Home ព័ត៌មានជាតិ សន្តិសុខ អាវុធហត្ថ​បង្...

អាវុធហត្ថ​បង្ក្រាប​គ្រឿងញៀន​ម្សៅ​ក្រា​,​គ្រាប់​ថ្នាំ​យ៉ាម៉ា​និង​ឃាត់ខ្លួន​ជនសង្ស័យ​២​នាក់​នៅ​ក្រុង​ប៉ោយប៉ែត

ដោយ​: ប​.​ជ័យ / បន្ទាយមានជ័យ​: ជន​មិន​ស្គាល់​អត្តសញ្ញាណ​២​នាក់ កំពុង​លក់​ថ្នាំញៀន ត្រូវ​កម្លាំង​កងរាជអាវុធហត្ថ​ក្រុង​ប៉ោយប៉ែត បង្ក្រាប​គ្រឿងញៀន​ម្សៅ​ក្រាម​, គ្រាប់​ថ្នាំ​យ៉ាម៉ា​មួយចំនួន ។

​លោក​វរសេនីយ៍ត្រី នួន នី​ណា​រ៉ូ មេបញ្ជាការ​កងរាជអាវុធហត្ថ​ក្រុង​ប៉ោយប៉ែត បាន​ដឹកនាំ​កម្លាំង​ចុះបង្ក្រាប​បាន​ជនសង្ស័យ​ចំនួន ២ នាក់​ដែល​កំពុង​លួច​លក់​ថ្នាំញៀន​កាលពី​ម៉ោង​១១​ថ្ងៃត្រង់​ថ្ងៃទី​២៨ ខែ វិច្ឆិកា​ឆ្នាំ​២០២០ នៅ​ចំណុច​ផ្សារ​យួន ស្ថិត​ក្នុងភូមិ​ក្បាលស្ពាន​១ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ​។​

​អាវុធហត្ថ​ដកហូត​វត្ថុតាង​រួមមាន គ្រឿងញៀន​ប្រភេទ​ម្សៅ​ក្រាម​ពណ៌​ស ចំនួន​៦​កូន​ថង់​តូច និង​គ្រាប់​ថ្នាំ​យ៉ាម៉ា​ពណ៌​ក្រហម​ចំនួន​៣​ថង់​តូច ស្មើនឹង​២១​គ្រាប់ ពណ៌​ខ្មៅ​១​គ្រាប់​។

​ឯ​ជនសង្ស័យ​២​នាក់​មាន ១-​ឈ្មោះ ទេព អ៊ូ ភេទ​ប្រុស អាយុ​៣២​ឆ្នាំ និង​២-​ឈ្មោះ ប៉ែន ដា ភេទ​ប្រុស អាយុ​៥៨​ឆ្នាំ ។​ពួកគេ រស់នៅ ភូមិ​ក្បាលស្ពាន​១ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ​។​

​លោក​នួន នី​ណា​រ៉ូ បាន​ឲ្យ​ដឹង​បន្តថា​៖ កម្លាំង​បានធ្វើ​ការសាកសួរ​ជនសង្ស័យ​ឈ្មោះ ទេព អ៊ូ បាន​ឆ្លើយថា ខ្លួនគេ​បាន​ទិញ​ថ្នាំញៀន​នេះ​ពី​ឈ្មោះ ប៉ែន ដែលមាន​ទំនាក់ទំនង​នឹង​គ្នា​។​
​គឺ​ម្នា​ក់មាន​ថ្នាំ​លក់ ឯ​ម្នាក់ទៀត​ទិញ​ថ្នាំ​យកទៅលក់​បន្ត​។​

អាវុធហត្ថ​ក្រុង​បញ្ជូនមក​ទីបញ្ជាការដ្ឋាន​កងរាជអាវុធហត្ថ​ខេត្ត​ដើម្បី​ចាត់ការ​បន្ត​។ កម្លាំង​ជំនាញ​គ្រឿងញៀន​អាវុធហត្ថ​ខេត្ត បញ្ជូន​ជនសង្ស័យ​និង​វត្ថុតាង​ទៅ​សាលាដំបូង​ខេត្ត​ចាត់ការ​តាម​នីតិវិធី​នៅ​ថ្ង​ទី​២៩​ខែវិច្ឆិកា (​តេ​សុម​ផ្ញើ​សិន ) ៕​

ទីតាំងផ្សាយពាណិជ្ជកម្ម

- Advertisment -

Most Popular