Home ព័ត៌មានអន្តរជាតិ រ៉ូបូត​នៅអេ​ហ...

រ៉ូបូត​នៅអេ​ហ្ស៊ី​ប​ចេះ​ធ្វើតេស្តិ៍​រក​ជំងឺ​កូវី​ដ​១៩ និង​និយាយ​រំលឹក​មនុស្ស​ឱ្យ​ពាក់​ម៉ាស់​

​ប្រែ​សម្រួល : កញ្ញា​ដា​លី​ស ៖ វិស្វករ​វ័យក្មេង​អេ​ហ្ស៊ី​បម្នាក់បាន​បង្កើត​មនុស្ស​យន្ត​រ៉ូ​បូតបញ្ជា​ពី​ចម្ងាយ​ដែល​អាច​ស្ទង់កម្តៅ​របស់​អ្នកជំងឺ ធ្វើតេស្តិ៍​រក​កូវី​ដ​១៩​និង​ថែម​ទាំង​ចេះ​ស្តីបន្ទោស​ដល់​អ្នក​ដែល​មិន​​ពាក់​ម៉ាស់​ទៀតផង​។​

​ជាមួយនឹង​មុខមាត់​ស្រដៀង​មនុស្ស​និង​ដៃ​យន្ត រ៉ូបូត​ឈ្មោះ Cira-03 មាន​សមត្ថភាព​បូម​ឈាម​និង​ធ្វើតេស្តិ៍​EKGs និង​ឆ្លុះ​កាំរស្មីអ៊ិច បន្ទាប់​មក​បង្ហាញ​លទ្ធ​ផល​តេ​ស្តិ៍លើ​អេក្រង់​នៅ​លើ​ដើមទ្រូង​របស់​វា​។​

​រ៉ូបូត​Cira-03 ធ្វើតេស្តិ៍​អ្នកជំងឺ​ដើម្បីរ​កកូ​វីដ​១៩ ដោយ​លើក​ចង្កា​របស់​ពួកគេ ហើយ​បន្ទាប់មក​លូក​សំឡី​ចូល​មាត់​។​

​ខណៈ​គោលបំណង​គឺ​ដើម្បី​កាត់បន្ថយ​ការប៉ះពាល់​របស់​បុគ្គលិក​សុខាភិបាល​ជា​មួយកូ​វីដ​១៩ លោក អែល កូ​មី ក៏​ចង់​ធ្វើឱ្យ​អ្នកជំងឺ​ធូរចិត្ត​ផងដែរ​នៅក្នុង​ស្ថានភាព​ធ្វើតេស្តិ៍​ដ៏​លំបាក​។​

​លោក អែល កូ​មី និយាយថា “​ខ្ញុំ​ព្យាយាម​ធ្វើឱ្យ​មនុស្ស​យន្ត​នេះ​មើលទៅ​មាន​មុខមាត់​ដូច​មនុស្ស​ដើម្បី​កុំឱ្យ​អ្នកជំងឺ​ខ្លាច​។​ដូច្នេះ​ពួកគេ​នឹង​មិន​មាន​អារម្មណ៍​ដូច​ប្រអប់​ជ្រុង​កំពុង​ធ្វើ​អីៗ​លើ​រាងកាយ​ពួក​​គេ​ទេ​”​។​

​យោង​តាម​លោក អែល កូ​មី ការឆ្លើយតប​ពី​អ្នកជំងឺ​គឺ​វិជ្ជមាន​។

​លោក​បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័​រថា “​ពួក​គេ​ឃើញ​រ៉ូបូត​ពួកគេ​មិន​ខ្លាច​ទេ​។ ផ្ទុយទៅវិញ ពួក​គេ​ជឿ​ទុកចិត្ត​រ៉ូបូ​តជាង ពីព្រោះ​រ៉ូបូ​ត​មាន​ភាពច្បាស់លាស់​ជា​ង​មនុស្ស​”៕

​រ៉ូបូត Cira-03 កំពុង​បំពេញ​មុខងារ​ធ្វើតេស្តិ៍​រក​កូវី​ដ​១៩​ជំនួស​គ្រូពេទ្យ​នៅ​ទីក្រុង​តាន់​តា​ប្រទេស​អេ​ហ្ស៊ី​ប

ទីតាំងផ្សាយពាណិជ្ជកម្ម

- Advertisment -

Most Popular