Home ព័ត៌មានអន្តរជាតិ អង់គ្លេស​អនុម...

អង់គ្លេស​អនុម័ត​ឱ្យប្រើ​វ៉ាក់សាំង​កូវី​ដ​១៩ ខណៈ​ចំនួន​អ្នក​ស្លាប់​ដោយកូវី​ដ​១៩​កើនឡើង​ដល់១,៥ លាន​នាក់​លើ​ពិភពលោក​

​ប្រែ​សម្រួល : កញ្ញា​ដា​លី​ស​/​ឡុង​ដ៍ ៖ ចក្រភព​អង់គ្លេស​កាលពី​ថ្ងៃ​ពុធ​ទី​០២​ធ្នូ​បាន​ក្លាយជា​ប្រទេស​លោកខាងលិច​ដំបូង​គេ ដែល​បាន​អនុម័ត​វ៉ាក់សាំង​កូវី​ដ​១៩​សម្រាប់​ការប្រើប្រាស់​ជា​ទូទៅ​ខណៈ​ដែល​​ប្រទេស​ជប៉ុន​និង​អ៊ីតាលី​សន្យា​ចាក់​ថ្នាំ​បង្ការ​រោគ​ដោយ​ឥតគិតថ្លៃ​សម្រាប់​ប្រជាជន​ពួកគេ​ទាំងអស់ ស្រប​ពេល​ចំនួន​អ្នកស្លាប់​ទូទាំង​ពិភពលោក​បាន​កើនឡើង​ដល់ ១,៥ លាន​នាក់​។​

​ត្រឹម​១២​ខែ​បន្ទាប់​ពី​ជំងឺ​រាតត្បាត​ផ្ទុះ​ឡើង​ជា​សាធារណៈ​នៅ​ប្រទេស​ចិន និយតករ​ឱសថ​ឯករាជ្យ​របស់​ចក្រភព​អង់គ្លេស​បាន​ផ្តល់​ភ្លើង​ខៀវ​ដល់​វ៉ាក់សាំង​កូ​វីដ​របស់​ក្រុមហ៊ុន BioNTech-Pfizer​ប៉ុន្តែ​​បញ្ជាក់​យ៉ាង​ទទូច​ថា​សុវត្ថិភាព​ត្រូវ​តែ​ជា​អាទិភាព​។​

​នាយក​ប្រតិបត្តិ​ទីភ្នាក់ងារ​ផលិត​ឱសថ​និង​ថែទាំ​សុខភាព (MHRA) លោក ជូន រ៉េ​ន និយាយថា “​អ្នក​រាល់គ្នា​អាច​ជឿជាក់​បាន​ថា គ្មាន​ជ្រុង​ណាមួយ​ត្រូវបាន​កាត់ផ្តាច់​ទេ​។​សាធារណ​ជន​មិន​សម​នឹង​​ទទួល​បាន​អ្វី​តិច​ជាង​នេះ​ទេ​”​។​

​នាយករដ្ឋមន្ត្រី បូរី​ស ច​ន​សុន និយាយថា ចំណាត់ការ​នេះ​បាន​បើកផ្លូវ​ឱ្យមាន​កម្មវិធី​ចាក់​វ៉ាក់សាំង​”​ដែល​នៅ​ទីបំផុត​នឹង​អនុញ្ញាត​ឱ្យ​យើង​ទាមទារ​មកវិញ​នូវ​ជីវិត​ធម្មតា​និង​ធ្វើឱ្យ​សេដ្ឋកិច្ច​ដំណើរ​​ការ​ទៅ​មុខ​ជា​ធម្មតា​ម្តងទៀត​”​។​

​រដ្ឋាភិបាល​របស់​លោក​និយាយថា វ៉ាក់សាំង​ចំនួន ៨០០.០០០ ដូស​នឹង​ត្រូវ​ចាក់ដ​ល់​ប្រជាជន​ចាប់ពី​សប្តាហ៍​ក្រោយ​តទៅ​។​

​ជា​មួយ​ចំនួន​អ្នក​ស្លាប់​ជាង ៥៩.០០០ នាក់​ពី​ករណី​ឆ្លង​១,៦ លាន ចក្រភព​អង់គ្លេស​នៅតែ​មាន​អត្រា​ស្លាប់​ខ្ពស់បំផុត​នៅ​អឺរ៉ុប​៕

​វ៉ាក់សាំង​កូវី​ដ​៨០​ម៉ឺន​ដូសនឹង​ចាក់ឱ្យ​ប្រជាជន​អង់គ្លេ​សនៅ​សប្តាហ៍​ក្រោយ​

ទីតាំងផ្សាយពាណិជ្ជកម្ម

- Advertisment -

Most Popular