Home ព័ត៌មានជាតិ សន្តិសុខ លក់​រថយន្ត​បា...

លក់​រថយន្ត​បាន​លុយ​ចូល​ម៉ាស្សា​កោស​ជប់​បាត់​លុយ​អស់​៥០០០​ដុល្លារ

​ដោយៈ​ចាន់តូ​/​ភ្នំពេញ​: បុរស​បីនាក់​ទើបតែ​លក់​រថយន្ត​កូរ៉េ​ចំណុះ​៣​តោន​បាន​លុយ ហើយ​នាំគ្នា​ចូល​ម៉ាស្សា​កោស​ជប់​ឲ្យ​ស្រួលខ្លួន ចេញមក​ខាងក្រៅ​វិញ​ឆែក​កាបូប​មើល​បាត់​លុយ​ដុល្លា​អស់​៥០០០​ដុល្លារ បែរជា​ឃើញ​ដុល្លារ​ខ្មោច​៦០០​ដុល្លារ​ក្នុង​កាបូប​។​ហេតុ​ការ​ណ៏​នេះ​បង្ក​ការភ្ញាក់ផ្អើល​កាល​វេលា​ម៉ោង​១២​និង​៣០​នាទី​យប់​រំលងអធ្រាត្រ​ឈានចូល​ថ្ងៃ​ពុធ ទី​២ ខែធ្នូ ឆ្នាំ​២០២០ ស្ថិត​តាម​បណ្ដោយ​ផ្លូវ​២០០៤ ចំណុច​ហាង​ម៉ាស្សា​មួយកន្លែង​យីហោ (​ម៉ាស្សា​កោ​ជុប​៣​ដុល្លា​) ក្នុង​សង្កាត់​កា​កាប​ទី​១ ខណ្ឌ​ពោធិ៍​សែន​ជ័យ ។​

​តាម​ប្រភពពី​ជនរងគ្រោះ​បាន​ប្រាប់​ឲ្យ​ដឹងថា​មុន ពេល​កើតហេតុ​ពួកគេ​មាន​គ្នា​បីនាក់ បាន​បើករ​ថយ​ន្តូ​កូរ៉េ​មួយគ្រឿង​មកពី​ខេត្តស្វាយរៀង​យក មក​លក់​នៅ​ភ្នំពេញ​ម្ដុំ​ផ្លូវ​២០០៤​បាន​លុយ​១០៥០០​ដុល្លារ ខណៈពេល​លក់បាន​លុយ​ហើយក៏​បាននាំគ្នា​ចូល​ម៉ាស្សា​កោស​ជប់​ឲ្យ​ស្រួលខ្លួន​បន្តិច​ពេល​ដោះ​ខោអាវ និង​កាបូប ចេញពី​ខ្លួន​ព្យួរ​មិនទាន់បាន​ម៉ាស្សា​បាន​ស្រួល​ផង​ស្រាប់​តែមាន​បុរស​ម្នាក់​ជិះ​ម៉ូតូ​មួយគ្រឿង​មិន​ចាំ​ម៉ាក​មក​ស្រែ​នៅខាងមុខ​ហាង​ថា​ប៉ូលិស​មកហើយ​រួច​បាន​ជិះ​ម៉ូតូ​ចេញទៅ​បាត់​ធ្វើ​ឲ្យ​គេ​ទាំង​បីនាក់​មានការ​ភិតភ័យ​ដោយ​ខ្លាច​ប៉ូលិស ចាប់ បាន​ចេញពី​ហាង​ម៉ាស្សា​ទាំង​ប្រញាប់ប្រញាល់ ហៅ​កង់​បី​ជិះ​មក​ផ្លូវ​វេ​ង​ស្រេង​រក​ផ្ទះសំណាក់​ដេក​នៅ​ម្ដុំ​បឹង​ក្រពើ​ពេលមកដល់​ផ្ទះសំណាក់​ហើយ​បាន​ដោះ​ការ​បូ​ប​ស្ពាយ​ចេញ​ដោយមាន​ការសង្ស័យ​ការ​បូ​ប​ស្រាល​ម្លេះ​រួច​ក៏​ឆែក​មើល​ស្រាប់តែ​បាត់​លុយ​អស់​៥០០០​ដុល្លារ ឃើញ​លុយ​ដុល្លា​ខ្មោច​៦០០​ដុល្លារ​ជាមួយ​លុយ​ដែល​នៅសល់ ៥៥០០ ដុល្លារ​។ ប្រភព​បន្តទៀតថា​ពេញ​ឃើញ​បាត់​លុយ​ដូច​ច្នេះ​គាត់​ទាំងបី​នាក់​បាន​ជិះ​កង់​បី​មក​កន្លែង​ម៉ាស្សា​វិញ​ស្រាប់តែ​មកដល់​គេ​បិត​ភ្លើង​ងងឹតឈឹង​និង​យក​ស្លាក​យីហោ​ចេញ​អស់​។​

​ក្រោយ​ហេតុការណ៍​ជនរងគ្រោះ​បាន​ជិះ​កង់​បី​ឥណ្ឌា​ទៅ​ដាក់​ពាក្យបណ្ដឹង​នៅ​ប៉ុ​ស្តិ៏​នគរបាល​រដ្ឋបាល កា​កាប​ទី​១ ទាំង​ក្ដី​អ​សង្ឃឹម​៕​

ទីតាំងផ្សាយពាណិជ្ជកម្ម

- Advertisment -

Most Popular