Home កីឡា ក្រសួង​អប់រំ ...

ក្រសួង​អប់រំ លើក​ពេល​ប្រកួត​កីឡា​សិស្ស បឋមសិក្សា​ថ្នាក់ជាតិ ឆ្នាំ​២០២០ នៅ​រាជធានី​ភ្នំពេញ​

​ដោយៈ ដេប៉ូ / ភ្នំពេញៈ ដើម្បី​ចូលរួម​ទប់ស្កាត់ ក៏ដូចជា បង្ការ​ការរីក​រាលដាល ជំងឺ​កូ​វីដ ១៩ ក្រសួង​អប់រំ បានសម្រេច​លើក​ពេល ការប្រកួត​កីឡា​បឋមសិក្សា ថ្នាក់ជាតិ​ឆ្នាំ ២០២០ ទៅធ្វើ​នាពេល​ក្រោយ​វិញ​។​

​បើ​យោងតាម សេចក្តីជូនដំណឹង របស់​ក្រសួង​អប់រំ យុវជន និង កីឡា ដែល​បាន​ចុះហត្ថលេខា ដោយ​លោក​បណ្ឌិត​សភាចា​រ្យ ហង់ ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង កីឡា នៅ​ថ្ងៃទី​១ ខែធ្នូ ឆ្នាំ​២០២០​នេះ បានបញ្ជាក់​ថាៈ ” សូម​លើក​ពេល ការប្រកួត​កីឡា​សិស្ស បឋមសិក្សា​ថ្នាក់ជាតិ ឆ្នាំ​២០២០ ដែល​គ្រោង​រៀបចំឡើង ចាប់ពី​ថ្ងៃទី​៧ ដល់​ថ្ងៃទី ១៦ ខែធ្នូ ឆ្នាំ​២០២០ នៅ​រាជធានី​ភ្នំពេញ ហើយនឹង​ទៅធ្វើ ចាប់ពី​ថ្ងៃទី​១៥ ដល់​ថ្ងៃទី​២៤ ខែធ្នូ ឆ្នាំ​២០២០ វិញ ” ។​

​គួរ​បញ្ជាក់ថា បើ​គិត​មកដល់ ព្រឹក​ថ្ងៃទី​១ ខែធ្នូ ឆ្នាំ​២០២០ នេះ នៅ​កម្ពុជា គេ​បាន​រកឃើញ​អ្នកមាន​វីរុស​កូ​វីដ​-១៩ មាន​ចំនួន​សរុប ៣២៦ នាក់ (​ស្ត្រី ៧៣ នាក់ និង​បុរស ២៥៣ នាក់​) ក្នុងនោះ​ចំនួន​អ្នក​ព្យាបាល ជាសះស្បើយ សរុប​ទូទាំងប្រទេស មាន​ចំនួន ៣០៤ នាក់ និង​អ្នក​សម្រាក​ព្យាបាល នៅ​មន្ទីរពេទ្យ​មិត្តភាព ខ្មែរ​-​សូ​វៀត រាជធានី​ភ្នំពេញ ចំនួន ២២ នាក់​៕/V​

ទីតាំងផ្សាយពាណិជ្ជកម្ម

- Advertisment -

Most Popular