Home ព័ត៌មានជាតិ សង្គម ប្រគល់​ប្រកាស...

ប្រគល់​ប្រកាស​តែងតាំង​មន្ត្រី​គណបក្ស​ប្រជាជន​កម្ពុជា​ខេត្តបន្ទាយមានជ័យ​និង​ណែនាំ​ការងារ​ចំពោះមុខ​

ដោយ​: ភ្នំ​ស្វាយ / បន្ទាយមានជ័យ​: គណៈកម្មាធិការ​គណបក្ស​ប្រជាជន​កម្ពុជា ខេត្តបន្ទាយមានជ័យ បានធ្វើ​ពិធី​ប្រគល់​ប្រកាស​របស់​គណៈកម្មាធិកា​រ​កណ្តាល​គណបក្ស​ប្រជាជន​កម្ពុជា ដែល​បានតែងតាំង​ការងារ​ថ្មី​របស់​មន្ត្រី​គណបក្ស​ប្រជាជន​កម្ពុជា​ខេត្តបន្ទាយមានជ័យ​មួយចំនួន និង​ណែនាំ​ការងារ​ចំពោះមុខ​។​

​ពិធី​កាលពី​ថ្ងៃទី​២៨​ខែវិច្ឆិកា​ឆ្នាំ​២០២០ ធ្វើឡើង​ក្រោម​អធិបតី​លោក អ៊ុ រាត្រី សមាជិក​គណៈកម្មាធិកា​រ​កណ្តាល​និង​ជា​ប្រធាន​នៈក​ម្មា​ធិ​ការ​នៃ​គណបក្ស​ប្រជាជន​កម្ពុជា​ខេត្តបន្ទាយមានជ័យ លោក​ខេង ស៊ុម អនុប្រធាន លោក​ប្លែក វ៉ា​រី អនុប្រធាន ។​

​មន្ត្រី​ចាត់តាំង​គណបក្ស​បានអោយដឹងថា មន្ត្រី​គណបក្ស​ដែល​ទទួល​ភារកិច្ច​ថ្មី មាន ១- លោក​សិទ្ធិ ឡោះ ស្នងការ​នគរបាល​ខេត្ត ជា​សមាជិក​អចិន្ត្រៃយ៍​គណៈកម្មាធិការ នៃ​គណបក្ស​ប្រជាជន​កម្ពុជា​ខេត្តបន្ទាយមានជ័យ​។ ២- លោក ណង វុទ្ធី នាយករង​រដ្ឋបាលខេត្ត​។ ៣-​លោក​ឡេ ច័ន្ទ​សង្វាត ប្រធាន​មន្ទីរ​សុខាភិបាល​នៃ​រដ្ឋបាលខេត្ត​។ ៤-​លោក សុក ចាន់ថា ប្រធាន​មន្ទីរ​សាធារណការ​និង​ដឹកជញ្ជូន​ខេត្ត​។ ៥ – លោក ដុំ វណ្ឌី អនុប្រធាន​មន្ទីរ​ពាណិជ្ជកម្ម​ខេត្ត​។ ទាំង​៤​រូប ជា​សមាជិក​គណៈកម្មាធិកា​រ​នៃ​គណបក្ស​ប្រជាជន​កម្ពុជា​ខេត្តបន្ទាយមានជ័យ​។​

​លោក​សិទ្ធិ ឡោះ តំណាង​មន្ត្រី​គណបក្ស​ដែល​ទទួល​ភារកិច្ច​ថ្មី បាន​ប្តេជ្ញា​សន្យា​ខិតខំ​បំពេញការងារ​អោយបាន​លទ្ធផល​ល្អ មាន​ប្រសិទ្ធិភាព និង​ប្រកបដោយ​ការទទួលខុសត្រូវ ។​

​លោក​អ៊ុ រាត្រី បាន​អបអរសាទរ​នឹង​ស្នាដៃ នៃ​លទ្ធផល​ការងារ​ដែល​មន្ត្រី​ទាំងនេះ ទទួលបាន​ការផ្តល់​ទំនុកចិត្ត និង​ការតែងតាំង​ភារកិច្ច តំណែង​ថ្មី​ពី​គណៈកម្មាធិការ​កណ្តា​លគ​ណ​បក្ស​ប្រជាជន​កម្ពុជា ។​
​លោក​បាន​ជម្រុញ​អោយ​មន្ត្រី​ខិតខំ​បំពេញការងារ​អោយ​សកម្ម​និង​បាន​លទ្ធផល​ឆ្នើម​បន្ថែមទៀត ។​

​លោក​ក៏បាន​យក​ស្មារតី​ខ្លឹមសារ​ណែនាំ​ថ្មី ក្នុង​បច្ចុប្បន្នភាព​របស់​គណ​បក្ស​មក​ផ្សព្វផ្សាយ និង​ដាក់​ទិស​អោយ​មន្ត្រី​អនុវត្ត​៕

ទីតាំងផ្សាយពាណិជ្ជកម្ម

- Advertisment -



Most Popular