Home ព័ត៌មានជាតិ នយោបាយ អ្នកនាំពាក្យប...

អ្នកនាំពាក្យប៉ូលិស : សមត្ថកិច្ចនឹងអនុវត្តវិធានការច្បាប់ ចំពោះមន្ត្រីអតីតគណបក្សសង្រ្គោះជាតិ

លោកឧត្តមសេនីយ៍ឯក ឆាយគឹមខឿន(រូបឯកសារ)

ដោយ:មុនីរ័ត្ន/ភ្នំពេញៈ អ្នកនាំពាក្យអគ្គស្នងការដ្ឋាននគរបាលជាតិ លោកឧត្តមសេនីយ៍ឯក ឆាយគឹមខឿន បានបញ្ជាក់ប្រាប់រស្មីកម្ពុជាថា ទាក់ទងការប្រកាសវិលត្រឡប់មកកម្ពុជាវិញរបស់អតីតមន្ត្រីជាន់ខ្ពស់ នៃអតីត គណបក្សសង្រ្គោះជាតិនៅថ្ងៃទី៤ ខែមករា គឺសមត្ថកិច្ចនឹងអនុវត្តវិធានការច្បាប់ ពោលគឺបើមានដីកាចាប់ ខ្លួន​គឺចាប់បើមាននៃការនាំខ្លួនគឺនាំខ្លួន ហើយចំពោះអ្នកដែលមិនមានដីកាគឺសមត្ថកិច្ចមិនធ្វើអ្វីនោះទេ។

លោកឧត្តមសេនីយ៍ឯក បានបញ្ជាក់ទៀតថា សមត្ថកិច្ចបានត្រៀមលក្ខណៈសម្បត្តិអនុវត្តវិធានការច្បាប់ យ៉ាង​ម៉ឹងម៉ាត់បំផុត។អ្នកនាំពាក្យអគ្គស្នងការដ្ឋាននគរបាលជាតិ  បានបញ្ជាក់យ៉ាងដូច្នេះថាយើង អនុវត្ត​វិធាន​ការ​ច្បាប់ចំពោះអ្នកទាំងនោះ មកបើមានដីកាចាប់ចាប់ មានដីកានាំខ្លួននាំខ្លួន បើអត់ដីកាអត់ មានទៅ​ធ្វើអីគេ​ទេ។ តែជារួមយើងត្រៀមលក្ខណៈសម្បត្តិអនុវត្តវិធានការច្បាប់យ៉ាងម៉ឹងម៉ាត់

យោងតាមសេចក្តីប្រកាសព័ត៌មានរបស់អតីតគណបក្សសង្គ្រោះជាតិ បានឲ្យដឹងថា កាលពីថ្ងៃទី២៧២៨២៩ ខែវិច្ឆិកា ឆ្នាំ២០២០ អតីតគណបក្សសង្គ្រោះជាតិ បានរៀបចំកិច្ចប្រជុំ គណៈកម្មាធិការអចិន្ត្រៃយ៍ ក្រុមអ្នក​តំណាង​រាស្ត្រ និងថ្នាក់ដឹកនាំសាខា គណបក្សសង្គ្រោះជាតិ ក្រៅប្រទេសតាម ប្រព័ន្ធវីដេអូ (Video Conference) ដើម្បី​​ពិភាក្សា និងវាយតម្លៃស្ថានការណ៍ នយោបាយបច្ចុប្បន្ន នៅប្រទេសកម្ពុជា ហើយនិង កំណត់កាលបរិច្ឆេទ និងរៀបចំដំណើរមាតុភូមិនិវត្តន៍ របស់ថ្នាក់ដឹកនាំ អតីតគណបក្ស សង្គ្រោះជាតិ នៅឆ្នាំ២០២១។

ជាលទ្ធផល អង្គប្រជុំបានឯកភាពគ្នា និងសម្រេច ដូចតទៅ៖ថ្នាក់ដឹកនាំ និងសកម្មជនអតីត​គណបក្ស​សង្គ្រោះ​ជាតិ ដែលមានឈ្មោះក្នុងដីកាកោះរបស់តុលាការក្រុងភ្នំពេញ ហើយដែលកំពុងរស់នៅនិរទេសក្រៅប្រទេស ត្រូវវិលត្រឡប់ទៅកាន់ប្រទេសកម្ពុជាវិញ។

លោកស្រី មូរ សុខហួរ នឹងដឹកនាំថ្នាក់ដឹកនាំ និង សកម្មជនគណបក្សសង្គ្រោះជាតិ ធ្វើមាតុភូមិនិវត្តន៍​ទៅកាន់​ប្រទេសកម្ពុជាវិញ នៅ ថ្ងៃទី ខែមករា ឆ្នាំ២០២១។

គួរបញ្ជាក់ថា នេះគឺជាការប្រកាសវិលចូលស្រុកជាលើកទី២ បន្ទាប់ពីការប្រកាសវិលចូលស្រុលលើកទី១ របស់លោកសម រង្ស៊ី កាលពីថ្ងៃទី៩ វិច្ឆិកា ឆ្នាំ២០១៩ ត្រូវបរាជ័យ។

មជ្ឈដ្ឋានទូទៅរង់ចាំមើលថា តើថ្នាក់ដឹកនាំ និងសកម្មជនអតីតគណបក្សសង្គ្រោះជាតិ ដែលមានឈ្មោះក្នុង​ដីកាកោះរបស់តុលាការក្រុងភ្នំពេញ ហើយដែលកំពុងរស់នៅនិរទេសក្រៅប្រទេស ក្លាហានហ៊ានវិលត្រឡប់​មកប្រទេសកម្ពុជាវិញដែរឬទេ?៕សរន

ទីតាំងផ្សាយពាណិជ្ជកម្ម

- Advertisment -

Most Popular