Home កីឡា ម៉េស​ស៊ីរង​កា...

ម៉េស​ស៊ីរង​ការពិន័យ ៦០០ អឺរ៉ូ​ចំពោះ​ការ​ដោះអាវ​គោរព​វិញ្ញាណក្ខន្ធ​ម៉ា​រ៉ាដូ​ណា​

​ប្រែ​សម្រួល : កញ្ញា​ដា​លី​ស​/​បា​សេ​ឡូ​ណា ៖ សហព័ន្ធ​បាល់ទាត់​អេ​ស្ប៉ាញ​បាន​និយាយ​កាលពី​ថ្ងៃ​ពុធ​ទី​០២​ធ្នូ​ថា កីឡាករ លី​អូ​នែ​ល ម៉េស​ស៊ី ត្រូវបាន​ពិន័យ​ជា​ប្រាក់ ៦០០ អឺរ៉ូ (៧២០ ដុល្លារ​)​ចំពោះ​ការ​ដោះអាវ​ចេញ​​ដើម្បី​គោរព​វិញ្ញាណក្ខន្ធ​លោក ឌី​ហ្គោ ម៉ា​រ៉ាដូ​ណា​។​

​គណៈកម្មាធិការ​ប្រកួត​ប្រជែង​របស់​សហព័ន្ធ​បាន​ពិន័យ​កីឡាក​រអា​ហ្សង់​ទី​ន​រូប​នេះ​ចំពោះ​សកម្មភា​ព​របស់​គាត់​បន្ទាប់​ពី​ស៊ុត​បញ្ចូល​ទីក្នុង​ជ័យ​ជម្នះ ៤-០ របស់ Barcelona លើ Osasuna​ក្នុង​លី​ក​​កំពូ​លអេ​ស្ប៉ាញ​កាលពី​ថ្ងៃអាទិត្យ​។​

​បន្ទាប់​ពី​ស៊ុត​បញ្ចូល​ទី​ពី​ក្រៅ​ប្រអប់​គ្រោះថ្នាក់ ម៉េស​ស៊ីបាន​ដោះអាវ​ខៀវ​ឆ្នូត​ឈាមជ្រូ​ករបស់​ក្រុម Barcelona ដើម្បី​បង្ហាញ​អាវ​ពណ៌​ក្រហម​ឆ្នូត​ខ្មៅ​របស់​លោក​ម៉ា​រ៉ាដូ​ណា​ពី​ក្លឹប​ចាស់ Newell´s Old Boys របស់គាត់​។ បន្ទាប់​មក​ម៉េស​ស៊ី​បាន​ធ្វើ​កាយវិការ​ដៃ​ថើប​មើល​ទៅលើ​មេឃ​។​

​បន្ទាប់​ពី​ការប្រកួត​នេះ ម៉េស​ស៊ីបាន​បង្ហោះ​រូបថត​សម្តែង​ការគោ​រព​របស់ខ្លួន​រួម​ជាមួយ​រូបថត​ចាស់​របស់​ម៉ា​រ៉ាដូ​ណាក្នុង​ឈុត​អាវដ​ដែល ដោយ​បន្ថែម​សារ​ថា “​លា​ហើយ ឌី​ហ្គោ​” ជា​ភា​សាអេ​ស្ប៉ាញ​។ ​ម៉ា​រ៉ាដូ​ណា​បាន​ទទួលមរណភា​ព​កាលពី​សប្តាហ៍​មុន​នៅ​អាយុ ៦០ ឆ្នាំ​។​

​សហព័ន្ធ​ក៏​បាន​បដិសេធ​ការសុំ​ទុកជាមោឃៈ​នូវ​កាត​លឿង​ដែល​បាន​បង្ហាញ​ដល់​ម៉េស​ស៊ី​សម្រាប់​ការ​ដោះអាវ​និង​ពិន័យ Barcelona ចំនួន ១៨០ អឺរ៉ូ (២១៦ ដុល្លារ​) ។​

​ម៉េស​ស៊ីនិង​ក្លឹប​អាច​ប្តឹង​ឧទ្ធរណ៍​ចំពោះ​ការសម្រេចចិត្ត​នេះ​៕

ម៉េស​ស៊ី​ដោះអាវ Barcelona បង្ហាញ​អាវ Newell´s Old Boys ដើម្បី​សម្តែង​ការគោរព​ដល់​វិញ្ញាណក្ខន្ធ​របស់​ម៉ា​រ៉ាដូ​ណា​កាលពី​សប្តាហ៍​មុន

ទីតាំងផ្សាយពាណិជ្ជកម្ម

- Advertisment -



Most Popular