Home ព័ត៌មានអន្តរជាតិ អ​.​ស​.​ប និយ...

អ​.​ស​.​ប និយាយថា ជំងឺ​រាតត្បាត​នឹង​ធ្វើឱ្យ​តម្រូវការ​ជំនួយ​មនុស្សធម៌​កើនឡើង​ខ្ពស់​ក្នុង​ឆ្នាំ ២០២១

​ប្រែ​សម្រួល : កញ្ញា​ដា​លី​ស ៖ ការិយាល័យ​មនុស្សធម៌​អ​.​ស​.​ប​និយាយថា​សេចក្តី​ត្រូវការ​សម្រាប់​ជំនួយ​មនុស្សធម៌​បាន​កើនឡើង​ដល់​កម្រិត​ខ្ពស់​បំផុត​មិន​ធ្លាប់​មាន​នៅ​ឆ្នាំ​នេះ ដោយសារ​តែ​ជំងឺ​កូវី​ដ​១៩ ដោយ​ប៉ាន់ប្រមាណ​ថា មនុស្ស​ចំនួន ២៣៥ លាន​នាក់​នឹង​ត្រូវការ​ជំនួយ​ក្នុង​ឆ្នាំ ២០២១ ។​

​ការលើកឡើង​នេះ​កើតចេញ​ពី​លទ្ធផល​នៃ​ជំងឺ​រាតត្បាត​កូវី​ដ​១៩​និង​ការ​ប្រឈម​ជា​សកល រួមមាន ជម្លោះ ការធ្វើ​ចំណាកស្រុក​ដោយ​បង្ខំ និង​ផល​ប៉ះពាល់​ពី​ការឡើង​កម្តៅ​ផែនដី​។​

​ការិយាល័យ​សហប្រជាជាតិ​ទទួល​បន្ទុក​កិច្ចការ​សម្របសម្រួល​ម​នុស្ស​ធម៌ (OCHA) រំពឹងថា​នឹង​មាន​ការកើនឡើង ៤០ ភាគរយ​នៃ​ចំនួន​មនុស្ស​ដែល​ត្រូវការ​ជំនួយ​មនុស្សធម៌​ក្នុង​ឆ្នាំ ២០២១​ធៀប​ទៅនឹង​​ឆ្នាំនេះ​។​

OCHA បាន​ធ្វើ​ការប៉ាន់ស្មាន​នៅក្នុង​សេចក្តី​សង្ខេប​ស្តីពី​មនុស្សធម៌​សកល​ប្រចាំ​ឆ្នាំ​ចុងក្រោយ​របស់​ខ្លួន​នៅ​ថ្ងៃ​អង្គារ​ទី​១​ធ្នូ ដោយ​និយាយថា ក្តីសង្ឃឹម​របស់​ខ្លួន​ក្នុង​ការជួយ​ដល់​មនុស្ស ១៦០ លាន​នាក់ ដែល​ត្រូវការ​ជំនួយ​ចាំបាច់ នឹង​ត្រូវ​ចំណាយ​អស់ ៣៥ ពាន់​លាន​ដុល្លារ​។​

​ចំនួន​នេះ​គឺ​ច្រើន​ជាង​ទ្វេដង​នៃ​ចំនួន​កំណត់ត្រា ១៧ ពាន់​លាន​ដុល្លារ ដែល​ម្ចាស់​ជំនួយ​បាន​ផ្តល់​សម្រាប់​ការឆ្លើយតប​ផ្នែក​មនុស្សធម៌​អន្តរជាតិ​រហូត​មក​ទល់​ពេលនេះ​។​

​ប្រធានការិយាល័យ OCHA លោក ម៉ាក ឡូ​វ​ខុក និយាយថា​”​រូបភាព​ដែល​យើង​កំពុង​គូសវាស​នៅ​ឆ្នាំ​នេះ​គឺជា​ទស្សនវិស័យ​ក្រៀមក្រំ​បំផុត​និង​ខ្មៅ​ងងឹត​បំផុត​លើ​តម្រូវការ​មនុស្សធម៌​ដែល​យើង​​ធ្លាប់​បាន​ដាក់​ចេញ​ហើយ​នោះ​គឺ​ព្រោះតែ​ជំងឺ​រាតត្បាត​បានសម្លាប់​រង្គាល​មនុស្ស​នៅ​ពាសពេញ​ប្រទេស​ដែល​ងាយ​រងគ្រោះ​និង​ផុយស្រួយ​បំផុត​នៅលើ​ភពផែនដី​។​

“​ជា​លើកដំបូង​ចាប់​តាំងពី​ទសវត្សរ៍​ឆ្នាំ​១៩៩០ ភាពក្រីក្រ​ខ្លាំង​នឹង​កើនឡើង ការរំពឹង​ទុក​នៃ​អាយុ​វែង​នឹង​ថយចុះ ចំនួន​អ្នក​ស្លាប់​ប្រចាំឆ្នាំ​ដោយសារ​ជំងឺអេដស៍ ជំងឺរបេង និង​ជំងឺគ្រុនចាញ់​នឹង​កើនឡើង​​ទ្វេដង​។ យើង​បារម្ភ​ចំនួន​មនុស្ស​ប្រឈម​ទុរភិក្ស​នឹង​កើនឡើង​ទ្វេដង​”៕

មនុស្ស​ចំនួន ២៣៥ លាន​នាក់​នឹង​ត្រូវការ​ជំនួយ​ក្នុង​ឆ្នាំ ២០២១​

ទីតាំងផ្សាយពាណិជ្ជកម្ម

- Advertisment -

Most Popular