Home ព័ត៌មានជាតិ សេដ្ឋកិច្ច អគ្គនាយកដ្ឋាន...

អគ្គនាយកដ្ឋាន ក​.​ប​.​ប អំពាវនាវ​ឱ្យ​ពលរដ្ឋ​ទាំងអស់ បញ្ឈប់​ការទទួល​ទាន​ស្រា ដែល​មិនមាន​ស្លាក​សញ្ញា​ត្រឹមត្រូវ​

ដោយៈ ពៅ​និមល / ភ្នំពេញៈ បន្ទាប់ពី​រកឃើញ​នូវ សារធាតុ​មេ​តា​ណុល ក្នុង​ស្រា ករណី​ពុល នៅ​ខេត្តកំពង់ឆ្នាំង អគ្គនាយកដ្ឋាន ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ (​ហៅ​កាត់ ក​.​ប​.​ប​) នៃ​ក្រសួងពាណិជ្ជកម្ម បាន​អំពាវនាវ​ឱ្យ ប្រជាពលរដ្ឋ​ទាំងអស់ បញ្ឈប់​ការទទួល​ទាន​ស្រា ដែល​មិនមាន​ស្លាក​សញ្ញា​ត្រឹមត្រូវ មិនមាន​ប្រភព​ច្បាស់លាស់ និង​មានតម្លៃ​ទាប ហួសហេតុ ដែល​អាចជា​ហានិភ័យ បង្ក​គ្រោះថ្នាក់ និង​មិនមាន​ការទទួល ខុសត្រូវ​។​

​អគ្គនាយកដ្ឋាន ក​.​ប​.​ប នៅ​រសៀល​ថ្ងៃទី​១ ខែធ្នូ ឆ្នាំ​២០២០​នេះ បានលើកឡើង ក្នុង​ផេ​ក​ហ្វេ​ស​ប៊ុ​កថា ក្នុង​កំឡុង​រីក​រាលដាល នៃ​ជំងឺ​កូ​វីដ ១៩ បរិមាណ​នៃ​ការប្រើប្រាស់ អាល់កុល មានការ​កើនឡើង ដូច្នេះហើយ​មានការ​ផលិត អាល់កុល​ច្រើន ធ្វើឱ្យ​ការ​ផ្គត់​ផ្គង​ស្រា ស មានការ​ធ្លាក់ចុះ ជាហេតុ​ធ្វើឱ្យ​ជន​ឱកាសនិយម ឆ្លៀត​យក​សារធាតុ មេ​តា​ណុល មក​បន្លំ​ធ្វើ​ស្រា ស ឬ អាល់កុល​។​

អគ្គនាយកដ្ឋាន ក​.​ប​.​ប អំពាវនាវ​ឱ្យ​ពលរដ្ឋ​ទាំងអស់ បញ្ឈប់​ការទទួល​ទាន​ស្រា ដែល​មិនមាន​ស្លាក​សញ្ញា​ត្រឹមត្រូវ​

 

​ទាក់ទង​និង​ករណី​ពុល​ស្រា នៅ​ខេត្តកំពង់ឆ្នាំង កាលពី​ថ្មីៗ​នេះ មន្ត្រី​ជំនាញ​អគ្គនាយក ក​.​ប​.​ប បាន​សហការ​ជាមួយ កម្លាំង​នគរបាល​ខេត្ត កម្លាំង​សមត្ថកិច្ច​ពាក់ព័ន្ធ និង​អាជ្ញាធរ​ដែនដី ដោយមាន​កិច្ចដឹកនាំ សម្របសម្រួល​ពី​លោក ព្រះរាជអាជ្ញារង​ខេត្ត បាន​ចុះ​ប្រតិបត្តិការ ត្រួតពិនិត្យ ស្រាវជ្រាវ និង​ស៊ើបអង្កេត នៅ​ទីតាំង​កើតហេតុ ស្ថិតក្នុង​ភូមិ​ជី​ប្រ៉​ង ឃុំ​ជៀប ស្រុក​ទឹកផុស ខេត្តកំពង់ឆ្នាំង និង​សិប្បកម្ម​ផលិតផល​ស្រា ចំនួន ៨ កន្លែង ( ៣ កន្លែង ស្ថិតក្នុង​ស្រុក​ទឹកផុស និង ៥ កន្លែង​ទៀត ក្នុងស្រុក​កំពង់ត្រឡាច​) ។​

​លទ្ធផល​នៃ​ការធ្វើ​តេស្ត គំរូ​សំណាក រួមមានៈ ៥ គំរូ នៃ​ស្រា ចំនួន ១៦ គំរូ ដែល​ទទួលបាន ពី​ស្នងការដ្ឋាន​នគរបាល​ខេត្ត មាន​វត្តមាន មេ​តា​ណុល ក្នុង​កម្រិត​ខ្ពស់ ចាប់ពី ១០,៥ ភាគរយ រហូតដល់ ១៧,២៥ ភាគរយ លើស​កម្រិត​អនុញ្ញាត ដែល​ឱ្យ​ខ្ពស់បំផុត​ត្រឹមតែ ០,១៥ ភាគរយ​ប៉ុណ្ណោះ​។ រីឯ ៥៥ គំរូ ដែល​បាន​ដកហូត ពី​សិប្បកម្ម​ចំនួន ៨ កន្លែង​ផ្សេងគ្នា កំពុងធ្វើការ​វិភាគ​បន្ត​។​

អគ្គនាយកដ្ឋាន ក​.​ប​.​ប អំពាវនាវ​ឱ្យ​ពលរដ្ឋ​ទាំងអស់ បញ្ឈប់​ការទទួល​ទាន​ស្រា ដែល​មិនមាន​ស្លាក​សញ្ញា​ត្រឹមត្រូវ​

​តាមរយៈ​លទ្ធផល ខាងលើ និង​ផ្អែកលើ​ការសិក្សា​ស្រាវជ្រាវ ផ្នែក​វិទ្យាសាស្ត្រ សបញ្ជាក់​ឱ្យឃើញថា គំរូ​ស្រា​ចំនួន ៥ ក្នុងចំណោម គំរូ​ស្រា​ចំនួន ១៦ ខាងលើ មាន​កម្រិត​មេ​តា​ណុល លើសពី ១០ ក្រាម ក្នុង ១០០ មី​លី​លីត្រ​ស្រា ដែល​មានន័យថា ក្មេង​ជំទង់ អាច​ពុល​ស្លាប់​បាន ប្រសិនបើ​ទទួលទាន ចាប់ពី ១០០ មី​លី​លីត្រ ឡើងទៅ និង មនុស្សពេញវ័យ អាច​ពុល​ស្លាប់​បាន ប្រសិនបើ​ទទួលទាន ចាប់ពី ៣០០ មី​លី​លីត្រ​ឡើង​។​

​ពាក់ព័ន្ធ​ករណី ខាងលើនេះ គិត​ត្រឹម​ថ្ងៃទី​៣០ ខែវិច្ឆិកា ឆ្នាំ​២០២០​កន្លងទៅ ករណី​សង្ស័យ​ពុល​ស្រា សរុប​ចំនួន​១៣១​នាក់ (​ស្រី​៦​នាក់​) អ្នកជា​សះស្បើយ ចំនួន ៩០ នាក់​, កំពុង​សម្រាក​ព្យាបាល នៅ​មន្ទីរពេទ្យ​ខេត្តកំពង់ឆ្នាំង ចំនួន ៣១ នាក់​, សម្រាក​ព្យាបាល​នៅ​មន្ទីរពេទ្យ​កាល់ម៉ែត ចំនួន ៣ នាក់​, អ្នកស្លាប់​ចំនួន ៧ នាក់ (​នៅ​ម​នី្ទ​រ​ពេទ្យ​ខេត្ត ២ នាក់ ស្លាប់​ពេល​បញ្ជូនទៅ​ភ្នំពេញ ២ នាក់​, ស្លាប់​នៅផ្ទះ ២ នាក់ និង​ស្លាប់​នៅ​មន្ទីរពេទ្យ​កាល់ម៉ែត ១ នាក់​)៕/V​

អគ្គនាយកដ្ឋាន ក​.​ប​.​ប អំពាវនាវ​ឱ្យ​ពលរដ្ឋ​ទាំងអស់ បញ្ឈប់​ការទទួល​ទាន​ស្រា ដែល​មិនមាន​ស្លាក​សញ្ញា​ត្រឹមត្រូវ​

អគ្គនាយកដ្ឋាន ក​.​ប​.​ប អំពាវនាវ​ឱ្យ​ពលរដ្ឋ​ទាំងអស់ បញ្ឈប់​ការទទួល​ទាន​ស្រា ដែល​មិនមាន​ស្លាក​សញ្ញា​ត្រឹមត្រូវ​

អគ្គនាយកដ្ឋាន ក​.​ប​.​ប អំពាវនាវ​ឱ្យ​ពលរដ្ឋ​ទាំងអស់ បញ្ឈប់​ការទទួល​ទាន​ស្រា ដែល​មិនមាន​ស្លាក​សញ្ញា​ត្រឹមត្រូវ​

ទីតាំងផ្សាយពាណិជ្ជកម្ម

- Advertisment -

Most Popular