Home ព័ត៌មានជាតិ នយោបាយ ​សម្តេច​តេ​ជោ...

​សម្តេច​តេ​ជោ ហ៊ុន សែន អំពាវនាវ​ឲ្យ​ប្រជាពលរដ្ឋ​បង្កើន​ការប្រុងប្រយ័ត្ន​ខ្ពស់​,​ខណៈ​ការឆ្លង​ជា​សហគមន៍​កើតមាន​ជា​លើកដំបូង​នៅ​កម្ពុជា​

​ដោយៈ​តារា​រិ​ទ្ធ​/​ភ្នំពេញ​៖​ប្រមុខ​រាជរដ្ឋាភិបាល​កម្ពុជា​សម្តេច​អគ្គមហាសេនាបតី​តេ​ជោ ហ៊ុន សែន បាន​អំពាវនាវ​ឲ្យ​ប្រជាពលរដ្ឋ​បង្កើន​ការយកចិត្តទុកដាក់​ខ្ពស់​ថែរក្សាសុខ​ភាពមិន​ធ្វេសប្រហែស​ដោយ​ធ្វើតាម​ការណែនាំ​របស់​ក្រសួងសុខាភិបាល​បាន​គ្រប់ៗ​គ្នា​ជាពិសេស​នៅក្នុង​ស្ថានភាព​ដ៏​លំបាក​នេះ  ។ ការអំពាវនាវ​នេះ​បានធ្វើឡើង​បន្ទាប់ពីការរកឃើញ​មនុស្ស៦នាក់​ដែលមាន​ឆ្លង​កូ​វីដ​១៩នៅក្នុង​ស្រុក​ដែល«ជា​ការឆ្លង​ក្នុង​សហគម​ន៍ជា​លើកដំបូង​នៅ​កម្ពុជា​» ។​

​សម្តេច​តេ​ជោ ហ៊ុន សែន បាន​មានប្រសាសន៍​នេះ​នៅក្នុង​ហ្វេ​ស​បុក​ផ្លូវការ​នា​ថ្ងៃទី ២៩ ខែ​វិ​ខ្ឆិ​កា ២០២០​នេះ​ថា​៖« នៅ​ថ្ងៃទី ២៩ វិច្ឆិកា ២០២០ នេះ​ក្រសួង​សុខា ភិ​បាល​បាន​រកឃើញ​អ្នក​ឆ្លង​ជំងឺ​កូ​វីដ​-១៩ ថ្មី ចំនួន​៧​នាក់​ថែមទៀត​គឺ​៦​នាក់​ឆ្លង​ក្នុង​គ្រួសារ​តែមួយ​និង​១​នាក់​ទៀត​មាន​កូ​វីដ​-១៩ មកពី​សហរដ្ឋអាមេរិក ។ ការឆ្លង រាលដាល​ក្នុង​គ្រួសារ​តែមួយ​នេះ​ដែល​បន្ត​ចេញមក​ខាងក្រៅ​គឺ​យើង​អាច​កំណត់​បាន​ថា​ជា «​ការឆ្លង​ក្នុង​សហគម​ជា​លើកដំបូង​នៅ​កម្ពុជា​» ដែល​កាលពី​ព្រឹក​មិញ​គឺ យើង​បាន​បិទ​ជា​បណ្តោះអាសន្ន​មួយរយៈ​ពេល​ខ្លី​នូវ​ផ្សារ​ទំនើប​អ៊ី​អន​១, សណ្ឋាគារ​ភ្នំពេញ​និង​សាលា​ឯកជន​អន្តរទ្វីប​អាមេរិកកាំង​នៅ​ចាក់អង្រែ​។ ករណី​ឆ្លង​ថ្មី​នេះ អាចមាន​ការពាក់ព័ន្ធ​ពី​ក្រុងភ្នំពេញ ខេត្តសៀមរាប បន្ទាយមានជ័យ និង​មណ្ឌលគិរី ។ នៅពេលនេះ​ក្រសួងសុខាភិបាល​និង​អាជ្ញាធរ​ពាក់ព័ន្ធ​កំពុងធ្វើការ​ងារ​យ៉ាង សកម្ម​ដើម្បី​ធានា​សុវត្ថិភាព​សុខភាព​ប្រជាពលរដ្ឋ​យើង »​។

​សម្តេចនាយក​រដ្ឋមន្ត្រី​បាន​បន្តថា​៖«​ទោះជា​យ៉ាងណាក៏ដោយ​សូម​បងប្អូន​ប្រជាពលរដ្ឋ​មេត្តា​កុំ​ភ័យ​ស្លន់ស្លោ​ឬ​ឆោឡោ​រហូត​បាត់បង់​ម្ចាស់ការ​គ្រប់គ្រង​។​ត្រូវ​បង្កើន ការយកចិត្តទុកដាក់​ការការពារ​សុខភាព​ផ្ទាល់ខ្លួន​និង​ក្រុមគ្រួសារ​តាមរយៈ​ការពាក់​ម៉ាស់​និង​ដុសលាង​សម្អាត​ដៃ​ជាមួយ​សាប៊ូ​, ចឹ​ល​, ឬ​ទឹក​អាល់កុល​និង​អនាម័យ អោយបាន​ត្រឹមត្រូវ​តាម​ការណែនាំ​របស់​ក្រសួងសុខាភិបាល​។​ក្នុងករណី​មានការ​សង្ស័យ​ណាមួយ​ត្រូវរាយការណ៍ជូន​គ្រូពេទ្យ​ឱ្យបាន​ឆាប់​បំផុត ។​ចំពោះ​អ្នក​ដែល ត្រូវធ្វើ​តេស្ត​កូ​វីដ​-១៩ និង​ធ្វើ​ច​ត្តា​ឡី​ស័ក​គឺត្រូវធ្វើ​ឱ្យបាន​ត្រឹមត្រូវ​នឹង​ហ្មត់ចត់​បំផុត​ចៀសវាង​ការឆ្លង​រាលដាល​សាយភាយ​ជំងឺ​កូ​វីដ​-១៩​ទៅកាន់​ទីកន្លែង​ផ្សេងទៀត »​។​

​សម្តេច​តេ​ជោ​នាយករដ្ឋមន្ត្រី​បាន​សង្ឃឹមថា​៖«​សង្ឃឹមថា​បងប្អូន​ប្រជាពលរដ្ឋ​បង្កើន​ការយកចិត្តទុកដាក់​ខ្ពស់​ថែ រក្សា​សុខភាព​មិន​ធ្វេស​ប្រ​ហែ​ដោយ​ធ្វើតាម​ការ​ណែ នាំ​របស់​ក្រសួងសុខាភិបាល​បាន​គ្រប់ៗ​គ្នា​ជាពិសេស​នៅក្នុង​ស្ថានភាព​ដ៏​លំបាក​នេះ​»៕​

 

ទីតាំងផ្សាយពាណិជ្ជកម្ម

- Advertisment -

Most Popular