Home ព័ត៌មានជាតិ សេដ្ឋកិច្ច ការនាំចេញ​អង្...

ការនាំចេញ​អង្ករ និង​ស្រូវ​ពី​កម្ពុជា​ទៅកាន់​ទីផ្សារ​ពិភពលោក ក្នុង​រយៈពេល ១១​ខែ ឆ្នាំ​២០២០​កើន​

ដោយ​: ជា សីហ​:/​ភ្នំពេញ​: លោក វេ​ង សាខុន រដ្ឋមន្ត្រីក្រសួង កសិកម្ម​រុក្ខា​ប្រ​ម៉ាញ់​និង​នេសាទ បានធ្វើ​បច្ចុប្បន្នភាព​នៃ​ការចេញ​ស្រូវ​និង​អង្ករ​។

​លោក​បាន​ចែករំលែក​ថា លទ្ធផល​នៃ​ការនាំចេញ​អង្ករ​ដែល​បាន​ឆ្លងកាត់​ការត្រួតពិនិត្យ​ភូតគាម អនាម័យ ក្នុង​រយៈពេល ១១​ខែ នៅ​ឆ្នាំ​២០២០ សម្រេចបាន ៦០១ .០៤៥ តោន ដែល​ក្នុងនេះ​មាន​៖ អង្ករ​ក្រអូប​គ្រប់​ប្រភេទ​មាន​ចំនួន ៤៨១ .១២៣ តោន​, អង្ក​រស​ចម្រុះ​គ្រប់​ប្រភេទ​មាន​ចំនួន ១១៣. ៧០៣ តោន និង​អង្ករ​ចំ​ហ៊ុយ​មាន​ចំនួន ៦ .១៥១ តោន​។ ការនាំចេញ​អង្ករ​រយៈ​១១​ខែ នៅ​ឆ្នាំ ២០២០​នេះ គឺមាន​ការកើនឡើង​ប្រមាណ ៨៦. ៨៩៦ តោន ស្មើនឹង +១៦,៩០% ដែល​ធៀប​ទៅ នឹង​រយៈពេល​១១​ខែ នៅ​ឆ្នាំ​២០១៩ មានតែ​ចំនួន ៥១៤. ១៤៩ តោន ប៉ុណ្ណោះ ។ ដោយឡែក សម្រាប់​ខែ​វិឆ្ឆិកា ឆ្នាំ​២០២០ នេះ​សម្រេច​ការនាំចេញ​អង្ករ​បាន​ចំនួន ៦៤. ៧៤០ តោន មានការ​កើនឡើង​ចំនួន ៨. ៥៣១ តោន ស្មើនឹង ១៥,១៨% ធៀប​ទៅនឹង​បរិមាណ​នាំចេញ នៅ​ខែ​វិឆ្ឆិកា ឆ្នាំ​២០១៩ ។​

​ប្រទេស​ដែល​បាន​បញ្ជា​ទិញ​អង្ករ​ពី​កម្ពុជា​ក្នុង​រយៈពេល ១១​ខែ​កន្លងទៅនេះ មាន​ចំនួន ៦០ ប្រទេស​៖ នៅក្នុង​សហភាព​អ៊ឺរ៉ុប​មាន​ប្រទេស​ចំនួន ២៤ ក្នុងចំណោម​២៨ ប្រទេស​, ប្រទេស​ចិន (​រួមទាំង កោះ​ហុងកុង​, ម៉ាក់​កាវ និង​តៃវ៉ាន់​), ប្រទេស​សមាជិក​អាស៊ាន​ចំនួន ៦​ហើយ​និង​នៅ ទ្វិ​ប​ដ៏ទៃទៀត​ចំនួន ២៩ ប្រទេស ។ ទន្ទឹមនឹងនេះ​ក៏មាន​ក្រុមហ៊ុន​ចំនួន ១០ ក្នុងចំណោម ៧២​ក្រុមហ៊ុន ដែល​បាន​នាំចេញ​អង្ករ​ច្រើនជាងគេ ។​

​សូមបញ្ជាក់ថា​៖ ការនាំចេញ​អង្ករ​កម្ពុជា​ក្នុង​រយៈពេល​១១​ខែ​ដើមឆ្នាំ​ដូចគ្នា​ប្រៀបធៀប​ទៅនឹង ឆ្នាំ​២០១៩ មាន​កំណើន​នៅ​គ្រប់​គោលដៅ​នាំចេញ​ទាំងអស់ ដោយឡែក​ប្រទេស​ចិន​ឈរ​នៅ លំដាប់​ទី​១៖ ១) ប្រទេស​ចិន​មាន​បរិមាណ​សរុប​ចំនួន ២៣៤. ៩៤០ តោន ស្មើនឹង​៣៩,០៩%, ២) ការនាំ​ចេញទៅ​សហភាព​អ៊ឺរ៉ុប​មាន​ចំនួន ២៤ ប្រទេស មាន​បរិមាណ​សរុប​ចំនួន ១៨៨ .៤៣៦ ស្មើនឹង ៣១,៣៥%, ៣) បណ្តា​ប្រទេស​សមាជិក​អាស៊ាន​មាន​បរិមាណ​សរុប​ចំនួន ៧៨. ២០៨ តោន ស្មើនឹង ១៣,០១%, និង ៤) គោលដៅ​ដ៏ទៃទៀត ចំនួន​២៩ ប្រទេស​មាន​បរិមាណ​ស​រុ​ប ចំនួន ៩៩. ៤៦១ តោន ស្មើនឹង ១៦,៥៥% ។​

​លោក​បាន​បន្តថា ការនាំចេញ​ស្រូវ​នៅតាម​បណ្តា​ច្រក​នៃ​ខេត្ត​ជាប់​ព្រំដែន កម្ពុជា​-​វៀតណាម មកទល់​ថ្ងៃទី ៣០ ខែ​វិឆ្ឆិកា ឆ្នាំ​២០២០ មាន​បរិមាណ​សរុប​ចំនួន ១ .៧៧៧. ១០៧ តោន ។ បរិមាណ​នាំចេញ​សម្រាប់​មួយថ្ងៃ នៅ​ថ្ងៃទី​៣០ ខែ​វិឆ្ឆិកា ឆ្នាំ​២០២០ នេះ មាន​ចំនួន ២៦. ៦១៩ តោន ៕​PC

ទីតាំងផ្សាយពាណិជ្ជកម្ម

- Advertisment -

Most Popular