Home ព័ត៌មានជាតិ សង្គម ស្រុក​កៀនស្វា...

ស្រុក​កៀនស្វាយ​បដិសេធ​ព័ត៌មាន​បំភ័យ​ថា​ព្រះសង្ឃ​គង់នៅ​វត្ត​កោះ​ប្រា​ក់មាន​ផ្ទុក​វិជ្ជមាន​កូ​វីដ​១៩

ដោយៈ​ស​រិ​ទ្ធ​/​ភ្នំពេញៈរដ្ឋបាល​ស្រុក​កៀនស្វាយ​នៅ​ថ្ងៃទី​១​ធ្នូ​នេះ​បានប្រកាស​ច្រានចោល​ព័ត៌មាន​មិន​ពិត​មួយ​តាមរយៈ​សារ​សំឡេង​ដែល​ចែករំលែក​តៗ​គ្នា ដោយ​និយាយថា​ព្រះសង្ឃ​គង់នៅ​វត្ត​កោះ​ប្រាក់​ចំនួន​៣​អង្គ​មាន​ផ្ទុក​វិជ្ជមាន​កូ​វីដ​១៩​។

លោក ពៅ គីម​លី អភិបាលរង​ស្រុក​កៀនស្វាយ តំណាងឱ្យ​តំណាង​លោក អ៊ូ ឈាង អភិបាល នៃ​គណៈ​អភិបាលស្រុក​កៀនស្វាយ បាន​បើក​កិច្ចប្រជុំ​ជាបន្ទាន់​មួយ​ជាមួយ​អាជ្ញាធរ​ព័ត៌មាន ដើម្បី​ឆ្លើយតប​នឹង​ការចុះផ្សាយ​បំផ្លើស​នេះ​។​
​លោក ពៅ គីម​លី បាន​បដិសេធ​ទាំងស្រុង​ចំពោះ​ការលើកឡើង​នេះ ។​នេះ​ជា​ព័ត៌មាន​មិន​ពិត​ទាំងស្រុង​។​លោក​ថា បច្ចុប្បន្ន​សុខភាព​របស់​ព្រះសង្ឃ​ដែល​គង់នៅ​វត្ត​កោះ​ប្រាក់​គឺមាន​សុខភាព​ល្អប្រសើរ​ហើយ​ព្រះសង្ឃ​ក៏​មិនបាន​និមន្ត​ទៅណា​ឆ្ងាយ​នោះទេ​។​លោក​សូម​អំពាវនាវ​ដល់​ព្រះ​គុណព្រះសង្ឃ​គ្រប់​ព្រះអង្គ និង​ប្រជា​ពល​រដ្ន​បងប្អូន​ទាំងឡាយ កុំ​ឲ្យ​មានការ​យល់ច្រឡំ​ជា ពិសេស​ប្រជាជន​នៅ​ភូមិ​កោះ​ប្រាក់​ចំពោះ​ព័ត៌មាន​មិន​ពិត​នេះ​។​

​លោកស្រី​ឱ​វណ្ណឌី​ន រដ្ឋលេខាធិការ និង​ជា​អ្នកនាំពាក្យ​ក្រសួងសុខាភិបាល បាន​បញ្ជាក់ថា គិត​មកដល់ពេលនេះ នៅក្នុង​ស្រុក​កៀនស្វាយ គ្មាន​ករណី​ឆ្លង​កូ​វីដ​-១៩​ទេ ហើយ​លោកស្រី​បានចាត់ទុក​សារ​ជា​សំឡេង​ថា ជា​ព័ត៌មាន​បំផ្លើស​។​
​រដ្ឋបាល​ស្រុក​កៀនស្វាយ​សូម​សំណូមពរ​ឲ្យ​ប្រជាពលរដ្ឋនៅក្នុង​ស្រុក​កៀនស្វាយ​បន្ត​អនុវត្តតាម​ការណែនាំរ​បស់​ក្រសួងសុខាភិបាល​ជាប្រចាំ ពិសេស​ត្រូវ​រាយការណ៍​បន្ទាន់​ទៅ​អាជ្ញាធរ​ថាបើ​សិន​ជាមាន​បងប្អូន​ណា​មាន​អាកា​រៈ​ផ្សេងៗ​ទាក់ទង​និង​ជំងឺ​កូ​វីដ​១៩ ដើម្បីឱ្យ​គ្រូពេទ្យ​តាមដាន​សុខភាព​៕​សរន​


ទីតាំងផ្សាយពាណិជ្ជកម្ម

- Advertisment -

Most Popular