Home ព័ត៌មានជាតិ សង្គម ក្រុមការងារ​ប...

ក្រុមការងារ​ប្រគល់​ថវិកា​២០០​ដុល្លារ​របស់លោក ណុប ដា​រ៉ា អភិបាលរង​ខេត្ត​ដល់​ក្រុមគ្រួសារ​នារី​រងគ្រោះ​

ដោយ​: គ្រញូង / បាត់ដំបង​: នា​ព្រឹក​ថ្ងៃទី​៣០ ខែវិច្ឆិកា ឆ្នាំ​២០២០ នៅ​មន្ទីរពេទ្យ​ឯកជន​ក្រុមការងារ​បាន​យក​ថវិកា​ចំនួន​២០០​ដុល្លារ របស់លោក ណុប ដា​រ៉ា អភិបាលរង​ខេត្តបាត់ដំបង ទៅ​ប្រគល់ជូន​ក្រុមគ្រួសារ​ស្ត្រី​រងគ្រោះ​ដែល​កំពុង​សម្រាក​ព្យាបាល​ជំងឺ​នៅក្នុង​មន្ទីរពេទ្យ​។​

លោក ណុប ដា​រ៉ា អភិបាលរង​ខេត្តបាត់ដំបង

​តំណាង​លោក ណុប ដា​រ៉ា បាន​ពាំ​នាំនូវ​ការសាកសួរ​សុខ​ទុក​ពី​សំណាក់​លោក អភិបាលរង​ខេត្តបាត់ដំបង ជូន​គ្រួសារ​ជនរងគ្រោះ ព្រមទាំង​ថ្លែងអំណរគុណ​ដល់​លោកគ្រូ​ពេទ្យ ដែល​បាន​យកចិត្តទុកដាក់​ក្នុង​ការជួយ​ព្យាបាល​អ្នកជំងឺ​ដោយ​អស់ពី​ចិត្ត​ពី​ថ្លើម​។​

​គួរ​បញ្ជាក់ថា ស្ត្រី​ទាំងពីរ​នាក់​បងប្អូន​បាន​ជួប​គ្រោះថ្នាក់​ចរាចរណ៍ កាលពី​យប់​ថ្ងៃទី​២៧ ខែវិច្ឆិកា​ឆ្នាំ​២០២០ រវាង​រថយន្ត​និង​រថយន្ត​នៅក្នុង​ស្រុក​ប​វេ​ល បណ្ដាលឱ្យ​បួស​ស្រាល​ម្នាក់ និង​របួស​ធ្ងន់ធ្ងរ​ម្នាក់ ដោយ​ត្រូវ​ខូច​ភ្នែក​បាក់​ច្រមុះ មុខដាច់​នឹង​កំទេច​កញ្ចក់​សុះ​អស់ហើយ មាន​ឈាម​ហូរ​តាម​ត្រចៀក​នឹង​បាក់ឆ្អឹង​ត្រគៀក​ផង​។ ពេលនេះ​កំពុង​សំរាក​ស​ង្គ្រាះ​បន្ទាន់​នៅ​មន្ទី​ពេទ្យ​ឯកជន​(​វេជ្ជបណ្ឌិត លីម សារ៉ាន់​ឌី​)​។​

​ក្រុមគ្រួសារ​ជនរងគ្រោះ បាន​ថ្លែងអំណរគុណ​យ៉ាង​ជ្រាលជ្រៅ​ដល់ លោក ណុប ដា​រ៉ា អភិបាលរង​ខេត្តបាត់ដំបង ដែល​តែងតែ​យកចិត្តទុកដាក់​ពី​សុខភាព​ជីវភាព​របស់​ប្រជាពលរដ្ឋ ដែល​ជួបប្រទះ​ការលំបាក​ហើយ លោក​តែងតែ​ជួយឧបត្ថម្ភ​ដល់​ក្រុមគ្រួសារ ដែល​ជួប​ការលំបាក​ដោយ​មិន​ប្រកាន់​និន្នាការ​នយោបាយ​ឡើយ​ព្រមទាំង គោរព​ជូនពរ​លោក​ណុប ដា​រ៉ា ព្រមទាំង​ក្រុមគ្រួសារ នឹង​ក្រុមការងារ​ទាំងអស់​សូម​ជួបប្រទះ​សេច​ក្កី​សុខ​សេច​ក្កី​ចម្រើន មាន​សុខ​ភាពល្អ អាយុ​វែង​យឺនយូរ​៕

ទីតាំងផ្សាយពាណិជ្ជកម្ម

- Advertisment -

Most Popular