Home ព័ត៌មានអន្តរជាតិ វៀតណាម​បញ្ឈប់...

វៀតណាម​បញ្ឈប់​ជើងហោះហើរ​ចូល​ពី​បរទេស​ទាំងអស់​ក្រោយ​រក​ឃើញ​អ្នក​ឆ្លងកូវី​ដ​១៩​ក្នុង​សហគមន៍​ថ្មី​២​នាក់​ទៀត​

​ប្រែ​សម្រួលៈ​វាសនា​/​ហាណូយ​៖ នាយករដ្ឋមន្ត្រី ង្វៀន សួន​ហ្វ៊ុក កាលពី​ថ្ងៃ​អង្គារ​ទី​០១​ធ្នូ​បាន​បញ្ជា​អោយ​ផ្អាក​ជា​បណ្តោះអាសន្ន​ជើងហោះហើរ​អន្តរជាតិ​ចូលមកក្នុង​​ប្រទេស​វៀតណាម​ទាំងអស់ ក្រោយ​ផ្ទុះ​ការឆ្លង​ជំងឺ​កូវី​ដ​១៩​នៅក្នុង​សហគមន៍​ជាថ្មី​នៅក្នុង​ប្រទេស​របស់​លោក​។​

​លោក​បាន​និយាយ​នៅក្នុង​កិច្ចប្រជុំ​គណៈរដ្ឋមន្ត្រី​មួយ​កាលពី​ថ្ងៃ​អង្គារ​ថា​ ​មានតែ​ជើងហោះហើរ​ដឹក​ជនជាតិ​វៀតណាម​វិលត្រឡប់​ពី​បរទេស​វិញ​ទេ​ដែល​នឹង​ត្រូវ​អនុញ្ញាត​​អោយចូល​។​

​យន្តហោះ​នៃ​ក្រុមហ៊ុន​អាកាសចរណ៍​វៀតណាម នាំ​អ្នកដំណើរ​មកពី​កូរ៉េ​ខាងត្បូង​មក​កាន់​ក្រុង​ហាណូយ​កាលពី​ខែ​កញ្ញា​ឆ្នាំ​២០២០​។​មន្ត្រី​វៀតណាម​បន្ទោស​អ្នក​បំរើការ​​លើ​យន្តហោះ​ម្នាក់​ចំពោះ​ការឆ្លង​ក្នុងស្រុក​ជាថ្មី ដោយសារ​បុរស​នេះ​រំលោភច្បាប់​ចត្តា​ឡី​ស័ក​

​ម៉ា​យ ទៀន​យុង ប្រធានការិយាល័យ​រដ្ឋ​បាន​និយាយ​ថា​ការផ្អាក​នេះ​គឺ​ដើម្បី​ទុក​ឱកាស​អោយ​រដ្ឋាភិបាល​ងាយ​គ្រប់គ្រង​ការឆ្លង​រាលដាល​ជំងឺ​និង​ការធ្វើ​ចត្តា​ឡីស័​កអ្នក​​ទើប​ចូល​មក​ដល់​ថ្មី​។​ទោះជា​យ៉ាងណា «​រដ្ឋាភិបាល​នៅ​អនុញ្ញាត​អោយ​យន្តហោះ​នាំ​ជនជាតិ​វៀតណាម​វិល​មក​ស្រុក​វិញ​នៅឡើយ​ទេ សំរាប់​មនុស្ស​ចាស់​អ្នកជំងឺ​ឬ​អ្នក​​ជួប​បញ្ហា​ហិរញ្ញវត្ថុ​»​។​

​កាលពី​ថ្ងៃ​ចន្ទ វៀតណាម​បាន​បញ្ចប់​ពេល​មិន​មាន​ការឆ្លង​ក្នុងស្រុក​អស់​ពេល​៨៨​ថ្ងៃ នៅពេល​បុរស​នៅ​ក្រុង​ហូ​ជី​មី​ញ​ម្នាក់​ជា​គ្រូបង្រៀន​ភាសា ត្រូវ​បាន​បញ្ជាក់​ថា​កើតកូ​វីដ​១៩ ក្រោយ​ឆ្លង​មក​ពី​មិត្ត​ម្នាក់ ជា​អ្នក​បំរើកា​រលើ​យន្តហោះ​។​

​នៅ​ថ្ងៃ​អង្គារ​នេះដែរ វៀតណាម​បាន​រកឃើញ​អ្នក​ឆ្លងកូវី​ដ​១៩​ក្នុងស្រុក​២​នាក់​ទៀត​ពាក់ព័ន្ធ​នឹង​ករណី​ខាងលើ ។​ពួកគេ​ជា​កូន​ក្មេង​អាយុ​១​ឆ្នាំ​ម្នាក់​និង​បុរស​អាយុ​២៨​ឆ្នាំ ដែល​ត្រូវជា​ក្មួយ​និង​សិស្ស​របស់​អ្នក​ឆ្លង​កាលពី​ថ្ងៃ​ចន្ទ​។​

​អ្នកជំងឺ​អាយុ​១​ឆ្នាំ​នេះ​ជា​ក្មួយ​របស់​គ្រូ​ភាសា​អង់គ្លេស​អាយុ​៣២​ឆ្នាំ ដែល​ត្រូវបាន​ប្រកាសថា​មាន​វិជ្ជ​មានកូ​វីដ​១៩​កាលពី​ថ្ងៃ​ចន្ទ​។​

​ជាមួយនឹង​តួលេខ​ឆ្លង​ថ្មី វៀតណាម​ឥឡូវ​មាន​អ្នក​កើតកូ​វីដ​១៩​សរុប​១.៣៥១​នាក់ តែ​១.១៩៥​នាក់​បាន​ជាសះស្បើយ​និង​៣៥​នាក់​ស្លាប់​ដោយកូវី​ដ​១៩៕

ទីតាំងផ្សាយពាណិជ្ជកម្ម

- Advertisment -

Most Popular