Home ព័ត៌មានជាតិ សុខាភិបាល ក្រសួងសុខាភិប...

ក្រសួងសុខាភិបាល​រក​ឃើញ​ករណី​វិជ្ជមាន​កូ​វីដ​-១៩ ថ្មី​៣​នាក់​ទៀត ក្នុង​ព្រឹត្តិការណ៍ «​សហគមន៍ ២៨​វិច្ឆិកា​»

​ដោយៈ​សុផល​/​ភ្នំពេញ​:​ក្រសួងសុខាភិបាល នៅ​ថ្ងៃទី​០១ ខែធ្នូ ឆ្នាំ​២០២០​នេះ បានចេញ​សេចក្តីប្រកាស​ព័ត៌មាន​បញ្ជាក់​ពី​ការរកឃើញ​អ្នក​ឆ្លង​ជំងឺ​កូ​វីដ​-១៩​ថ្មី ចំនួន​៣​នាក់​ថែមទៀត ដែល​ពាក់ព័ន​ធ​នឹង​ព្រឹត្តិការណ៍ «​សហគមន៍​២៨ វិច្ឆិកា​»​។​

​ជាមួយគ្នានេះ នៅថ្ងៃនេះ​ក្រសួងសុខាភិបាល បានប្រកាស​ពី​ការព្យាបាល​ជាសះស្បើយ អ្នកជំងឺ​កូ​វីដ​១៩ ចំនួន​៣​នាក់​ផងដែរ​។​
​ករណី​វិជ្ជមាន​វីរុស​កូ​វីដ​-១៩ ៖ ចំនួន ០៣​នាក់​មាន​៖

– ស្ត្រីជន​ជាតិខ្មែរ​អាយុ ៦៤​ឆ្នាំ មាន​អាសយដ្ឋាន​នៅ​ស្នាក់នៅ​សង្កាត់​ទួល​ទំពូង​១ ខណ្ឌចំការមន រាជធានី​ភ្នំពេញ ត្រូវជា​ម្តាយ​អ្នកជំងឺ​ស្ត្រី​អាយុ​៣៦​ឆ្នាំ ដែលមាន​ស្វាមី​ជា​អនុប្រធាននាយកដ្ឋាន ពន្ធនាគារ​នៃ​ក្រសួងមហាផ្ទៃ ។ លទ្ធផល​ធ្វើការ​វិភាគ​វត្ថុ​សំណាក​របស់​ស្ត្រី​ខាងលើ ដែល​ផ្តល់​ដោយ​វិទ្យា ស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ វិជ្ជមាន​វីរុស​កូដ​-១៩ ហើយ​បច្ចុប្បន្ន​អ្នកជំងឺ​ត្រូវបាន​ដាក់​ឲ្យ​សម្រាក ព្យាបាល​នៅ​មន្ទីរពេទ្យ​មិត្តភាព​ខ្មែរ -​សូ​វៀត​។​

– ស្ត្រីជន​ជាតិខ្មែរ​អាយុ ២៥​ឆ្នាំ និង​ទារក​ប្រស (​ជនជាតិខ្មែរ ) អាយុ ៧​ខែ មាន​អាសយដ្ឋាន​នៅ​ស្នាក់ សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ​។ លទ្ធផល​ធ្វើការ​វិភាគ​វត្ថុ​សំណាក​របស់​បុគ្គល​ទាំងពីរ​ខាងលើ ដែល​ផ្តល់​ដោយ​វិទ្យាស្ថាន​ប៉ាស្ទ័រ​កម្ពុជា រាជធានី​ភ្នំពេញ គឺ វិជ្ជមាន​វីរុស​កូ​វីដ​-១៩ ហើយ​បច្ចុប្បន្ន​អ្នកជំងឺ​ត្រូវ បានដាក់​ឲ្យ​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត​៕

ទីតាំងផ្សាយពាណិជ្ជកម្ម

- Advertisment -



Most Popular