Home ព័ត៌មានជាតិ សន្តិសុខ បុគ្គលិក​កាស៊...

បុគ្គលិក​កាស៊ីណូ រលក​ធំ ប្រមាណ​១០០​នាក់​ចូលធ្វើការ​វិញ​ហើយ​បន្ទាប់ពី​តវ៉ា​រឿង​បើក​ប្រាក់ខែ​

ដោយៈ​វ​ណ្ណះ​/​ព្រះ​សី​ហុៈ បុគ្គលិក កាស៊ីណូ យីហោ​ថា រលក​ធំ នៅ​ក្រុងព្រះសីហនុ ប្រមាណ ជា​១០០​នាក់ ដែល​ធ្វើ​កូដកម្ម​មិន​ចូលធ្វើ​ការងារ ក្នុង​គោលបំណង ទាមទារ​សុំ​ថៅកែ​បើកប្រាក់​ឈ្នួល មុន​ថ្ងៃ​កំណត់ បាន​ចូលធ្វើកា​ងារ ជាធម្មតា​វិញ​ហើយ នៅ​យប់​ថ្ងៃទី ២៩​ខែវិច្ឆិកា​ឆ្នាំ​២០២០ បន្ទាប់ពី​ពួកគេ​ធ្វើ​កូដកម្ម​មិន​ចូលធ្វើ​ការងារ​អស់​រយះពេល ពេញ​១​ថ្ងៃ ទី​២៩ ខែ វិ​ច្ឆ​កា ឆ្នាំ​២០២០ ។ កាស៊ីណូ នេះ​ស្ថិតនៅ​ក្រុម​១៣ ភូមិ​៣ សង្កាត់​លេខ​៤ ក្រុង​/​ខេត្ត​ព្រះសីហនុ។

​បើតាម​សមត្ថកិច្ច​បញ្ជាក់ថា មូល​ហេតុដែល​នាំទៅដល់​ការតវ៉ា​នេះ កើតឡើង​ក្រោយ​បុគ្គលិក​ឮដំណឹង​ថា​ថៅកែ មាន​ភាគហ៊ុន ក្នុង​កាស៊ីណូ សុំ​ដក​លុយ​ហ៊ុន​ចេញ​វិញ ហើយ​បុគ្គលិក​បានទទួល​ដំណឹង​ដូច​ច្នេះ និង​ដាក់​ការសង្ស័យ​ថៅកែ​ក្ស័យ​ធុន ក៏​ប្រមូលផ្តុំ​គ្នា​តវ៉ា​សុំ​បើក​លុយ​ប្រាក់ខែ​មុន​ថ្ងៃ​កំណត់​។

​ក្រោយ​ហេតុការណ៍​នេះ ថៅកែ​កា​ស៊ីណូ បាន​ចេញមក​សម្របសម្រួល​ជាមួយ​បុគ្គលិក ហើ​យ​សន្យា​បើ​ក​ជូន​តាម​កាលកំណត់​រប​ស់កា​សុ​ី​ណូ (​រៀងរាល់​ថ្ងៃទី​៣០) ក្នុងនោះ​បុគ្គលិក​ក៍បាន​យល់ព្រម​តាម​ការសន្យា​របស់​ថៅកែ រួច​បាន​ឯកភាពគ្នា រំសាយ​ការប្រមូលផ្តុំ ចូលធ្វើការ​ធម្មតា​វិញ នៅ​ព្រឹក ថ្ងៃ​ដដែល​៕​

ទីតាំងផ្សាយពាណិជ្ជកម្ម

- Advertisment -



Most Popular