Home ព័ត៌មានអន្តរជាតិ ជ័យលាភី​ពានរង...

ជ័យលាភី​ពានរង្វាន់​ណូបែល​សន្តិភាព​និយាយថា ជំងឺ​រាតត្បាត​បង្កើន​អំពើហិង្សា​និង​ការជួញដូរ​ស្ត្រី​

​ប្រែ​សម្រួល : កញ្ញា​ដា​លី​ស​/​កូឡុំបូ ៖ ជ័យលាភី​ពានរង្វាន់​ណូបែល​សន្តិភាព នាង ណា​ឌា មូរ៉ា​ដ និយាយថា ជំងឺ​រាតត្បាត​បាន​បង្កើន​ការជួញដូរ​ស្ត្រី​និង​អំពើ​ហិង្សា​ទាក់ទង​នឹង​យេនឌ័រ​ជាហេតុ​បណ្តាល​​ឱ្យ​សុខភាព​និង​សុវត្ថិភាព​របស់​ស្ត្រី​ស្ថិតក្នុង​គ្រោះថ្នាក់​។​

​សកម្មជន​អាយុ ២៧ ឆ្នាំ ដែល​ត្រូវ​បង្ខំ​ឱ្យ​ធ្វើជា​ទាសករ​ផ្លូវភេទ​ដោយ​ក្រុម​អ្នក​ប្រយុទ្ធ​រដ្ឋ​អ៊ីស្លាម​នៅក្នុង​ប្រទេស​អ៊ីរ៉ាក់ បាន​និយាយថា បម្រាម​គោចរ ការបិទ​ខេត្ត​ក្រុង និង​ការ​រឹតត្បិត​ការធ្វើដំណើរ ដែល​ដាក់​ចេញ​ដោយ​រដ្ឋាភិបាល​នានា​ដើម្បី​បន្ថយ​ការរីក​រាលដាល​នៃ​មេរោគ​កូរ៉ូណា បាន​បង្កឱ្យមាន​ផលវិបាក​ដោយ​អ​ចេតនា​មក​លើ​ស្ត្រី​នៅ​ទូទាំង​ពិភពលោក​។​

​នាង​និយាយថា “​ជាជាង​កាត់បន្ថយ​ការជួញដូរ​មនុស្ស​និង​អំពើហិង្សា​ទាក់ទង​នឹង​យេនឌ័រ ជំងឺ​រាតត្បាត​បាន​បង្កើន​ហានិភ័យ​នៃ​ការកេងប្រវ័ញ្ច​និង​ភាព​សាហាវព្រៃផ្សៃ​ប្រឆាំង​នឹង​អ្នក​ដែល​ងាយ​រង​​គ្រោះ​បំផុត​។ ប្រទេស​ជាច្រើន​បាន​ឃើញ​ការកើនឡើង​នូវ​របាយការណ៍​អំពី​អំពើហិង្សា​ក្នុង​គ្រួសារ ចាប់តាំងពី​ជំងឺ​រាតត្បាត​បានចាប់ផ្តើម​”​។​

​នាង​មូរ៉ា​ដ​និយាយថា “​ភាព​តានតឹង​ក្នុង​គ្រួសារ​បាន​កើន​ឡើង​ខ្លាំង​នៅក្នុង​កន្លែង​រស់នៅ​បិទ​ជិត ហើយ​បទបញ្ជា​ស្នាក់​នៅក្នុង​ផ្ទះ​កំពុង​បង្កើន​ការជួញដូរ​មនុស្ស ដែល​ផុត​ពី​ភ្នែក​របស់​ប៉ូលិស​”​។​

​នាង​និយាយថា “​ធនធាន​តិចតួច ដែល​ទុក​សម្រាប់​ការបង្ការ ការជួយ​សង្គ្រោះ និង​ការស្តារ​នីតិសម្បទា កំពុង​នៅ​សល់​ស្តួចស្តើង​ទៅៗ​។ ជា​លទ្ធផល សុខភាព​និង​សុវត្ថិភាព​របស់​ស្ត្រី​កំពុង​ស្ថិត​ក្នុង​ហានិភ័យ​។ ឥឡូវ​នេះ​វា​ពិបាក​សម្រាប់​ស្ត្រី​ជាច្រើន​ក្នុង​ការទទួល​បាន​ការ​គាំទ្រ​ផ្នែក​ចិត្តសាស្ត្រ​និង​សុខភាព​”៕

​ជ័យលាភី​ពានរង្វាន់​ណូបែល​សន្តិភាព នាង ណា​ឌា មូរ៉ា​ដ​

ទីតាំងផ្សាយពាណិជ្ជកម្ម

- Advertisment -

Most Popular