Home ព័ត៌មានជាតិ សុខាភិបាល ក្រោយ​ការធ្វើ...

ក្រោយ​ការធ្វើ​តេស្ត​ជំងឺ​កូ​វីដ​-១៩ លើក​ទី​១ ៖ សម្ដេច​ក្រឡាហោម ក្រុមគ្រួសារ និង​អ្នកពាក់ព័ន្ធ លទ្ធផល​អវិជ្ជមាន​ទាំងអស់​

ដោយ​៖ ទេព មង្គល / ភ្នំពេញៈ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ក្រុមគ្រួសារ ព្រមទាំង​អ្នកពាក់ព័ន្ធ ក្នុង​ក្រុមគ្រួសារ និង​កងការពារ មាន​ចំនួន ៩៤ នាក់ បានទទួល​លទ្ធផល​ល្អប្រសើរ លើ​តេស្ត​ជំងឺ​កូ​វីដ​-១៩ លើកទីមួយ ដោយ​អវិជ្ជមាន​ទាំងអស់​។​

​នេះ​បើតាម​ការបញ្ជាក់ ពី​លទ្ធផល​ពី​ការធ្វើ​តេស្ត​ជំងឺ​កូ​វីដ​-១៩ លើក​ទី​១ របស់​ក្រសួងសុខាភិបាល ហើយ​បាន​ត្រូវ​ខុទ្ទកាល័យ សម្ដេច​ក្រឡាហោម ស ខេង ផ្សព្វផ្សាយ តាម​ទំព័រ​ហ្វេ​ស​ប៊ុ​ក​ផ្លូវការ របស់​សម្តេច​ផ្ទាល់​តែម្តង​។​

​ប្រភព​នេះ បានបញ្ជាក់​ថាៈ ខុទ្ទកាល័យ​សម្ដេច​ក្រឡា​ហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហា ផ្ទៃ សូម​ជម្រាបជូន សាធារណជន មេត្តា​ជ្រាបថា យោងតាម​ការបញ្ជាក់រ​បស់ ក្រសួងសុខាភិបាល បាន​ឲ្យ​ដឹងថា​៖ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ក្រុមគ្រួសារ ព្រមទាំង​អ្នកពាក់ព័ន្ធ ក្នុង​ក្រុមគ្រួសារ និង​កងការពារ មាន​ចំនួន ៩៤ នាក់ បានទទួល​លទ្ធផល​ល្អប្រសើរ លើ​តេស្ត​ជំងឺ​កូ​វីដ​-១៩ លើកទីមួយ ដោយ​អវិជ្ជមាន​ទាំងអស់​។​

​យ៉ាងណាក៏ដោយ សម្ដេច​ក្រឡាហោម ក្រុមគ្រួសារ និង​អ្នកពាក់ព័ន្ធ ក្នុង​ក្រុមគ្រួសារ នៅតែ​បន្តធ្វើ​ច​ត្តា​ឡី​ស័ក និង​អនុវត្ត តាម​ការណែនាំ​របស់ ក្រសួងសុខាភិបាល ជា​បន្តទៀត ។​

​សម្ដេច​ក្រឡាហោម នៅតែ​បន្ត​អំពាវនាវ បងប្អូន​ជនរួមជាតិ ថ្នាក់ដឹកនាំ មន្ត្រីរាជការ​ស៊ីវិល នគរបាលជាតិ នៃ​ក្រសួងមហាផ្ទៃ សូម​បន្ត​អនុវត្តតាម​ការណែនាំ របស់​ក្រសួងសុខាភិបាល ឱ្យបាន​ខ្ជាប់ខ្ជួន ៕/V​

ក្រោយ​ការធ្វើ​តេស្ត​ជំងឺ​កូ​វីដ​-១៩ លើក​ទី​១ ៖ សម្ដេច​ក្រឡាហោម ក្រុមគ្រួសារ និង​អ្នកពាក់ព័ន្ធ លទ្ធផល​អវិជ្ជមាន​ទាំងអស់​

ក្រោយ​ការធ្វើ​តេស្ត​ជំងឺ​កូ​វីដ​-១៩ លើក​ទី​១ ៖ សម្ដេច​ក្រឡាហោម ក្រុមគ្រួសារ និង​អ្នកពាក់ព័ន្ធ លទ្ធផល​អវិជ្ជមាន​ទាំងអស់​

ក្រោយ​ការធ្វើ​តេស្ត​ជំងឺ​កូ​វីដ​-១៩ លើក​ទី​១ ៖ សម្ដេច​ក្រឡាហោម ក្រុមគ្រួសារ និង​អ្នកពាក់ព័ន្ធ លទ្ធផល​អវិជ្ជមាន​ទាំងអស់​

ទីតាំងផ្សាយពាណិជ្ជកម្ម

- Advertisment -

Most Popular