខ្សែ​នៅ​ក្រុង​ខេត្តសៀមរាប​។​

​សម្តេច​តេ​ជោ​នាយករដ្ឋមន្ត្រី ហ៊ុន សែន បាន​គូសបញ្ជាក់ថា​ការសម្រេច​សាងសង់​ផ្លូវ​ទាំង ៣៨​ខ្សែ​នៅ​ទី​រួម​ខេត្តសៀមរាប​នេះ​មិន​ត្រឹមតែ​ជាការ​ធ្វើឱ្យ​ប្រសើរឡើង នូវ​ប្រព័ន្ធ​ហេដ្ឋារចនាសម្ព័ន្ធ​ក្នុង​ក្រុង​សៀមរាប​ដែលជា​ទីក្រុង​ទេសចរណ៍​ដ៏​ល្បាញ​ល្បី​របស់​កម្ពុជា​ប៉ុណ្ណោះ​ទេ​តែ​ក៏​ជាការ​រួមចំណែក​ផ្តល់​ការងារ​ជូន​ពលរដ្ឋ​ក្នុង​កំ​លុ ង​ពេល​ជួប​វិបត្តិ​កូ​វីដ​១៩​នេះ ហើយក៏​ក្លាយទៅជា​ហេដ្ឋារចនាសម្ព័ន្ធ​ដ៏​សំខាន់​ដើម្បី​ជំរុញ​កំណើន​ក្រោយ​កូ​វីដ​នៅក្នុង​ខេត្តសៀមរាប ។

​សម្តេច​តេ​ជោ​ហ៊ុនសែន​បានចាត់ទុក​ថា​នេះ​ជា​ដំណឹង​ល្អ​មួយ​សម្រាប់​ប្រជាជន​ទូទាំងប្រទេស​ហើយក៏​ជា​ដំណឹង​ល្អ​សម្រាប់​ប្រជាជន​នៅក្នុង​ខេត្តសៀមរាប​បានទទួល​អត្ថប្រយោជន៍​អំពី​ការកសាង​ផ្លូវ​នៅ​ទីនោះ​ពិតមែនតែ​យើង​មានការ​លំបាក​ក៏ប៉ុន្តែ​យើង​នៅតែមាន​លទ្ធភាព​ដើម្បី​ធ្វើ​ការងារ​នេះ ។ សម្តេច​ក៏បាន​អរគុណ​ចំពោះការរួមចំណែ ក​ពី​គ្រប់​ស្ថាប័ន​ទាំងអស់​ដែល​បានទទួល​យក​នូវ​ការកាត់បន្ថយ​ការចំណាយ​ថវិការដ្ឋ​នៅក្នុង​ឆ្នាំនេះ​ដែល​ធ្វើ​ឲ្យ​យើង​សន្សំ​បាន​ថវិកា​បាន​ប្រមាណ​ជាង ៦០០ លាន​ដុល្លារ​អា​មេ​រិច​ដែល​ក្នុងនោះ​មួយផ្នែក​អាច​ចូលទៅក្នុង​ការកសាង​ហេដ្ឋារចនាសម្ព័ន្ធ​ខេត្តសៀមរាប​នេះ​ផងដែរ​។​

​សម្តេច​តេ​ជោ ហ៊ុន សែន បន្តថា​នេះ​គឺជា​ការសម្រេចចិត្ត​មួយ​ដែល​យើង​ត្រូវធ្វើ​ព្រោះថា​យើងទាំងអស់គ្នា​បានឃើញ​ហើយ​នៅ​ទីនោះ​គឺជា​អច្ឆរិយៈ​របស់​កម្ពុជា​ក៏​ប៉ុន្តែ​នៅពេលដែល​យើង​ជិះឡាន​ទៅតាម​សណ្ឋាគារ​ធំៗ​យើង​ប្រជុំ​អន្តរជាតិ​យើង​ក៏បាន​ទើសភ្នែក​ខ្លួនឯង​ទៅលើ​បញ្ហា​ជាមួយនឹង​ផ្លូវថ្នល់​របស់​យើង​វា​រកេតរកូត ។ដូចនេះ​យើង​ត្រូវ តែ​សាងសង់​ផ្លូវ​នេះ​ដោយ​យក​ស្តង់ដារ​តាម​ខេត្ត​ព្រះសីហនុ​តែ​មិន​ស្តង់ដារ​ទាំងមូល​នោះទេ​។​ប៉ុន្តែ​ប្រព័ន្ធ​បង្ហូរ​ទឹកភ្លៀង​ប្រព័ន្ធ​បង្ហូរទឹក​ស្អុយ​គឺ​យក ស្តង់ដារ​ដូចគ្នា​ហើយ​មាន​ផ្លូវ​ថ្មើរជើង​,​ផ្លូវ​ជិះ​កង់​ស្តង់ដារ​ដូចគ្នា​។​

​សម្ដេច​បាន​បន្តថា​ការចាប់ផ្ដើម​សាងសង់​គឺ​ត្រូវតែ​ធ្វើ​នៅក្រោយពេល​រដូវភ្លៀង​ដោយ​ដាក់​ដេញថ្លៃ​និង​ធ្វើ​ស្រុះគ្នា​ទាំង ៣៨ ខ្សែ​ក្នុងពេល​តែមួយ​ដោយ​ប្រើ​រយៈពេល ត្រឹម​១ ឆ្នាំ​ប៉ុណ្ណោះ​គឺ​សាងសង់​នៅ​ចុងឆ្នាំ ២០២០ នឹង រួចរាល់​នៅ​ឆ្នាំ​ចុងឆ្នាំ ២០២១ ធ្វើ​ឲ្យ​ទីក្រុង​សៀមរាប​អាច​បើកទ្វារ​ទទួលភ្ញៀវ​ទេសច​រណ៍​អន្តរជាតិ​នៅ​ឆ្នាំ ២០២២ គឺ​ស្របពេល​ជាមួយ​កូ​វីដ​១៩ ថមថយ​ទៅ​ផងដែរ ។

​សម្តេច​តេ​ជោ ហ៊ុន សែន បាន​បង្កើត​គណៈកម្មកា​រ​មួយ​សម្រាប់​សាងសង់​ផ្លូវ​ទាំង​៣៨​ខ្សែ​នេះ​ដោយមាន​សម្តេច​ពិជ័យ​សេនា ទៀ បាញ់​ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ​,​លោក​ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួង​រៀបចំ​ដែនដី នគរូបនីយកម្ម​និង​សំណង់ ជា​អនុប្រធាន​,​លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ​និង​ដឹកជញ្ជូន ជា​អនុប្រធាន​ប្រតិបត្តិការ​ផ្ទាល់​លើ​ការងារ​នេះ​និង​មាន​រដ្ឋមន្ត្រី​ពី​រូប​ទៀត​គឺ​លោក ថោង ខុន រដ្ឋមន្ត្រី​ក្រសួងទេសចរណ៍ និង​លោកស្រី ភឿង ស​កុ​ណា រដ្ឋមន្ត្រីក្រសួង​វប្ប​ធ៌​ម​និង វិចិត្រសិល្បៈ​ជា​សមាជិក​ជាមួយនិង​តំណាង​ក្រសួង​ពាក់ព័ន្ធ​មួយចំនួនទៀត​ដែល​អាច​ត្រឹម​ជា​រដ្ឋលេខា​ធិ ការដែល​ក្នុងនោះ​ក៏មាន​ប្រធាន​អគ្គិសនី​កម្ពុជា​ផងដែរ ៕

 

 

ទីតាំងផ្សាយពាណិជ្ជកម្ម

- Advertisment -

Most Popular