Home ព័ត៌មានជាតិ នយោបាយ រដ្ឋមន្ត្រី​ក...

រដ្ឋមន្ត្រី​ក្រសួងការពារជាតិ​ចុះសាកសួរ​សុខទុក្ខ​កងកម្លាំង​ការពារ​ព្រំដែន​កម្ពុជា​-​ថៃ និង​ឡាវ​

ដោយ​: សៅ វ៉ាន់ឌី / ខេត្តព្រះវិហារ​: សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ បាន​អញ្ជើញ​ដឹកនាំ​គណៈប្រតិភូ នៃ​កងយោធពល​ខេមរភូមិន្ទ ចុះសាកសួរ​សុខទុក្ខ​កងទ័ព ដែល​កំពុង​ឈរជើង​ការពារ​បូរណភាព​ទឹកដី នៅតាម​ខ្សែបន្ទាត់​ព្រំដែន​កម្ពុជា​-​ថៃ និង​ឡាវ កាលពី​ថ្ងៃទី​១ ខែធ្នូ ឆ្នាំ​២០២០​។

​សម្ដេច​ពិជ័យ​សេវា​បាន​អញ្ជើញ​ពិនិត្យ​តំបន់​ប្រវត្តិសាស្ត្រ​តេ​ជោ​៥​មករា ក្នុងភូមិ​សាស្ត្រ​វាល​ឥន្ទ្រី នៅលើ​កំពូលភ្នំ​រាប ស្ថិតនៅ​ចន្លោះ​ភ្នំ​ប្រាសាទព្រះវិហារ និង​ភ្នំ​ទ្រព្យ​ជាប់​ព្រំដែន​ថៃ​។ ជាមួយ​នោះបាន​ពិនិត្យ និង​សម្ពោធ​ដាក់ឱ្យ​ប្រើប្រាស់​តំបន់​ប្រវត្តិសាស្ត្រ​យោធា​តេ​ជោ​បុស្ស​ស្បូវ ជាំ តែ​នៅលើ​ខ្នងភ្នំ​ដងរែក ដែល​ស្ថិត​ក្នុងភូមិ​តេ​ជោ​បុស្ស​ស្បូវ ឃុំ​ស្រអែម ស្រុក​ជាំ​ក្សាន្ត ជាប់​ព្រំដែន​ថៃ​។ រដ្ឋមន្ត្រី​ក្រសួងការពារជាតិ បន្ត​ចុះ​ជួប​កងទ័ព នៅតាម​ខ្សែបន្ទាត់​ព្រំដែន​កម្ពុជា – ឡាវ និង​សម្ពោធ​ដាក់ឱ្យ​ប្រើប្រាស់​តំបន់​ប្រវត្តិសាស្ត្រ​យោធា​ភ្នំ​១៩០ តេ​ជោ​កំពង់​ស្រឡៅ​។

​មេបញ្ជាការ​កងពលធំ​អន្តរាគមន៍​លេខ​៣ លោក​ឧ​ត្ត​ម​សេនីយ៍​ឯក ស្រី ឌឹ​ក បាន​រាយការណ៍​អំពី​សភាព​ការ​ទូទៅ​នៅតាម​បណ្តោយ​ខ្សែបន្ទាត់​ព្រំដែន​កម្ពុជា – ថៃ ជូន​ប្រមុខ​ការពារជាតិ​សម្តេច​ពិជ័យ​សេនា ទៀ បាញ់ រួមទាំង​គណៈប្រតិភូ នៃ​កងយោធពល​ខេមរភូមិន្ទ នៅក្នុង​ដំណើរ​មកកាន់​តំបន់​ប្រវត្តិសាស្ត្រ​យោធា នា​ទឹកដី​ទល់ដែន​ថៃ​នេះ​៕​

ទីតាំងផ្សាយពាណិជ្ជកម្ម

- Advertisment -

Most Popular