Home ព័ត៌មានជាតិ សន្តិសុខ រថយន្ត​ចេញពីផ...

រថយន្ត​ចេញពីផ្ទះ​សំណាក់ សារិកា​២ បុក​ម៉ូតូ បណ្ដាល​ឲ្យ​យុវជន​ម្នាក់​បោក​ក្បាលស្លាប់​ភ្លាមៗ​

ដោយៈ ស​រិ​ទ្ធ/ភ្នំពេញៈ រថយន្ត​មួយគ្រឿង បើក​ចេញពី​ផ្ទះសំណាក់​សារិកា​២ បុក​ម៉ូតូ​ពេញ ទំហឹង បណ្ដាល​ឲ្យ​យុវជន​ម្នាក់ ជា​ចុងភៅ បោក​ក្បាល​ស្លាប់​ភ្លាមៗ នៅ​កន្លែងកើតហេតុ កាលពី​ម៉ោង ១២​និង​៣០​នាទី រំលងអធ្រាត្រ ឈានចូល​ថ្ងៃទី​៣ ខែធ្នូ ឆ្នាំ​២០២០ នៅតាម បណ្ដោយ​ផ្លូវ​បេតុង ខាងមុខផ្ទះ​សំណាក់ សារិកា​២ ក្នុង​សង្កាត់​ជ្រោយចង្វា ខណ្ឌ​ជ្រោយចង្វា​។

​សមត្ថកិច្ចបាន​ឲ្យ​ដឹងថាៈ សព​ជនរងគ្រោះ ឈ្មោះ សីហា អាយុ​២៥​ឆ្នាំ មុខរបរ ចុងភៅ នៅ​ភោជនីយដ្ឋាន មួយកន្លែង មាន​ស្រុកកំណើត នៅ​ស្រុក​ល្វាឯម ខេត្តកណ្ដាល ។​

​ប្រភពព័ត៌មាន​នៅ​កន្លែងកើតហេតុ បាន​ឲ្យ​ដឹងថាៈ មុនពេល​កើតហេតុ គេ​ឃើញ​យុវជន​ម្នាក់ បើក​ម៉ូតូ​ម៉ាក​ហុងដា ហ្សូ​មើរ​អ៊ិ​ច ពណ៌​ស ពាក់​ស្លាក​លេខ ភ្នំពេញ 1GM-9251​ធ្វើដំណើរ តាមផ្លូវ​បេតុង ក្នុងទិសដៅ​ពី​ខាងត្បូង ទៅខាង​ជើង យ៉ាង​លឿន​។
​ខណ​:​មកដល់​ចំណុចកើតហេតុ ស្រាប់​តែមាន​រថយន្ត​ធុន​ដ្រា ពាក់​ស្លាក​លេខ ភ្នំពេញ 2AM-8866 បើក​ចេញពី​ផ្ទះសំណាក់ សារិកា​២ បុក​ម៉ូតូ​ពេញទំហឹង បណ្ដាល​ឲ្យ​បោក​ក្បាល ស្លាប់​ភ្លាមៗ នៅនឹងកន្លែង​កើតហេតុ​។ ក្រោយ​កើតហេតុ រថយន្ត​បាន​បើក​ត្រឡប់​ចូល​ផ្ទះ សំណាក់​វិញ រួច​ដោះ​ស្លាក​លេខ​ចេញ សម្ងំ​ធ្វើ​ដូច​មិន​មានរឿង​អ្វី​កើតឡើង​។​

​បន្ទាប់ពី​កើតហេតុ សមត្ថកិច្ច​ជំនាញ​ចរាចរណ៍ បាន​ចុះមក​យក​រថយន្ត និង​ម៉ូតូ​របស់ ជនរងគ្រោះ ទៅ​រក្សាទុក នៅ​អធិការដ្ឋាន​នគរបាល ខណ្ឌ​ជ្រោយចង្វា រង់ចាំ​ដោះស្រាយ​គ្នា នៅពេល​ក្រោយ​។ ចំណែក​សព សមត្ថកិច្ច​ធ្វើ​កំណត់ហេតុ​រួច ប្រគល់​ឲ្យ​ក្រុមគ្រួសារ ដឹក​ទៅ​ស្រុកកំណើត ធ្វើបុណ្យ​តាម​ប្រពៃណី ៕​PC

ទីតាំងផ្សាយពាណិជ្ជកម្ម

- Advertisment -

Most Popular