Home ព័ត៌មានជាតិ សន្តិសុខ កងទ័ពជើងទឹក ប...

កងទ័ពជើងទឹក បាន​ដឹកបញ្ជូន​សព​បុរស​ម្នាក់ ពី​ដែន​កោះ មក​ប្រគល់ជូន​សមត្ថកិច្ច​ជំនាញ​

ដោយៈ វណ្ណៈ / ព្រះសីហនុៈ កងទ័ពជើងទឹក មូលដ្ឋាន​សមុទ្រ​រាម ប្រចាំការ​លើ​ដែន​កោះ បាន​វេច​ខ្ចប់ សាកសព​បុរស​ម្នាក់ យកមក​ប្រគល់ជូន សមត្ថកិច្ច​ជំនាញ នៅ​រសៀល ថ្ងៃទី​២ ខែធ្នូ ឆ្នាំ​២០២០ នេះ ដើម្បី​ធ្វើ​កោសល្យវិច័យ និង​បើក​ការស៊ើបអង្កេត​បន្ត ។​

​សាកសព​ត្រូវបាន​សមត្ថកិច្ច ប្រទះឃើញ នៅ​ខាងលិច​កោះ​ដំឡូង (​ប្រជុំ​កោះតាង​) អណ្តែត​មក​ទើរ​លើ​ថ្ម (​មិនទាន់​ស្គាល់ អត្តសញ្ញាណ​) ស្ថិតនៅ​សង្កាត់​កោះរ៉ុង​សន្លឹម ក្រុង​កោះរ៉ុង ខេត្ត​ព្រះសីហនុ​។

​តាម​សមត្ថកិច្ច បានឱ្យដឹងថា នៅលើ​ស្មា​ក្រោយខ្នង និង​ដៃ​ឆ្វេង​សាកសព មាន​សាក់​អក្សរ និង​រូប​មួយចំនួន ហើយ កម្លាំង​កងការពារ​កោះ លេខ​៣ (​កោះតាង​) នៃ​បញ្ជាការដ្ឋាន​កោះ ឆ្នេរ​កងទ័ពជើងទឹក បានរៀបចំ​វេច​ខ្ចប់ ដឹក​សាកសព យកមក​ក្រុងព្រះសីហនុ ប្រគល់ជូន​នគរបាល បច្ចេកទេស​វិទ្យាសាស្ត្រ ដើម្បី​ធ្វើ​កោសល្យវិច័យ ស្រាវជ្រាវ រក​អត្តសញ្ញាណ និង​មូលហេតុ នៃ​ការស្លាប់​នេះ​។​

​សាកសព ត្រូវបាន​វេច​ខ្ចប់ ដឹកជញ្ជូន​ដោយ​កងទ័ពជើងទឹក មូលដ្ឋាន​សមុទ្រ​រាម មកដល់​ដែន​គោក នៃ​ក្រុងព្រះសីហនុ នៅ​ល្ងាច​ថ្ងៃ​ដដែល​នេះ​៕/V​

កងទ័ពជើងទឹក បាន​ដឹកបញ្ជូន​សព​បុរស​ម្នាក់ ពី​ដែន​កោះ មក​ប្រគល់ជូន​សមត្ថកិច្ច​ជំនាញ​

កងទ័ពជើងទឹក បាន​ដឹកបញ្ជូន​សព​បុរស​ម្នាក់ ពី​ដែន​កោះ មក​ប្រគល់ជូន​សមត្ថកិច្ច​ជំនាញ​

កងទ័ពជើងទឹក បាន​ដឹកបញ្ជូន​សព​បុរស​ម្នាក់ ពី​ដែន​កោះ មក​ប្រគល់ជូន​សមត្ថកិច្ច​ជំនាញ​

ទីតាំងផ្សាយពាណិជ្ជកម្ម

- Advertisment -

Most Popular