Home ព័ត៌មានជាតិ សង្គម មន្ត្រី​អភិរក...

មន្ត្រី​អភិរក្ស​សត្វព្រៃ លែង​ពស់ថ្លាន់ ២ ក្បាល ចូលទៅ​ក្នុងព្រៃ​ធម្មជាតិ​វិញ​

ដោយៈ ដេប៉ូ / មណ្ឌលគិរីៈ ក្រុម​អនុវត្ត​ច្បាប់​ចល័ត និង​មន្ត្រី​ឧ​ទ្យា​នុ​រក្ស នៃ​មន្ទីរ​បរិស្ថាន ខេត្តមណ្ឌលគិរី សហការ​ជាមួយ កម្លាំង​នគរបាល ខេត្តមណ្ឌលគិរី ដែល​គាំទ្រ​ដោយ គម្រោង​របស់ អង្គការ WWF បាន​លែង​សត្វ​ពស់ថ្លាន់ ចំនួន ២ ក្បាល ឲ្យ​ចូលទៅ​រស់នៅ ក្នុងព្រៃ​ធម្មជាតិ​វិញ ក្នុង​របៀង​អភិរក្ស​ជីវៈចម្រុះ​។​

​យោងតាម​ទំព័រ​ហ្វេ​ស​ប៊ុ​ក របស់​ក្រសួងបរិស្ថាន បានឱ្យដឹងថា សត្វ​ពស់​ទាំងពីរ​ក្បាល ត្រូវបាន​គេ​លែង ឱ្យទៅ​រស់នៅ ក្នុងព្រៃ​វិញ​នេះ នៅ​ថ្ងៃទី​២ ខែធ្នូ ឆ្នាំ​២០២០​។​

​ប្រភព​ខាងលើ បានបញ្ជាក់​ថាៈ សត្វ​ពស់ថ្លាន់​ទាំង ២ ក្បាល​ខាងលើនេះ ត្រូវបាន​មន្ត្រីរដ្ឋបាលការពារ និង​អភិរក្ស​ធម្មជាតិ និង​មន្ត្រី​ឧ​ទ្យា​នុ​រក្ស ដែនជម្រកសត្វព្រៃ កែវ​សីមា បានធ្វើ​ការអប់រំ​ណែនាំ ទើប​ប្រជាពលរដ្ឋ យល់ព្រម​ប្រគល់​ឲ្យ មន្ត្រី​ជំនាញ ដើម្បី​យកទៅ​លែង ឱ្យ​ចូលទៅ​រស់នៅ ក្នុងព្រៃ​ធម្មជាតិ​វិញ​។​

​គួរ​បញ្ជាក់ថា សត្វ​ពស់ថ្លាន់ ដែល​មន្ត្រី​បានធ្វើការ ដកហូត​នេះ បាន​ពី​ប្រជាពលរដ្ឋ ជនជាតិដើម​ភាគតិច សព្វថ្ងៃ រស់នៅ​ភូមិ​អូរ​អាម ឃុំ​ស្រែ​ខ្ទុ​ម ស្រុក​កែវ​សីមា ខេត្តមណ្ឌលគិរី ៕/V

មន្ត្រី​អភិរក្ស​សត្វព្រៃ លែង​ពស់ថ្លាន់ ២ ក្បាល ចូលទៅ​ក្នុងព្រៃ​ធម្មជាតិ​វិញ​ មន្ត្រី​អភិរក្ស​សត្វព្រៃ លែង​ពស់ថ្លាន់ ២ ក្បាល ចូលទៅ​ក្នុងព្រៃ​ធម្មជាតិ​វិញ​

មន្ត្រី​អភិរក្ស​សត្វព្រៃ លែង​ពស់ថ្លាន់ ២ ក្បាល ចូលទៅ​ក្នុងព្រៃ​ធម្មជាតិ​វិញ​

ទីតាំងផ្សាយពាណិជ្ជកម្ម

- Advertisment -

Most Popular