Home ព័ត៌មានជាតិ សេដ្ឋកិច្ច ​មកទល់ពេលនេះ​...

​មកទល់ពេលនេះ​រដ្ឋ​ផ្តល់​កម្ចី​ដល់​ពលរដ្ឋ​ក្នុង​វិស័យ​កសិកម្ម​និង​អេស​.​អឹម​.​អ៊ី​.​ជាង​៥០​ភាគរយ​ហើយ


​ដោយ​: ពៅ​និមល​/​ភ្នំពេញ​: លោក​អគ្គនាយក​ធនាគា​រ​អភិវឌ្ឍន៍ជនបទ និង​កសិកម្ម បាន​បញ្ជាក់ថា ហិរញ្ញប្បទាន​របស់រ​ដ្ឋា​ភិ​បាល​ចំនួន​៣០​លាន​ដុល្លារ សម្រាប់​ផ្នែក​ឥណទាន​(​កម្ចី​) បាន​អនុវត្តន៍​ជាង​៥០​ភាគរយ ក្នុង​ការជួយ​ដល់​ប្រជាកសិករ សហគមន៍​កសិកម្ម ក្រុម​អ្នក​ផលិត អ្នក​ដាំ​ដុះ​បន្លែ ផ្លែឈើ ចិញ្ចឹមសត្វ​…​សិប្បកម្ម និង​សហគ្រាស​ធុន​តូច​និង​មធ្យម ឬ​ហៅ​កាត់​ថា អេស​.​អឹម​.​អ៊ី​(SME)​។​

លោក​កៅ​ថាច​អគ្គនាយក​ធនាគារ​អភិវឌ្ឍន៍​ជនបទនិង​កសិកម្ម​បានបញ្ជាក់​នៅ​ដើម​ម​ខែធ្នូ​នេះ​ថា​ក្នុង​ទឹកប្រាក់​សរុប​ចំនួន​៥០​លាន​ដុល្លារ​អា​ម៉​រិ​ក​របស់​រដ្ឋាភិបាល​សម្រាប់​ការផ្តល់​ហិរញ្ញប្បទាន​ពិសេស​គិត​មកដល់ពេលនេះ​បានផ្តល់​ប្រាក់កម្ចី​ដែលមាន​ការប្រាក់​ទាប​ជួយ​ទៅដល់​វិស័យ​ជាច្រើន​ដូចជា​កសិកម្ម និង​SME​នៅ​កម្ពុជា ដើម្បី​ជា​ទុន​សម្រាប់​អភិវឌ្ឍន៍​បន្ថែម ជាពិសេស​សម្រាប់​ការប្រមូល​ទិញស្រូវ ទឹកប្រាក់​សរុប​ប្រមាណ​៣០​លាន​ដុល្លារ​ហើយ នៅសល់​តិចតួច​ប៉ុណ្ណោះ​ដែល​ធនាគារ​កំពុង​អនុវត្ត​បន្ត​។

​លោក​បន្តថា ចំពោះ​ទឹកប្រាក់​ដែល​នៅសល់​លោក​កំពុង​ពិនិត្យ​លទ្ធភាព ក្នុង​ការផ្តល់​ប្រាក់កម្ចី​បន្ត ដើម្បី​ជួយ​ដល់​ប្រជាពលរដ្ឋ​ទទួលបាន​ថវិការ​នេះ យកទៅ​អភិវឌ្ឍន៍​អាជីវកម្ម​របស់ខ្លួន​ប​ន្ថែ​ម​។​

​ហិរញ្ញប្បទាន​ដែល​ផ្តល់​ដោយ​រដ្ឋាភិបាល ដើម្បី​គាំទ្រ​ដល់​វិស័យ​កសិកម្ម SME វិស័យ​កែច្នៃ​ផលិតផល​សិ​កម្ម វិស័យ​កសិឧស្សាហកម្ម និង​វិស័យ​កសិកម្ម ដើម្បី​ជម្រុញ​ឲ្យ​សហគ្រាស​ទាំងនោះ​ពង្រីក​ខ្លួន និង​ឈានទៅ​ប្រកួតប្រជែង​ក្នុង​ទីផ្សារ និង​ជំនួស​ការនាំ​ចូល​នៅក្នុង​ស្ថានភាព​វិបត្តិ​កូ​វីដ​១៩ ក្នុងនោះ​កញ្ចប់​ថវិការ​បានផ្តល់​ច្រើនជាងគេ គឺ​លើ​វិស័យ​កសិកម្ម រួមមាន​៖​ការចិញ្ចឹម​ត្រី ដាំ​បន្លែ ផ្លែឈើ​ជាដើម​។

​យោងតាម​របាយការណ៍​រដ្ឋបាល​ជលផល បាន​បញ្ជាក់ថា នៅក្នុង​ឆ្នាំ​២០២០​នេះ​ដោយមាន​ការយកចិត្តទុកដាក់​ជំរុញ​ខ្លាំង​ពី​ប្រមុខ​រដ្ឋាភិបាល ការងារ​វារីវប្បកម្ម​មាន​កំណើន​រហូតដល់​៣០​ភាគរយ ស្មើ​និង​ទិន្នផល​៤០០​ពាន់​តោន​។ ដោយឡែក ការដាំ​បន្លែ ផ្លែឈើ​ឯណោះ​វិញ បាន​កំពុង​ជម្រុញ​ផ្គត់ផ្គង់​នៅតាម​ទីផ្សារ និង​កំពុងមាន​និរន្ត​ភាព​នៃ​ការផ្គត់ផ្គង់​នៅក្នុង​ស្ថានភាព​ការ​រាតត្បាត​នៃ​ជំងឺឆ្លង​កូ​វីដ​១៩៕​

ទីតាំងផ្សាយពាណិជ្ជកម្ម

- Advertisment -

Most Popular