Home ព័ត៌មានជាតិ សន្តិសុខ នារី​វ័យក្មេង...

នារី​វ័យក្មេង​ម្នាក់​ជាប់​ក្នុងផ្ទះ​ដែល​កំពុង​ឆេះ​ត្រូវ​ប្រជាពលរដ្ឋ​ជួយសង្គ្រោះ​ចេញពី​ក្នុងផ្ទះ​

ដោយៈ​ស​រិ​ទ្ធ​/​ភ្នំពេញៈនារី​វ័យក្មេង​ម្នាក់​ត្រូវ​ផ្សែងភ្លើង​រោល​ខ្មៅ​ពេញ​ខ្លួន​តែ​ត្រូវ​ប្រជាពលរដ្ឋ​រស់នៅ​ជិតខាង​ជួយសង្គ្រោះ​ចេញពី​ក្នុងផ្ទះ​កាលពី​វេលា​ម៉ោង​១ និង​៣០​នាទី​រសៀល ថ្ងៃទី​៣០ ខែវិច្ឆិកា ឆ្នាំ​២០២០​នៅផ្ទះ​ល្វែង​ជាប់​របង​វត្ត​ជើងឯក ក្នុង​សង្កាត់​ជើងឯក ខណ្ឌដង្កោ​រាជធានី​ភ្នំពេញ ។​

​ប្រជាពលរដ្ឋ​បាន​ឲ្យ​ដឹងថា​ផ្ទះកើតហេតុ​មាន​ម្ចាស់ផ្ទះ​ជា​មន្ត្រីរាជការ​ហើយ​ពេលចេញ​ទៅធ្វើ​ការ​តែងតែ​ទុក​ក្មួយ​ស្រី​ម្នាក់​នៅផ្ទះ​ហើយ​ក្មួយ​ស្រី​នោះ​ក៏​ចាក់សោរ​ទ្វារ​ពី​ខាង​ក្នុងផ្ទះ​ផងដែរ​។​នៅពេល​កើតហេតុ​មាន​អ្នកជិតខាង​បានឃើញ​មាន​ផ្សែងហុយ​ចេញ​ក្នុងផ្ទះ ដែលមាន​នារី​វ័យក្មេង​ត្រូវជា​ក្មួយ​ម្ចាស់ផ្ទះ​បាន​ស្រែក​ឲ្យ​គេឯង​ជួយ​ព្រោះ​ភ័យ​ពេក​រក​សោ​ផ្ទះ​មិនឃើញ ។​

ភ្លាមៗ​នោះ​ប្រជាពលរដ្ឋ​បាន​យក​ម៉ូ​ទ័​រ​មក​កាត់​សោរ​ទ្វារ​ដើម្បី​ចូល​ជួយសង្គ្រោះ​នារី​វ័យក្មេង​ដែលជា​ប់​ក្នុងផ្ទះ​បាន​ទាន់ពេល​និង​បាន​យក​បំពង់​ពន្លត់​អគ្គិភ័យ​ព្រមទាំង​ត​ទុយ​យោ​ទឹក​បាញ់​ពន្លត់​ឲ្យ​រលត់ទៅវិញ​ភ្លាមៗ​ដោយ​មិនបាន​ប្រើប្រាស់​រថយន្ត​ពន្លត់​អគ្គិភ័យ​នោះទេ​។ ក្នុង​ហេតុការណ៍​អគ្គីភ័យ​នេះដែរ បានធ្វើ​ឲ្យ​ពូក កង្ហារ​និង​សម្ភារ​មួយចំនួនទៀត​ក្នុងផ្ទះ​ត្រូវបាន​ឆេះ​និង​រោល​ឲ្យ​ខូចខាត​តិចតួច​ប៉ុណ្ណោះ ៕

ទីតាំងផ្សាយពាណិជ្ជកម្ម

- Advertisment -



Most Popular