Home ព័ត៌មានអន្តរជាតិ ហុងកុង​នឹង​ផ្...

ហុងកុង​នឹង​ផ្តល់​វ៉ាក់សាំង​កូវី​ដ​១៩​ដល់​ប្រជាជន​ខ្លួន​ដោយ​ឥតគិតថ្លៃ​

​ប្រែ​សម្រួល : កញ្ញា​ដា​លី​ស​/​ហុងកុង​៖ រដ្ឋមន្ត្រីក្រសួង​សុខាភិបាល​លោកស្រី​សូ​ហ្វី​យ៉ា ចាន់ និយាយ​កាលពី​ថ្ងៃ​ពុធ​ទី​២​ធ្នូ​ថា ទីក្រុង​ហុងកុង​គ្រោង​នឹង​ផ្តល់​វ៉ាក់សាំង​ការពារ​វីរុស​កូរ៉ូណា​ដោយ​ឥតគិតថ្លៃ​ដល់​ប្រ​​ជា​ជន​ទាំងអស់​របស់​ខ្លួន ខណៈ​ទីក្រុង​នេះ​កំពុង​ប្រយុទ្ធប្រឆាំង​នឹង​ការឆ្លង​រាលដាល​នៃ​ជំងឺ​កូវី​ដ​១៩​។​

​ទូរទស្សន៍​សាធារណៈ RTHK បាន​រាយការណ៍​ថា លោកស្រី​ចាន់​បាន​ប្រាប់​ក្រុមប្រឹក្សា​នីតិបញ្ញត្ដិ​ថា វ៉ាក់សាំង​នឹងត្រូវ​ផ្តល់ជូន​ដំបូង​ដល់​មនុស្ស​៣ លាន​នាក់ ដែល​គេ​ចាត់ទុក​ថា​ប្រឈម​ហានិភ័យ​ខ្ពស់​ឬ​ងាយ​​រងគ្រោះ​។ អ្នក​ទាំងនោះ​រួមមាន​បុគ្គលិក​ពេទ្យ អ្នកជំងឺ​រ៉ាំរ៉ៃ និង​មនុស្ស​ចាស់​។​

​លោកស្រី​បន្ថែមថា ការទទួល​វ៉ាក់សាំង​នឹង​ត្រូវធ្វើ​តាមរយៈ​ការស្ម័គ្រចិត្ត​។​

​លោកស្រី​បាន​បន្ថែមថា រដ្ឋាភិបាល​បាន​ត្រៀម​ថវិកា​ចំនួន ១០ លាន​ដុល្លារ​ហុងកុង​ដើម្បី​ជំរុញ​ផ្សព្វផ្សាយ​និង​អប់រំ​អ្នករស់នៅ​ហុងកុង​អំពី​កម្មវិធី​ចាក់​វ៉ាក់សាំង​។​

​លើសពីនេះ​ទៀត និយតករ​របស់​រដ្ឋាភិបាល​នឹង​ធ្វើឱ្យ​ការចុះបញ្ជីវ៉ា​ក់សាំង​កូ​វីដ​១៩​ក្លាយ​ជា​អាទិភាព នៅពេល​វ៉ាក់សាំង​អាច​រកបាន​។​

​ទូរទស្សន៍ RTHK ដកស្រង់​សម្តី​លោកស្រី​ចាន់​យ៉ាង​ដូច្នេះ​ថា “​យើង​នឹង​ពន្លឿ​ននីតិវិធី​ត្រួតពិនិត្យខណៈ​ធានាបាន​នូវ​សុវត្ថិភាព​ប្រសិទ្ធភាព​និង​គុណភាព​វ៉ាក់សាំង​។​អាជ្ញាធរ​នឹង​ចាត់វិធានការ​ចាំបាច់​​ទាំងអស់​ដើម្បី​អនុញ្ញាត​ឱ្យ​ប្រើ​វ៉ាក់សាំង​ណាមួយ​ដែល​ត្រូវ​បាន​បញ្ជាក់ថា​មាន​សុវត្ថិភាព​និង​មាន​ប្រសិទ្ធភាព​។ យើង​នឹង​មិន​ទាត់​ចោល​ការណែនាំ​នូវ​ច្បាប់​គ្រាអាសន្ន​នោះទេ នៅពេល​ចាំបាច់​”​។​

​លោកស្រី​លាតត្រដាង​ថា រដ្ឋាភិបាល​គ្រោង​នឹង​ទិញ​វ៉ាក់សាំង​កូវី​ដ​១៩​ចំនួន​២​ដូស​សម្រាប់​ពលរដ្ឋ​ហុងកុង​នីមួយៗ ហើយ​ថា​វ៉ាក់សាំង​នឹង​មក​ពី​ក្រុមហ៊ុន​យ៉ាងតិច​ក៏​ពីរ​ដែរ​៕

​មន្ត្រី​សុខាភិបាល​ហុងកុង​និយាយថា រដ្ឋាភិបាល​មាន​ផែនការ​ទិញ​វ៉ាក់សាំង​២​ដូស​សំរាប់​ប្រជាជន​ហុងកុង​ម្នាក់ៗ​

ទីតាំងផ្សាយពាណិជ្ជកម្ម

- Advertisment -

Most Popular