Home ព័ត៌មានជាតិ សន្តិសុខ សរុប​រឿង​ពុល​...

សរុប​រឿង​ពុល​ស្រាស​នៅ​កំពង់ឆ្នាំងៈ​ស្លាប់​ប្រាំពីរ​នាក់​,​ជាសះស្បើយ​៩០​នា​ក់

ដោយៈមុនីរ័ត្ន/ភ្នំពេញៈ​ករណី​ពុល​ស្រាស​នៅ​ស្រុក​ទឹកផុស ខេត្តកំពង់ឆ្នាំង​នៅ​ល្ងាច​ថ្ងៃ​ទៅ​៣០​ខែវិច្ឆិកា​នេះ​លោកស្រី ឱ វណ្ណឌី​ន រដ្ឋលេខាធិការ​និង​ជា​អ្នកនាំពាក្យ​ក្រសួង​សុខា​​ភិ​បាល​បាន​បញ្ជាក់ថា​មាន​ចំនួន​១៣១​នាក់​ចូល​ពេទ្យ​ក្នុងនោះ​ប្រាំពីរ​នាក់​បាន​បាត់បង់​ជីវិត​។​

លោកស្រី ឱ វណ្ណឌី​ន រដ្ឋលេខាធិការ​និង​ជា​អ្នកនាំពាក្យ​ក្រសួង​សុខា​​ភិ​បាល(រូបឯកសារ)​

​លោកស្រី​បានបញ្ជាក់​ក្នុង​របាយការណ៍​សង្ខេប​ស្តីពី​បច្ចុប្បន្នភាព​ករណី​ពុល​ស្រាស​ថា គិត​ត្រឹម​ថ្ងៃទី ៣០ ខែ​វិច្ឆិកា​ត្រឹម​ម៉ោង ២​រសៀល គឺ​ករណី​សង្ស័យ​ពុល​ស្រាស សរុប​ចំនួន ១៣១​នាក់ (​ស្រី ៦​នាក់​)​។ ក្នុងនេះ​អ្នក​ចេញ​ជាសះស្បើយ ចំនួន ៩០​នាក់​, ​កំពុង​សម្រាក​ព្យាបាល​នៅ​មន្ទីរពេទ្យ​ខេ​ត្ក​កំពង់ឆ្នាំង​​​ចំនួន ៣១​នាក់​(​បុរស​), សម្រាក​ព្យាបាល​នៅ​មន្ទីរពេទ្យ​កាល់ម៉ែត​ចំនួន បីនាក់ ,​អ្នកស្លាប់​ចំនួន​ប្រាំពីរ​នាក់ (​នៅ​ម​នី្ទ​រ​ពេទ្យ​ខេត្ត ពីរ​នាក់ ស្លាប់​ពេល​បញ្ជូនទៅ​ភ្នំពេញ​ពីរ​នាក់ ស្លាប់​នៅផ្ទះ​ពីរ​នាក់ និង​ស្លាប់​នៅ​មន្ទីរពេទ្យ​កាល់ម៉ែត​មួយ​នាក់​)​។​

​គួរបញ្ជាក់​ថា​ករណី​ពុល​ស្រា​នេះ​បាន​កើតឡើង​កាលពី​ថ្ងៃទី​២៨​ខែវិច្ឆិកា​នៅ​ស្រុក​ទឹកផុស ខេត្តកំពង់ឆ្នាំង​ក្នុង​ពិធី​បុណ្យសព​មួយ​។​នៅ​រសៀល​ថ្ងៃទី​២៩​ខែវិច្ឆិកា សមត្ថកិច្ច​ចម្រុះ បាន​បិទ​កន្លែង​បិត​ស្រាស​អត់​ច្បាប់​ចំនួន​បី​កន្លែង នៅក្នុង​ឃុំ​ខ្លុង​ពពក និង​ឃុំ​អភិវឌ្ឍន៍ ស្រុក​ទឹកផុស ដោយ​ឃាត់ខ្លួន​អ្នក​បិតស្រា និង​លក់​ចំនួន​បួន​នាក់ មកកាន់​ស្នងការដ្ឋាន​នគរបាល​ខេត្តកំពង់ឆ្នាំង​ដើម្បី​ធ្វើការ​សាកសួរ​អំពី​របៀប​បិតស្រា​និង​ការ​លាយ​ស្រា​លក់​។​
​ក្នុង​​ប្រតិបត្តិការ​នេះ​សមត្ថកិច្ច​ចម្រុះ បាន​ដុត​កំទេច អង្ករ​មេស្រា ចំនួន​១០​ធុង និង​២១​ខាប់ ព្រមទាំង​ដកហូត​ស្រាស​,​ស្រាថ្នាំ​តាម​រោង និង​តាម​តូប​លក់ដូរ​ក្នុង​ឃុំ​ទាំងពីរ​ខាងលើនេះ បាន​ចំនួន​ជាង​២០​ប៊ីដុង​ដោយ យកមក​រក្សាទុក​នៅក្នុង​អធិការដ្ឋាន​នគរបាល​ស្រុក​ទឹកផុស ដើម្បី​បញ្ជូន​ទៅកាន់​មន្ទីរ​ពិសោធ​ឯ​ក្រុងភ្នំពេញ​៕​សរន

ទីតាំងផ្សាយពាណិជ្ជកម្ម

- Advertisment -

Most Popular