Home ព័ត៌មានជាតិ សន្តិសុខ សមត្ថកិច្ច​បន...

សមត្ថកិច្ច​បន្ត​ស៊ើបអង្កេត​ករណី​ឃាតកម្ម​លើ​ដូនជី​អាយុ​៨២​ឆ្នាំ​ក្នុង​វត្ត​

ដោយ​: ប​.​ជ័យ / បន្ទាយមានជ័យ​: សមត្ថកិច្ច​នគរបាល​កងរាជអាវុធហត្ថ និង​អាជ្ញាធរ​ដែនដី មកទល់​ថ្ងៃទី​២៩​ខែវិច្ឆិកា​ឆ្នាំ​២០២០ បាន​បន្ត​ស៊ើបអង្កេត​ករណី​ឃាតកម្ម​លើ​ដូនជី​អាយុ​៨២​ឆ្នាំ ក្នុង​វត្ត​បរម​និវេសន៍ ដែល​ញាំញី​ដោយ​អធិករណ៍ ស្ថិតក្នុង​ភូមិ​សាលា​ដែង ឃុំ​ប្ញ​ស្សី​ក្រោក ស្រុក​មង្គល​បូរី ខេត្តបន្ទាយមានជ័យ​។ ទោះយ៉ាងណា សមត្ថកិច្ច​មិនទាន់​ឈានដល់​ចាប់ខ្លួន ជនសង្ស័យ​ណា​ម្នាក់​នៅឡើយ​មកទល់ពេលនេះ ដោយ​គ្រាន់តែ​កំណត់​មុខសញ្ញា​ប៉ុណ្ណោះ​។​

​សូម​រំលឹកថា កាលពី​ម៉ោង​៦​និង​៣០​នាទី​យប់ ថ្ងៃទី​២៦ ខែវិច្ឆិកា ឆ្នាំ​២០២០ សព​ជនរងគ្រោះ​ឈ្មោះ សៅ សែត ភេទ​ស្រី អាយុ​៨២​ឆ្នាំ ជា​ដូនជី​នៅ​សំណាក់​ធម៌​ក្នុង​វត្ត​ដូចខាងលើ​។​

​នៅ​មុនពេល​ទទួលបាន​ព័ត៌មាន មាន​ព្រះ​១​អង្គ​ព្រះនាម គឹម​សុខ​មគ្គ ព្រះជន្ម ២៨ វស្សា​បាន​ទៅ​បត់ជើងតូច​ក្នុង​បង្គន់​ក្បែរ​កុដិ​បន្ទប់​លោកយាយ​រងគ្រោះ​។ ពេលនោះ​ព្រះសង្ឃ​នោះ បាន លឺ​សំ ឡេង​វិទ្យុ​នៅ​បើក តែ​មិនឃើញ​លោកយាយ​។ ដោយ​សង្ស័យ ក៏​មក​បាន​ហៅ​ព្រះ​ស​ង្ឈ​ចំនួន​២​អង្គ​ឲ្យ​ទៅ​ហៅ​យាយ​។ តែ​ពេលទៅដល់​ទើប​ឃើញថា លោកយាយ​សែត​បាន​ស្លាប់​ដោយសារ​គេ​វាយ​សម្លាប់​ខ្ទេច​មុខ​។​

​កម្លាំង​នគរបាល​ជំនាញ​ព្រហ្មទណ្ឌ​ខេត្ត និង​ស្រុក​មង្គល​បូរី ហើយ​មាន​វត្តមាន​ដឹកនាំ​ដោយ​លោក​ឧ​ត្ត​ម​សេនីយ៍​ត្រី សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ​ផង បាន​ចុះ​ទៅដល់​កន្លែងកើតហេតុ ហើយ​បានធ្វើការ​សន្និដ្ឋានថា​ជា​អំពើ​ឃាតកម្ម​លើ​លោកយាយ​។​

​កម្លាំង​នគរបាល​បាន​នឹង​កំពុងធ្វើការ​ស្រាវជ្រាវ​មមាញឹក វែក​រកមុខ​ឃាតករ​៕​

ទីតាំងផ្សាយពាណិជ្ជកម្ម

- Advertisment -

Most Popular