Home ព័ត៌មានជាតិ សន្តិសុខ រថយន្ដ​មន្ទីរ...

រថយន្ដ​មន្ទីរ​សុខភាព​ខេត្ត​ព្រះសីហនុ បាន​បុក​អ្នកបើក​រ៉ឺម៉ក​ម្នាក់​ស្លាប់ ពេល​កំពុង​ដឹក​សំណាក​កូ​វីដ​១៩​ទៅ​ភ្នំពេញ

​ដោយ​: វណ្ណៈ / ព្រះសីហនុ​: រថយន្ត​មន្ទីរ​សុខាភិបាល​ខេត្ត​ព្រះសីហនុ ដែលមាន​ដឹក​សំណាក​កូ​វីដ​១៩ ទៅ​មន្ទីរពិសោធន៍​បា​ស្ទ័​រ ក្រុងភ្នំពេញ បាន​បុក​ម៉ូតូ​រ៉ឺម៉ក​នៅតាម​ផ្លូវជាតិ​លេខ​៤ បណ្តាល​ឲ្យ​បុរស់​ម្នាក់​ស្លាប់ ខណៈ​បញ្ជូន​យកទៅ​សង្គ្រោះ កាលពី​ម៉ោង​៦​និង​២០​នាទី​ព្រឹក​ថ្ងៃទី​៣​ខែធ្នូ​ឆ្នាំ​២០២០ ស្ថិត​ក្នុងភូមិ​ក្រាំង​អាត់ ឃុំ​កំពង់សីលា ស្រុក​កំពង់សីលា ខេត្ត​ព្រះសីហនុ​។​

​ប្រភពព័ត៌មាន​ពី​មន្ត្រី​ពេទ្យ​ខេត្ត​ព្រះសីហនុ​បាន​ឲ្យ​ដឹងថា អ្នកបើកបរ​រថយន្ត​សាមុយ​នេះ មិនបាន​រត់គេចខ្លួន​ទេ និង​រងរបួស​មធ្យម ហើយ​កំពុង​សម្រាក​ព្យាបាល​។​

​សមត្ថកិច្ច​បាន​ឲ្យ​ដឹងថា ជនរងគ្រោះ​អ្នកបើកបរ​ម៉ូតូ​សណ្តោង​រ៉ឺម៉ក​ដឹក​ផ្ការ​លក់​ចល័ត​នោះ ឈ្មោះ រាម ទូច ភេទ​ប្រុស អាយុ​៣៥​ឆ្នាំ មាន​ទីលំនៅ​ភូមិ​ស្នាយ​ពល ឃុំ​រការ ស្រុក​ពារាំង ខេត្តព្រៃវែង បាន​រងរបួស​ធ្ងន់ធ្ង​រ ហើយ​បាន​ដាច់ខ្យល់​ស្លាប់​ពេល​បញ្ជូនទៅ​សង្គ្រោះ​។​

​បច្ចុប្បន្ន​រថយន្ត​និង​ម៉ូតូ ត្រូវបាន​យកមក​រក្សាទុក នៅ​អធិការដ្ឋាន​នគរបាល​ស្រុក​កំពង់សីលា​៕

ទីតាំងផ្សាយពាណិជ្ជកម្ម

- Advertisment -

Most Popular