Home ព័ត៌មានជាតិ សន្តិសុខ រថយន្ត​ថយក្រោ...

រថយន្ត​ថយក្រោយ​កិន​ម៉ូតូ​បណ្តាល​ឲ្យ​ស្លាប់​មនុស្ស​ម្នាក់​និង​រងរបួស​

ដោយ​: សុខ​សុ​ភ័​ណ្ឌ / កំពង់ស្ពឺ​: មនុស្សម្នា​ក់បាន​ស្លាប់ និង​ម្នាក់ទៀត​រងរបួស ដោយសារ​រថយន្ត​ថយក្រោយ​កិន​នៅតាម​បណ្តោយ​ផ្លូវជាតិ​លេខ​៤៤ ស្ថិតក្នុង​ភូមិ​រស្មី ឃុំ​រស្មី​សាមគ្គី ស្រុក​ឱ​រ៉ា​ល់ ខេត្តកំពង់ស្ពឺ កាលពី​វេលា​ម៉ោង​១០​និង​៣៤​នាទី​ព្រឹក​ថ្ងៃទី​១​ខែធ្នូ​ឆ្នាំ​២០២០​។​

​មន្ត្រីនគរបាល​ស្រុក​ឱ​រ៉ា​ល់​បាន​ឲ្យ​ដឹងថា មុន​កើតហេតុ​គេ​ឃើញ​រថយន្ត​មួយគ្រឿង​ម៉ាក​ហ៊ី​ណូ​ពណ៌​ស ពាក់​ស្លាក​លេខ ភ្នំពេញ 3E 2250 បើកបរ​ពី​កើ​តទៅ​លិច​ដឹក​ស៊ីទែន​ទឹក​ស្រោច​ផ្លូវ​របស់​ក្រុមហ៊ុន​ស្ថាបនា​។​ អ្នកបើកបរ​មិន​ស្គាល់​អត្តសញ្ញាណ បើកបរ​មកដល់​ចំណុចកើតហេតុ​លើ​បាន​ឈប់​រួច​ថយក្រោយ​កិន​ម៉ូតូ​មួយគ្រឿង ម៉ាក​ហុងដា​វ៉េវ​អាល់​ហ្វា ពណ៌​ក្រហម ពាក់​ស្លាក​លេខ ព្រៃវែង 1T-8591​។​

​ប្រភព​បាន​បន្តថា​បើក​បរ​ដោយ​ឈ្មោះ ឡោម ច​ន្ដា ភេទ​ស្រី អាយុ​៣០​ឆ្នាំ ឌុប​ក្មួយ​ឈ្មោះ សៀក ករុណា ភេទ​ស្រី អាយុ​០៧​ឆ្នាំ ទាំង​០២​នាក់​រស់នៅ​ភូមិ​អូរ​ផ្តៅ ឃុំ​រស្មី​សាមគ្គី ស្រុក​ឱ​រ៉ា​ល់ ។​
​ក្នុងទិសដៅ​ស្រប​ទិស​គ្នា​ពី​កើ​តទៅ​លិច (​រថយន្ត​បើក​ពីមុខ​ម៉ូតូ​) លុះដល់​ចំណុចកើតហេតុ​ស្រាប់តែ​រថយន្ត​បាន​ឈប់​រួច​អា​យ៉ែ​ថយក្រោយ ភ្លាមនោះ​ម៉ូតូ​គេច​មិន​រួច បណ្ដាល​ឲ្យ​រថយន្តបុក​ម៉ូតូ​កិន​ស្លាប់​អ្នកជិះ​ឈ្មោះ ឡោម ច​ន្ដា​រីឯ​អ្នករួមដំណើរ​លើ​ម៉ូតូ​ឈ្មោះ សៀក ករុណា រងរបួស​ស្រាល​។​

​ក្រោយ​កើតហេតុ សមត្ថកិច្ច​ជំនាញ​បាន​សហការ​ជាមួយ​កម្លាំង​ប៉ុស្តិ៍​ចុះ​ធ្វើការ​ត្រួតពិនិត្យ​កន្លែងកើតហេតុ និង​បានប្រគល់​សាកសព​ជនរងគ្រោះ​ឲ្យ​សាច់ញាតិ​យកទៅ​ធ្វើបុណ្យ តាម​ប្រពៃណី​។​ ​វត្ថុតាង​ទាំង​០២​គ្រឿង យកមក​រក្សាទុក​នៅ​អធិការ​រដ្ឋា​ន​នគរបាល​ស្រុក​ឱ​រ៉ា​ល់ កសាង​សំណុំរឿង​អនុវត្តតាម​នីតិវិធី​៕​

ទីតាំងផ្សាយពាណិជ្ជកម្ម

- Advertisment -



Most Popular