Home ព័ត៌មានជាតិ សង្គម អាកុល​និង​ម៉ា...

អាកុល​និង​ម៉ាស់​ជា​អំណោយ​សម្តេច​តេ​ជោ ត្រូវបាន​ចែក​តាម​គោលដៅ​ផ្សេងៗ​ក្នុង​ក្រុង​សៀមរាប​

ដោយ​: គូលែន / ភ្នំពេញ​: ថ្ងៃទី​២ ខែធ្នូ ឆ្នាំ​២០២០ លោក ពិន ប្រាកដ អភិបាលរង​ខេត្ត តំណាង​លោក ទៀ សីហា អភិបាល នៃ​គណៈ​អភិបាលខេត្ត​សៀមរាប និង​មានការ​ចូលរួម​ពី​អាជ្ញាធរ​មូលដ្ឋាន សមាជិក ស​.​ស​.​យ​.​ក និង​អ្នកពាក់ព័ន្ធ បាន​នាំយក​អាកុល​ចំនួន ៥០​ដប និង​ម៉ាស់ ចំនួន​៩,០០០​ម៉ាស់ ដែលជា​អំណោយ​របស់​សម្តេច​តេ​ជោ​នាយករដ្ឋមន្ត្រី ចែកជូន​ដល់​អាជីវករ​ផ្សា​ចាស់ បងប្អូន​លក់ដូរ​ជុំវិញ​ផ្សា​ចាស់ អាជីវករ​លក់ដូរ​ជុំវិញ​ផ្សារ​ទំនើប​អង្គរ​ត្រេ​ត​សិន​ធ័​រ អ្នកបើកបរ​ម៉ូតូ​កង់​បី ម៉ូតូឌុប និង​ចែកជូន​ដល់​រដ្ឋបាល​សង្កាត់​ស្វាយដង្គំ ដើម្បី​យកទៅ​ប្រើប្រាស់ និង​ចែកជូន​បន្ត​ដល់​បងប្អូន​ប្រជាពលរដ្ឋ ដែល​បាន​មករក​សេវា​នៅ​មូលដ្ឋាន​សង្កាត់​ស្វាយដង្គំ​។

​លោក​អភិបាលរង​ខេត្ត ក៏បាន​ណែនាំ និង​ផ្ដាំផ្ញើ​ដល់​បងប្អូន​អាជីវករ​ទាំងអស់​ឲ្យ​ចូលរួម​ពាក់​ម៉ាស់ ធ្វើ​អនាម័យ និង​រស់នៅ​ស្អាត​ទាំងអស់គ្នា ដើម្បី​រួមចំណែក​ការពារ និង​ទប់ស្កាត់​ការរីក​រាលដាល នៃ​ជំងឺ​កូ​វីដ​១៩ និង​បានបញ្ជាក់​ពី​ការយកចិត្តទុកដាក់​លើ​បញ្ហា​សុខភាព​របស់​បងប្អូន​អាជីវករ ក៏ដូចជា​បងប្អូន​ប្រជាពលរដ្ឋ​ទាំង​អស់ពី​អាជ្ញាធរខេត្ត​។​

​រដ្ឋបាលខេត្ត និង​អាជ្ញាធរ​គ្រប់​ថ្នាក់ សំណូម​យ៉ាងទទូច​ដល់​បងប្អូន ប្រជាពលរដ្ឋ​ទាំងអស់ មេត្តា​កុំ​ភ្លេច​នូវ ៣​ចំណុច សាមញ្ញៗ​គឺ​៖
១.​កុំ​ភ្លេច​វិធាន​ការពារ​ពាក់​ម៉ាស់ ឬ​ក្រ​ម៉ា
២.​កុំ​ភ្លេច ជែ​ល អាកុល ឬ​លាងដៃ​នឹង​សាប៊ូ​
៣.​កុំ​ភ្លេច រក្សា​គម្លាត​សុវត្ថិភាព និង​ចៀសវាង​ការជួបជុំ​លក្ខណៈ​ទ្រង់ទ្រាយ​ធំ​។ រដ្ឋបាលខេត្ត​សង្ឃឹម​យ៉ាង​មុតមាំ​ថា បងប្អូន​ប្រជាពលរដ្ឋ​ទាំងអស់​នឹងចូលរួម​សហកា​រ​ទាំងអស់គ្នា ដើម្បី​ចូលរួម​ទប់ស្កាត់ និង​អនុវត្តតាម​វិធានការ​ណែនាំ​របស់​រាជ​រដ្ឋាភិបាល និង​ក្រសួងសុខាភិបាល​៕​

ទីតាំងផ្សាយពាណិជ្ជកម្ម

- Advertisment -

Most Popular