Home ព័ត៌មានអន្តរជាតិ ស្រីលង្កា​ដោះ...

ស្រីលង្កា​ដោះលែង​អ្នកទោស ក្រោយ​ជំងឺ​រាតត្បាត​បង្កឱ្យមាន​កុបកម្ម​ដ៏​ប្រល័យ​នៅតាម​ពន្ធនាគារ​

ប្រែ​សម្រួល : កញ្ញា​ដា​លី​ស ៖ ស្រីលង្កា​បាន​ដោះលែង​អ្នកទោស​រាប់រយ​នាក់​ហើយ​និយាយ​ថា​ខ្លួន​នឹង​ដោះលែង​អ្នកទោស​រាប់ពាន់​នាក់​បន្ថែមទៀត បន្ទាប់​ពី​កុបកម្ម​ដែល​បង្កឡើង​ដោយ​កំហឹង​ជុំវិញ​ករណី​ឆ្លង​​វីរុស​កូរ៉ូណា​នៅឯ​ពន្ធនាគារដ៏​ចង្អៀ​តមួយ​របស់ខ្លួន បាន​បណ្តាលឱ្យ​អ្នកទោស​៩ នាក់​ស្លាប់​និង ១១៣ នាក់​រងរបួស​។​

​ឆ្មាំ​គុក​បាន​បើក​ការបាញ់ប្រហារ​នៅ​ពន្ធនាគារ​ម៉ា​ហា​រ៉ា​នៅក្រៅ​ក្រុង​កូឡុំបូ​កាលពី​យប់​ថ្ងៃអាទិត្យ (២៩ វិច្ឆិកា​) បន្ទាប់​ពី​អ្នកទោស​ធ្វើ​បាតុកម្ម​ទាមទារ​ឱ្យមាន​ការដោះលែង​ពួកគេ​ដោយសារតែ​មាន​ករណី​​ឆ្លង​វីរុស​កូរ៉ូណា​កើន​ឡើង​នៅ​ក្នុង​ពន្ធនា​គារ​។​

​ប្រធានាធិបតី​ហ្គោ​តាបា​យ៉ា រ៉ា​ចា​ប៉ា​ស្កា កាលពី​ថ្ងៃ​អង្គារ បានផ្តល់​ការលើកលែងទោស​ដល់​អ្នក​ជាប់​ពន្ធនាគារ​ចំនួន ៦៣៧ នាក់​នៅ​ទូទាំង​ប្រទេស ហើយ​រដ្ឋមន្ត្រីក្រសួង​យុត្តិធម៌​លោក អា​លី សា​ប្រ៊ី​និយាយ​​ថា រដ្ឋាភិបាល​នឹង​ពន្លឿន​ការដោះលែង​ឱ្យ​នៅ​ក្រៅ​ឃុំ​បណ្តោះអាសន្ន​សម្រាប់​អ្នកទោស​រាប់ពាន់​នាក់​ទៀ​ត​ដើម្បី​បន្ធូរបន្ថយ​ការ​ណែន​ពេញ​ពន្ធនាគារ​។​

​ទន្ទឹមនឹងនេះ​លោក រ៉ា​ចា​ប៉ា​ស្កា បាន​បណ្តេញ​រដ្ឋមន្ត្រីក្រសួង​កំណែទម្រង់​ពន្ធនាគារ​លោក​ស្រី ស៊ូ​ដា​ស៊ី​នី ហ្វើ​ណាន់​ដូ​ផូ​ឡេ ហើយ​ផ្ទេរ​លោក​ស្រី​ទៅ​ក្រសួង​ថ្មី​មួយ ដែល​ដោះស្រាយ​ជាមួយ​ជំងឺ​រាតត្បាត​។​

​យោង​តាម​តួលេខ​ផ្លូវការ ពន្ធនាគារ​របស់​ស្រីលង្កា​មាន​អ្នកទោស​ជាង ៣០.០០០ នាក់ គឺ​លើស​ជិត ៣ ដង​នៃ​សមត្ថភាព​ផ្ទុក​របស់ខ្លួន ហើយ​ប្រហែលជា ១.២០០ នាក់​បាន​ធ្វើតេស្ត​វិជ្ជ​មានកូ​វីដ​១៩​និង​​មាន​អ្នកស្លាប់ ២ នាក់​៕

​សាច់ញាតិ​អ្នកទោស​សំពះ​មេ​ប៉ូលិស​ក្រុង​កូឡុំបូ​ឱ្យ​ជួយ​សម្រួល​ដោះលែង​កូនចៅ​របស់​ពួក​គេ​កាលពី​ថ្ងៃ​ចន្ទ

ទីតាំងផ្សាយពាណិជ្ជកម្ម

- Advertisment -

Most Popular