Home ព័ត៌មានជាតិ នយោបាយ សម្តេច​តេ​ជោ ...

សម្តេច​តេ​ជោ ហ៊ុន សែន សម្រេច​បង្វិល​ថវិកា ៥​លាន​ដុល្លារ​សល់​ពី​ការស្ថាបនា​ផ្លូវ​នៅ​ខេត្ត​ព្រះសីហនុ មក​កែលម្អ​ដងស្ទឹង​សៀមរាប​

ដោយ​: តារា​រិ​ទ្ធ / សៀមរាប​: សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ក្នុងឱកាស​អ​ញ្ចើ​ញ​ជា​អធិបតីភាព​ក្នុង​ពិធីបើកការដ្ឋាន​ស្ថាបនា​ហេដ្ឋារចនាសម្ព័ន្ធ ផ្លូវថ្នល់ ៣៨ ខ្សែ នៅ​ក្រុង​សៀមរាប​នៅ​ព្រឹក​ថ្ងៃទី​៣០​ខែវិច្ឆិកា​២០២០​នេះ បានប្រកាស​ឲ្យ​ដឹងថា រាជរដ្ឋាភិបាល​សម្រេច​ផ្តល់​ថវិកា​ចំនួន​៥​លាន​ដុល្លារ ដើម្បី​កែលម្អ​ដងស្ទឹង​សៀមរាប​។​

​សម្ដេច​តេ​ជោ ហ៊ុន សែន មានប្រសាសន៍ថា កូ​វីដ​១៩​មិនអាច​រារាំង​នូវ​ដំណើរការ​របស់​យើង​បាន​ទេវា​មិនអាច​បញ្ឈប់​នូវ​កិច្ចប្រឹងប្រែង​របស់​យើង ក្នុងការ​ស្ថាបនា​ផ្លូវ​ទាំងនេះ​នោះទេ​។​

​សម្តេច​តេ​ជោ ហ៊ុន សែន បាន​ថ្លែងថា​កាលពី​ថ្ងៃទី​៤​ខែកញ្ញា ២០២០ នៅក្នុង​កិច្ចប្រជុំ​គណៈរដ្ឋមន្ត្រី​ស​ម្តេ ចខ​បានប្រកាស​អំពី​ការបញ្ចុះ​ថវិកា​ក្នុង​រង្វង់​ពី ១០០ ទៅ ១៥០​លាន​ដុល្លារ ដើម្បី​សាងសង់​នៅ​ផ្លូវ​ចំនួន ៣៨ ខ្សែ​សម្រាប់​ទីក្រុង​សៀមរាប​។ បន្ថែម​លើ​នោះ ដោយមាន​ការសិក្សា​ជាក់លាក់​របស់លោក ជា សុផារ៉ា ទៅលើ​បញ្ហា​ការកែលម្អ​ដងស្ទឹង​សៀមរាប​របស់​ថ្ងៃនេះ​ក៏មាន ការបង្កើត​ឲ្យ​មាននូវ​ការដ្ឋាន​មួយ ទៀត​សម្រាប់​ការកែលម្អ​ដងស្ទឹង​សៀមរាប​ទាំងសងខាង​ស្ទឹង​ប្រវែង ៨៤៤០ ម៉ែត្រ ដើម្បី​ឲ្យ​ក្លាយទៅជា​កន្លែង​នៃ​ការដើរ​កម្សាន្ត​របស់​ប្រជា ពលរដ្ឋ​ក៏ដូចជា​ទេសចរណ៍​ដែល​មកកាន់​ខេត្តសៀមរាប​របស់​យើង​នេះ​។

​សម្តេច​តេ​ជោ​បាន​មានប្រសាសន៍​ឲ្យ​ដឹងថា បន្ទាប់ពី​ជិត​បញ្ចប់​ការ ដ្ឋា​ន​នៅ​ខេត្ត​ព្រះសីហនុ​ដែល​យើង​ចំណាយ​ទុន​ប្រមាណ​ជិត ៣០០​លាន​ដុល្លារ យើង​ក៏ត្រូវ​បញ្ចុះ​ទុន​បន្ថែម​មក​សាងសង់​នៅទីនេះ​ដែលជា​ទីកន្លែង​មួយ​យើង​ធ្លាប់បាន​ហៅ ថា​ប៉ូល​សេដ្ឋកិច្ច​របស់​កម្ពុជា​គឺមាន​ទី​១.​ភ្នំពេញ​,​ទី​២.​ក្រុងព្រះសីហនុ និង​ទី​៣.​ខេត្តសៀមរាប ។​

​សម្តេច​តេ​ជោ​បាន​បន្តថាៈ ខេត្ត សៀមរាប​របស់​យើង​បានដឹង​ហើ យ​ថា​វា​ជា​តំបន់​ទេសចរណ៍​ដ៏​ទាក់ ទាញ​និង​មាន​សណ្ឋាគារ​, ផ្ទះ​សំ ណាក់ និង​មាន​អាគារ​ដទៃទៀត​ល្អៗ​ក៏ប៉ុន្តែ​ផ្លូវ​របស់​យើង​មិន​សម
​ល្មម​នឹង​ការឆ្លើយតប​ជាមួយនិង​ទីក្រុង​ដ៏​ស្រស់ស្អាត​មួយ​នេះ​ទេ​។​

​សម្តេច​តេ​ជោ ហ៊ុន សែន ក្នុង​ឱ​កា ស​ដែល​យើង​សន្សំ​ប្រាក់កាស​ដែល យើង​បានធ្វើ​ប៉ុន្មាន​ឆ្នាំ​រួចមកហើយ​នោះ​យើង​មានលទ្ធភាព​ដើម្បី​នឹង​បញ្ចុះ​ថវិកា​មក​សាងសង់​ផ្លូវ​ទាំង ៣៨ ខ្សែ​នៅ​ទីក្រុង​សៀម រាប​របស់​យើង​នេះ និង ៥ លាន ដុល្លារ​អាមេរិក​ទៅលើ​ការកែលម្អ​នៅតាម​ដងស្ទឹង​សៀមរាប​របស់​យើង​ទាំងសង្ខាង​ដូច្នេះ​នៅពេលនេះ​យើង​នឹងធ្វើ​ឲ្យ​ខេត្តសៀមរាប​របស់​យើង​ជា​កញ្ចប់​ដោយមាន​ទាំ ង​ផ្លូវ​ស្អាត មាន​ដងស្ទឹង មាន​លូបង្ហូរទឹក​ស្អុយ មាន​លូបង្ហូរទឹក​ភ្លៀង មាន​ទាំង​កាមេរ៉ា​សុវត្ថិភាព​ដើម្បី​បំពាក់​ជូន​សម្រាប់​ខេត្ត​សៀ ម​រាប​ដែល​វា​នឹង​ក្លាយទៅជា​ទីក្រុង​ទេសចរណ៍​ដ៏​រឹងមាំ ដែល​សាក​សម​ទៅនឹង​ឋានៈ​ជា​អតីត​រាជធានី​នៃ​អាណាចក្រ​ខ្មែរ​របស់​យើង​ផងដែរ ។​

​សម្តេច​តេ​ជោ ហ៊ុន សែន សង្ឃឹម ថា​ខេត្តសៀមរាប​នឹង​ក្លាយទៅជា​ខេត្ត​ដែលមាន​សក្តានុពល​តាម រយៈ​វិស័យ​ទេសចរណ៍​បន្ទាប់ពី covid-19​បាន​កន្លងផុត​។

​សម្តេច​តេ​ជោ​សង្ឃឹមថាៈ​អ្នក​សៀម រាប​របស់​យើង​បានទទួល​ផល​ហើយ​ប្រជាជន​ដែល​ធ្លាប់​មកលេង​នៅ​សៀមរាប​ការ​មុន​ពី​ពេល​មុននឹង​ឃើញ​ផ្លូវ​ដ៏​ល្អ​ក្នុង​រយៈពេល​ជាង​មួយឆ្នាំ​ទៀត ដែល​ខ្ញុំ​គិតថា​ឆ្នាំ​ក្រោយនេះ​ប្រសិនជា​កូ​វីដ​១៩ ត្រូវបាន​ថមថយ​ឆ្នាំ ២០២២ មាន ការ​ថមថយ​នោះ​។​វា​អាច​ហ្នឹង​កើត ឡើង​នូវ​ព្រឹត្តិការណ៍​អង្គរ​សង្ក្រាន្ត​ឡើងវិញ​ដែល​ពេល​នោះគេ​នឹង​បានឃើញ​ទីក្រុង​សៀមរាប​នេះ​គឺ ជាទី​ក្រុង​ដែល​ស្អាត​ដែលមាន​ផ្លូវ​ស្អាត​បន្ទាប់ពី​ផ្លូវ​ស្អាត​នៅ​ទីក្រុង​ភ្នំ ពេញ​ផ្លូវ​ស្អាត​នៅ​ខេត្ត​ព្រះសីហនុ​ផងដែរ​។​

​សម្តេច​តេ​ជោ​បន្តថាៈ​អាចនិយាយបាន​ថាបើ​ទោះបី​ជា​កូ​វីដ​បាន​កើតឡើង​ក៏ប៉ុន្តែ​វា​មិនអាច​រារាំង​នូវ​ការអភិវឌ្ឍ​របស់​យើង​បាន​នោះទេ​។​ដូចជា​គម្រោង​នៅ​ខេត្ត​ព្រះសីហនុ​គម្រោង​ផ្សេងៗ​ដទៃទៀត​រាប់ទាំង​គម្រោង​នៅទីនេះ​ទេ​ដែល​យើង​បាន​បញ្ចេញ​ថវិកា​នៅក្នុង​កាលៈ​ទេ សៈ​ដែល​កូ​វីដ​បាន​យាយី​សម្រាប់​ពិភពលោក​ក៏ដូចជា​សម្រាប់​កម្ពុជា​យើង​ផ្ទាល់​។​

​សម្តេច​បាន​បន្តថា អ្វីដែល​យើង​បាន​នឹង​កំពុង​ធ្វើ​នេះ​គឺ​យើង​មាន​ក្តី​សង្ឃឹមថា​នៅពេល​ណាមួយ​នោះ បើទោះបីជា​វា​មិនទាន់​ថមថយ​កូ​វីដ តែ​វា​នឹង​នាំទៅដល់​ទីបញ្ចប់​របស់​វា បើទោះបីជា​ទីបញ្ចប់​រប​ស់វា​ដើរ​ដល់​ដំណាក់កាល​ការរស់នៅ​ជា ប្រក្រតី​តាម​គន្លង​ថ្មី​ក៏ដោយចុះ​។ ក៏ប៉ុន្តែ​វា​មិន​ទុក​ឲ្យ​យើង​ឋិត​នៅក្នុង​ស្ថាន​ភាពមិនច្បាស់លាស់​ដូច្នេះ​ទេ​។ ដូច្នេះ​អ្វីដែល​យើង​បានធ្វើ​នៅ​ខេត្ត សៀមរាប​ក៏ដូចជា​ខេត្ត​ព្រះសីហនុ និង​ខេត្ត​ដទៃទៀត​គឺជា​ការរៀបចំ​ដោះស្រាយ​បញ្ហា​បច្ចុប្បន្នភាព​ផង ហើយក៏​ប្រុងប្រៀប​ឲ្យ​ជំហាន​ទៅមុខ​នៅក្នុង​ការសម្រេច​ទៅលើ​ការ ជំរុញ​កំណើនសេដ្ឋកិច្ច​ក្រោយ​ដំណាក់កាល​កូ​វីត ១៩​។​

​សម្តេច​បន្តថា​យើង​សង្ឃឹមថា​ប្រជា ពលរដ្ឋ​នៅក្នុង​ខេត្តសៀមរាប​របស់​យើង​និយាយ​ដោយឡែក​និង​ប្រជា ជន​នៅ​ទូទាំងប្រទេស​ក៏​នឹង​ទទួល ផលប្រយោជន៍​ពី​ការសាងសង់​នៅទីនេះ ។ ពិត​មែនហើយ​គ្រប់​ខេត្ត​ទាំងអស់​យើង​ត្រូវតែ​ធ្វើ​ក៏ប៉ុន្តែ​យើង​ត្រូវធ្វើ​មួយណា​មុន មួយណា​ក្រោយ​។

​សម្តេច​តេ​ជោ​បាន​ឲ្យ​ដឹងថា ការសាងសង់​ផ្លូវ​នៅ​ខេត្ត​ព្រះសីហនុ​នៅសល់​ថវិកា ៥​លាន​ដុល្លារ ក៏ត្រូវ​បញ្ជូន​មកកាន់​ទីនេះ​ទាំង​បន្ថែម​លើ​ថវិកា​ជាតិប្រមាណ​ជា ១៥០​លាន​ដុល្លារ ដែល​នៅ​នេះ​បាន​បុរេប្រទាន​មក ២០​ភាគរយ​មក កាន់​ការដ្ឋាន​នេះ​៕​

ទីតាំងផ្សាយពាណិជ្ជកម្ម

- Advertisment -

Most Popular