Home ព័ត៌មានអន្តរជាតិ កែវយឹត​អវកាស​...

កែវយឹត​អវកាស​ដ៏​ល្បី​របស់​ព័រ​តូ​រីកូ​ដួលរលំ​ខូច​ខ្ទេច​អស់​រលីង​

​ប្រែ​សម្រួល : កញ្ញា​ដា​លី​ស ៖ កែវ​យឺត​អវកាស Arecibo Observatory ដ៏​ល្បី​នៅ​ប្រទេស​ព័រ​តូ​រីកូ ដែល​ធ្លាប់​លេចឡើង​នៅ​ក្នុង​ខ្សែភាពយន្ត​ជេ​ម​ស៍ប៊ន បាន​ដួលរលំ​កាលពី​ថ្ងៃ​អង្គារ​ទី​១​ធ្នូ​នៅ​ពេល​បង្គោល​​ទទួល​រលកសញ្ញា​ទម្ងន់ ៩០០ តោន​របស់​វា បាន​ធ្លាក់ចុះ​ពី​កម្ពស់ ១៤០ ម៉ែត្រ​ទៅ​លើ​ថា​សរលក​វិទ្យុ​នៅ​ខាងក្រោម​។​

​ថ្មីៗ​នេះ​ពួក​វិស្វករ​បាន​ព្រមាន​អំពី​ស្ថាន​យ៉ាប់យ៉ឺន​នៃ​សំណង់​ដ៏​ធំ​នេះ ហើយ​មូលនិធិ​វិទ្យាសាស្ត្រ​ជាតិ​អាម៉េរិក (NSF) បាន​ប្រកាស​កាលពី​ខែ​មុន​ថា កែវយឹត​នេះ​អាច​នឹង​ត្រូវ​រុះរើ​។​

​ខ្សែ​កាប្លិ៍​ពីរ​ក្នុងចំណោម​ខ្សែ​កាប្លិ៍​ជាច្រើន ដែល​ទប់​ដង​បង្គោល​ទទួល​រលក​វិទ្យុ​នៅលើ​ថា​សរលក​វិទ្យុ​ដែលមាន​អង្កត់​ផ្ចិត ៣០០ ម៉ែត្រ បាន​ដាច់​នៅ​ឆ្នាំ​នេះ ហើយ​ទីបំផុត​វា​ក៏​ដួល​រលំ​នៅ​ព្រឹក​ថ្ងៃ​អង្គារ​។​

​រូបថត​បាន​បង្ហាញ​ពពក​ធូលី​ហុយ​ឡើង​លើ​មេឃ​និង​ឧបករណ៍​កែវយឹត​សេសសល់​បាន​រាយប៉ាយ​ពាសពេញ​កន្លែង​នោះ​។​

​អ្នកនាំពាក្យ​របស់ NSF លោក រ៉ប់ ម៉ា​ហ្គេត​តា បាន​ប្រាប់​ទីភ្នាក់ងារ​សារព័ត៌​មា AFP ថា “​យើង​អាច​បញ្ជាក់​ថា ដង​បង្គោល​បាន​ធ្លាក់ចុះ​ហើយ​យើង​មិន​មាន​របាយការណ៍​អំពី​ការរង​របួស​នោះទេ​”​។​

​កែវយឹត​នេះ​ធ្លាប់​ជា​កែវយឹត​ធំ​បំផុត​មួយ​នៅ​លើ​ពិភពលោក និង ជា​ឧបករណ៍​សម្រាប់​របក​គំហើញ​តារា​រូបវិទ្យា​ជាច្រើន​ចាប់​តាំងពី​ទសវត្សរ៍​១៩៦០​ក៏ដូចជា​ល្បីល្បាញ​សម្រាប់​ទំហំ​ដ៏​ធំ​និង​ទីតាំង​ដ៏​ស្រស់ស្អាត​​របស់​វា​៕

​កែវ​យឹត Arecibo Observatory រលំ​កាលពី​ថ្ងៃ​អង្គារ​នៅ​ព័រ​តូ​រីកូ

ទីតាំងផ្សាយពាណិជ្ជកម្ម

- Advertisment -

Most Popular