Home ព័ត៌មានជាតិ វប្បធម៌ កម្មវិធី​ប្រឡ...

កម្មវិធី​ប្រឡង​គូស​គំនូរ​ឌីជីថល ថ្នាក់ជាតិ​ប្រចាំឆ្នាំ ២០២០ បានផ្តល់​ពេលវេលា ចុះឈ្មោះ​បន្ថែមទៀត ដល់​បេក្ខជន​

ដោយៈ ដេប៉ូ / ភ្នំពេញៈ កម្មវិធី​ប្រឡង​ស្នាដៃ​សិល្បៈ ថ្នាក់ជាតិ​ប្រចាំឆ្នាំ ២០២០ ក្រោម​កិច្ចសហការ​ជាមួយ ក្រុមហ៊ុន​សែ​ល​កាត បាន​បើក​ដំណើរការ កន្លែង​ចុះឈ្មោះ ថ្មី​មួយទៀត នៅឯ​ការិយាល័យ​កណ្តាល សែ​ល​កាត ក្នុង​រាជធានី​ភ្នំពេញ ដើម្បី​លើកទឹកចិត្ត ដល់​សិល្បករ​គំនូរ​ថ្មីៗ ឱ្យមក​ចូលរួម​ប្រកួត កម្មវិធី​ប្រឡង ប្រចាំឆ្នាំ​លើក​ទី ៣ នេះ​។​

​ការបើក​ដំណើរការ កន្លែង​ចុះឈ្មោះ ជាថ្មី​នេះ ត្រូវបាន​បើកសម្ពោធ រួម​ជាមួយនឹង​ការសម្តែង គូស​គំនូរ​ឌីជីថល​ផ្ទាល់ នៅឯ​ការិយាល័យ​កណ្តាល សែ​ល​កាត​។ ពិធី​នេះ ក៏មាន​វត្តមាន​ចូលរួម ពី​សំណាក់​លោក ប៊ុន ឡេង Influencer របស់​ក្រុមហ៊ុន សែ​ល​កាត សិស្ស និស្សិត មកពី​មូលនិធិ​កុមារ​កម្ពុជា (CCF) និង​សិល្បករ​គំនូរ​ខ្មែរ ដ៏​ល្បីឈ្មោះ លោក នូ សារី ដែល​រូបគាត់ បាន​ចូលរួម​ស្វែងយល់ ក៏ដូចជា ទទួលយក​នូវ​បទពិសោធន៍ នៃ​ការ​គូស​គំនូរ​ឌីជីថល​ផ្ទាល់ ជា​លើកដំបូង ផងដែរ​។​

កម្មវិធី​ប្រឡង​គូស​គំនូរ​ឌីជីថល ថ្នាក់ជាតិ​ប្រចាំឆ្នាំ ២០២០

​ការប្រកាស​នូវ ការបើក​ដំណើរការ កន្លែង​ចុះឈ្មោះ​ថ្មី​នេះ នឹង​បន្ត​ទទួល​ពាក្យ ចាប់ពី​ថ្ងៃនេះ រហូតដល់ ខែកុម្ភៈ ឆ្នាំ ២០២១ ។​

​កម្មវិធី​ប្រឡង​នេះ ត្រូវបាន​គេ​រំពឹងទុក​ថា នឹងមាន​ការចុះឈ្មោះ ចូលរួម​ប្រកួត ច្រើនជាង​កម្មវិធី​ប្រឡង កន្លងទៅ ហើយ​ចំពោះ​សិល្បករ ដែល​ជាប់​ជ័យលាភី នឹង​ទទួលបាន​នូវ​រង្វាន់ ដ៏​អស្ចារ្យ​ជាច្រើន ដោយ​ក្នុងនោះ មានដូចជា កិច្ចសន្យាការងារ និង​ឱកាស​នៃ​ការចូលរួម ជាមួយ​គម្រោង​អន្តរជាតិ​ជាដើម​។​

​គួរ​បញ្ជាក់ថា កម្មវិធី​ប្រឡង​ស្នាដៃ​សិល្បៈ ថ្នាក់ជាតិ​ប្រចាំឆ្នាំ ២០២០ ត្រូវបាន​ចែកចេញជា ៣ ប្រភេទ សម្រាប់​សិល្បករ ចូលរួម​ប្រកួត ដោយ​ក្នុងនោះ មានដូចជា គំនូរ​លើ​ផ្ទាំង​ក្រណាត់ គំនូរ​ឌីជីថល និង​គំនូរ​តាម​ដងផ្លូវ​។​

​លោក ថូ​នី ហ្វ្រ​ង់​ស៊ី​ស (Tony Francis) ជា​ម្ចាស់​ក្រុមហ៊ុន និង​ជា​ស្ថាបនិក Kbach Arts បាន​មានប្រសាសន៍ថាៈ ការផ្តល់​ពេលវេលា​បន្ថែម​នេះ គឺ​ដើម្បី​ផ្តល់ឱកាស ដល់​សិល្បករ ឱ្យបាន​កាន់តែច្រើន មក​ចូលរួម ក៏ដូចជា ផ្តល់​ពេលវេលា​គ្រប់គ្រាន់ ដល់​ពួកគាត់ ដើម្បី​ដាក់ពាក្យ​ប្រកួត​។​

​គួរ​រំលឹក​ផងដែរ កម្មវិធី​ប្រកួត​ប្រចាំ ឆ្នាំ​លើក​ទី ៣ នេះ ត្រូវបាន​ចាប់ផ្តើម​ប្រកាសឡើង កាលពី​ខែកញ្ញា ឆ្នាំ ២០២០ កន្លងទៅ ដោយ​ក្នុងនោះ កម្មវិធី ក៏បាន​នាំយក​នូវ គំនូរ​ប្រភេទ​ឌីជីថល​ថ្មី ដើម្បី​អនុញ្ញាតឱ្យ​សិល្បករ​យើង នៅ​ទូទាំងប្រទេស បាន​ចូលរួម ដើម្បី​បញ្ចេញស្នាដៃ ប្រកួតប្រជែង​៕V

កម្មវិធី​ប្រឡង​គូស​គំនូរ​ឌីជីថល ថ្នាក់ជាតិ​ប្រចាំឆ្នាំ ២០២០

ទីតាំងផ្សាយពាណិជ្ជកម្ម

- Advertisment -

Most Popular