Home ព័ត៌មានជាតិ សុខាភិបាល ថ្នាក់ដឹកនាំ​...

ថ្នាក់ដឹកនាំ​និង​មន្ត្រី​ក្រសួងបរិស្ថាន​ចូលរួម​អនុវត្ត​ការណែនាំ​សម្តេច​តេ​ជោ​ក្នុងការ​ទប់ស្កាត់​កូ​វីដ​១៩

ដោយៈ​ដេប៉ូ​/​ភ្នំពេញៈថ្នាក់ដឹកនាំ និង​មន្ត្រី​ជំនាញ នៃ​ក្រសួងបរិស្ថាន ដែល​ពាក់ព័ន្ធ​នឹង​កិច្ចប្រជុំ​ពង្រឹង​ការអនុវត្ត​តួនាទី និង​ភារកិច្ច​រដ្ឋបាលខេត្ត​មណ្ឌល​គី​រី បាន​ចូលរួម​គោរព​តាម​ការណែនាំ​ដ៏​ខ្ពង់ខ្ពស់​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជា​ណា​ច​កម្ពុជា​ដោយ​ក្នុងនេះ​បានធ្វើ​តេស្ដ​រក​វីរុស​កុ​វីដ​១៩ និង​កំពុង​ធ្វើ​ច​ត្តា​ឡី​ស័ក​) និង​អនុវត្ត​វិធានការ​នានា​តាម​ការណែនាំ​របស់​ក្រសួងសុខាភិបាល​គ្រប់ៗ​គ្នា​។ នេះ​បើតាម​ទំព័រ​ហ្វេ​ស​ប៊ុ​ក ផ្លូវការ​របស់​ក្រសួងបរិស្ថាន​ចេញផ្សាយ​នៅ​ថ្ងៃទី​២៩​ខែវិច្ឆិកា​នេះ​។​

​ប្រភព​ខាងលើ​បញ្ជាក់ថា​ក្រៅពី​ការចូលរួម​អនុវត្ត​យ៉ាង​ខ្ជាប់ខ្ជួន​ក្នុងការ​ប្រយុទ្ធប្រឆាំង​ជំងឺ​កូ​វីដ​១៩​នេះហើយ ក្រសួងបរិស្ថាន ក៏​ស្នើឱ្យ​ប្រជាពលរដ្ឋ​បង្កើន​ការប្រុងប្រយ័ត្ន​ខ្ពស់​ទប់ស្កាត់​ការឆ្លង​ជំងឺ​កូ​វីដ​១៩​តាមរយៈ​ការបង្កើន​ការយកចិត្តទុកដាក់​ការការពារ​សុខភាព​ផ្ទាល់ខ្លួន និង​ក្រុមគ្រួសារ​តាមរយៈ​ការពាក់​ម៉ាស និង​លាង​សម្អាត​ដៃ​ជាមួយ​សាប៊ូ​, ជែ​ល​, ឬ​ទឹក​អាល់កុល នឹង​អនាម័យ​ឲ្យ​បាន​ត្រឹមត្រូវ​តាម​ការណែនាំ​របស់​ក្រសួងសុខាភិបាល​។​
​គួរ​បញ្ជាក់ថា លោក សាយ សំ​អាល់ រដ្ឋមន្ត្រី​ក្រសួងបរិស្ថាន រួមជាមួយ​ថ្នាក់ដឹកនាំ និង​មន្ត្រី​ជំនាញ​មួយចំនួន បាន​អញ្ជើញ​ចូលរួម​ប្រជុំ​ពង្រឹង​ការអនុវត្ត​តួនាទី និង​ភារកិច្ច​រដ្ឋបាលខេត្ត​មណ្ឌល​គី​រី កាលពី​ថ្ងៃទី​២៧ ខែវិច្ឆិកា ឆ្នាំ​២០២០ ក្រោម​អធិបតីភាព​សម្តេច​ក្រឡា​ហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ​៕​សរន​

ទីតាំងផ្សាយពាណិជ្ជកម្ម

- Advertisment -



Most Popular