Home ព័ត៌មានជាតិ សេដ្ឋកិច្ច ប្រជុំ​តាម​អន...

ប្រជុំ​តាម​អន​ឡាញ និយាយ​គ្នា​ពី​រឿង​ទឹក និង​កសិកម្ម​

ដោយៈ ប​.​ខុន​/​ភ្នំពេញៈ កិច្ចប្រជុំ​បូកសរុប​លទ្ធផល សម្រាប់​បេសកកម្ម​ត្រួតពិនិត្យ ការអនុវត្ត កម្មវិធី (WRAP-UP MEETING FOR SEMI-VIRTUAL SUPERVISION MISSION) របស់​កម្មវិធី កម្មវិធី​គ្រប់គ្រង​ធនធានទឹក និង​ការផ្លាស់ប្តូរ​កសិកម្ម នៅ​កម្ពុជា (WAT4CAM ) ជំហាន​ទី​១ តាមរយៈ​អន​ឡាញ (Video Conference) បានធ្វើ​ឡើង នៅ​ទីស្តីការក្រសួង​ធនធានទឹក និង​ឧតុនិយម នា​ព្រឹក​ថ្ងៃទី​១ ខែធ្នូ ដឹកនាំ​ដោយ​លោក ចាន់ យុ​ត្ថា រដ្ឋលេខាធិការ ក្រសួង​ធន ធាន​ទឹក និង​ឧតុនិយម ទទួលបន្ទុក​ផ្នែក​កិច្ចការ​អន្តរជាតិ លោក ម៉ៅ ហាក់ នាយក WAT4CAM ជំហាន​ទី​១ និង​លោកស្រី នូ​ល ណាវ​មី (NOEL Naomi ) ប្រធាន​គ្រប់គ្រង គម្រោង​ថ្នាក់​តំបន់ នៃ​ទីភ្នាក់ងារ​បារាំង សម្រាប់​ការអភិវឌ្ឍ (AFD) ប្រចាំ​នៅ​ប្រទេស​កម្ពុជា​។​

​កិច្ចប្រជុំ តាមរយៈ​អន​ឡាញ​នេះ មាន​សមាសភាព​ចូលរួម ជា​តំណាង​មកពី ទីភ្នាក់ងារ​បារាំង សម្រាប់​ការអភិវឌ្ឍ ( AFD ), សហគមន៍​អឺរ៉ុប​នៅ​កម្ពុជា ( EU ), ក្រុមការងារ​ទីប្រឹក្សាបច្ចេកទេស អន្តជាតិ Egis-SCP-KCC (TA-INFRA), SCP-GRET-MEIHO (TA-ISWM) NIRAS-ATSA-CIRD (TA-AGRI) FUTUREWATER-MMA-JBA(TA-ME KONG-BASSAC) , ក្រុមការងារ PMU-WAT4CAM និង​មន្ទីរ​ធនធានទឹក និង​ឧតុនិយម ខេត្តបាត់ដំបង , សៀមរាប​, កំពង់ធំ​, ព្រះវិហារ និង​ខេត្តកណ្តាល​។​

​នៅក្នុង​កិច្ចប្រជុំ បាន​ពិនិត្យ និង​ពិភាក្សា លើ​ចំណុច​សំខាន់ៗ​មួយចំនួន ដូចជាៈ វឌ្ឍនភាព​ការងារ របស់​ទីប្រឹក្សា បច្ចេកទេស​អន្តជាតិ ស្តីពី​ការសិក្សា គម្រោង​ស្តារ ព្រែក និង​ប្រព័ន្ធធារាសាស្ត្រ , កម្ម​វី​ធី WAT4CAM នឹង​រៀបចំ​គោលការណ៍​ណែនាំ សេចក្តីប្រកាស​នានា ដែល​ទាក់ទង​ទៅ នឹង​ការរៀបចំ សហគមន៍​កសិករ ប្រើ ប្រាស់​ទឹក និង​ពង្រឹងសមត្ថភាព​, រៀបចំ​ម៉ូ​ដែល Model/Spatial data collection និង​ប្រមូល​ទិន្នន័យ ដើម្បី​សិក្សា​របប​ជលសា​ស្ត្រ និង​លំហូរ​ដីល្បាប់ នៃ​ទន្លេមេគង្គ​លើ ទន្លេមេគង្គ​ក្រោម និង​ទន្លេបាសាក់​, គណៈកម្មាធិការ​ដឹកនាំ​នៃ WAT4CAM គ្រោង​នឹង​រៀបចំ​កិច្ចប្រជុំ នៅ​ខែមករា ឆ្នាំ​២០២១, ក្រសួង​ធនធានទឹក និង​ឧតុនិយម​នឹង​រៀបចំ សំណើសុំ​ថវិកា​បន្ថែម សម្រាប់​ការជួសជុល​ឡើងវិញ ហេ​ដ្ឋា​រចនា​ស​ម្ព័​ន្ត​ធារាសាស្ត្រ ដែល​ខូចខាត ដោយសារ​ទឹកជំនន់ ក្នុងនោះ ភ្នាក់ងារ​អភិវឌ្ឍន៍​បារាំង AFD បាន​ឯក​ភាពជា គោលការណ៍ ពិចារណា ក្នុងការ​ផ្តល់​ថវិកា​ប​ន្ថែ​ម លើ​កម្មវិធី WAT4CAM ដែលមាន​ស្រាប់ ៕​PC

ទីតាំងផ្សាយពាណិជ្ជកម្ម

- Advertisment -

Most Popular