Home ព័ត៌មានជាតិ សេដ្ឋកិច្ច ​កំណាត់​ផ្លូវ...

​កំណាត់​ផ្លូវ​៥ ខ្សែ ដែល​ខូចខាត​ដោយ​ទឹកជំនន់ បាន​ជួសជុល​រួចរាល់ និង​ដាក់​ឲ្យ​ចរាចរ​ណ៍ហើយ​

​ដោយៈ រ៉ា​ម៉ន / ភ្នំពេញៈ ក្រសួង​សាធារណការ និង​ដឹកជញ្ជូន អាជ្ញាធរ​រាជធានី​ភ្នំពេញ មន្ទីរ​សាធារណការ និង​ដឹកជញ្ជូន រាជធានី សហការ​ជាមួយ អាជ្ញាធរ​ខណ្ឌ ជួសជុល​ឡើងវិញ​រួចរាល់​ហើយ នូវ​កំណាត់​ផ្លូវជាតិ និង​ផ្លូវ​បេតុង​ចំនួន ៥ ខ្សែ ស្ថិតនៅក្នុង​ភូមិសាស្ត្រ រាជធានី​ភ្នំពេញ និង​ស្រុក​កណ្តាលស្ទឹង ខេត្តកណ្តាល ដែល​ទទួលរង​ការខូចខាត ដោយ​គ្រោះទឹកជំនន់​ទឹកភ្លៀង និង​ស្ទឹង​ព្រែក​ត្នោត កន្លងមក ហើយ​ឥឡូវនេះ បានដាក់​ឲ្យ​ប្រជាពលរដ្ឋ ធ្វើ​ចរាចរណ៍​ជា​បណ្ដោះអាសន្ន​។​

​លោក សាំ ពិសិដ្ឋ ប្រធាន​មន្ទីរ​សាធារណការ និង​ដឹកជញ្ជូន រាជធានី​ភ្នំពេញ បាន​ប្រាប់​ឱ្យ​រស្មី​កម្ពុជា ដឹង​នា​ព្រឹក​ថ្ងៃទី​១ ខែធ្នូ នេះ​ថាៈ ក្រោម​ការណែនាំ របស់លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន និង​លោក ឃួ​ង ស្រេង អភិបាល​រាជធានី​ភ្នំពេញ មន្ទីរ​សាធារណការ និង​ដឹកជញ្ជូន រាជធានី​ភ្នំពេញ សហការ​ជាមួយ​អាជ្ញាធរ​ខណ្ឌ ៣ ខណ្ឌដង្កោ ខណ្ឌ​ពោធិ៍​សែន​ជ័យ និង​ខណ្ឌ​កំបូល បាន​ជួសជុល​ផ្លូវ ចំនួន ៥ ខ្សែ រួចរាល់​ហើយៗ បានដាក់​ឲ្យ​បងប្អូន ប្រជាពលរដ្ឋ ធ្វើ​ចរាចរណ៍ ជា​បណ្ដោះអាសន្ន ក្នុងនោះ​មានៈ កំណាត់​ផ្លូវជាតិ​លេខ​៤ មុខ​សាលាក្ដី​ខ្មែរក្រហម ក្នុង​ខណ្ឌ​ពោធិ៍​សែន​ជ័យ និង​ខណ្ឌ​កំបូល បាន​ជួសជុល​រួចរាល់ និង​ដាក់​ឱ្យធ្វើ​ចរាចរណ៍ តាំងពី​ចុងខែ​វិច្ឆិកា មកម្ល៉េះ​។​

​ចំណែក​កំណាត់​ផ្លូវជាតិ​លេខ​២ កំណាត់​ផ្លូវជាតិ​លេខ​៣ កំណាត់​ផ្លូវ​ព្រៃ​ស និង​កំណាត់​ផ្លូវ​លេខ ២០A ចាប់ពី​រង្វង់​មូល​កួរស្រូវ ក្នុង​សង្កាត់រ​លួ​ល សង្កាត់​ទៀន សង្កាត់​គង​ន​យ ខណ្ឌដង្កោ ដល់​ស្រុក​កណ្តាលស្ទឹង ខេត្តកណ្ដាល ដែល​ទទួលរង​ការខូចខាត ធ្ងន់ធ្ងរ​ដោយ​ទឹកជំនន់ កាលពី​ខែតុលា ក៏បាន​ជួសជុល​រួច និង​ដាក់ឱ្យ​ចរាចរណ៍ ជា​បណ្តោះអាសន្ន​ដែរ​៕/V​

ទីតាំងផ្សាយពាណិជ្ជកម្ម

- Advertisment -

Most Popular