Home ព័ត៌មានជាតិ សន្តិសុខ កុមារា​២​នាក់...

កុមារា​២​នាក់​បងប្អូន​បង្កើត​ល​ង់​ទឹក​រណ្ដៅ​ដី​ស្លាប់​ពេលដែល​ឪពុកម្តាយ​មិន​នៅផ្ទះ​

​ដោយ​: ស​រិ​ទ្ធ / ពោធិ៍សាត់​: កុមារា​២​នាក់​បងប្អូន​បង្កើតបាន​លង់ទឹក​រណ្ដៅ​ដី​ស្លាប់​យ៉ាង​សង្វេគ​គ្រា​ដែល​ឪពុក​រវល់​ដឹក​សត្វ​ក្របី​យកទៅ​ឲ្យ​ផឹកទឹក រីឯ​ម្ដាយ​ក៏​ជាប់រវល់​កើបស្រូវ​នៅ​លាន​ខាងក្រោយ​ផ្ទះ ដែរនោះ ។​ ​ហេតុការណ៍​នេះ បាន​បង្ក​ការភ្ញាក់ផ្អើល​ឡើង​នៅវេលា​ម៉ោង​៤ រសៀល​ថ្ងៃទី​២ ខែធ្នូ ឆ្នាំ​២០២០ នៅ​ចំណុច​រណ្ដៅ​ដី​(​អា​អ៊ិ​ច​)​កាយ​ផ្នែក​ខាងជើង​ផ្ទះ​ចម្ងាយ​ប្រមាណ​៥០​ម៉ែត្រ ស្ថិតនៅ​ភូមិ​ទាន​ព្រៃ ឃុំ​ឈើ​តុំ ស្រុក​ក្រគរ ខេត្តពោធិ៍សាត់​។​

​កុមារា​រងគ្រោះ​ជា​បង​ឈ្មោះ គា តុលា អាយុ ៦​ឆ្នាំ និង​កុមារា​ប្អូន​ឈ្មោះ គា សីហា អាយុ ៥​ឆ្នាំ បច្ចុប្បន្ន រស់នៅក្នុង​បន្ទុកគ្រួសា​រ​ឪពុក​ឈ្មោះ សាន គា អាយុ ២៧​ឆ្នាំ មុខរបរ កសិករ និង​ម្ដាយ​ឈ្មោះ វ៉ែន ចាន់ អាយុ ៣៧​ឆ្នាំ មុខរបរ កសិករ បច្ចុប្បន្ន រស់នៅ​ភូមិ​.​ឃុំ​កើតហេតុ​។​

​សមត្ថកិច្ច​បានបញ្ជាក់​ថា មុន​កើតហេតុ​ឪពុកម្ដាយ​ឃើញ​កូនៗ​នាំគ្នា​លេង​នៅមុខ​ផ្ទះ ខណៈនោះ​ឪពុក​បាន​ដឹក​ក្របី​យកទៅ​ឲ្យ​ផឹកទឹក​នៅឯ​ស្ទឹង ដែលមាន​ចម្ងាយ​ប្រមាណ​៣០០​ម៉ែត្រ​ពី​ផ្ទះ​។ ចំណែក​ម្ដាយ​ទៅ​កើបស្រូវ​លាន​ផ្នែក​ខាងក្រោយ​ផ្ទះ កំពុងតែ​នាំគ្នា​រវល់​បែបនេះ​ស្រាប់តែ​បាត់​កូនៗ​អត់​ដឹង​ទៅណា ទើប​នាំគ្នា​ឆោឡោ​ចែកផ្លូវ​គ្នា​ដើររក ក៏​ប្រទះឃើញ​ស្បែកជើង​នៅ​មាត់​រណ្ដៅ​(​អា​អ៊ិ​ច​) កាយ​យក​ទឹក​ដើម្បី​ប្រើប្រាស់ ក៏មាន​ការសង្ស័យ​នាំគ្នា​ចុះ​រាវ​ក្នុង​ទឹក​ជម្រៅ​ប្រមាណ​៤​ម៉ែត្រ ប្រទះឃើញ​ស្លាប់​អស់​ទៅហើយ​បាន​ត្រឹម​នាំគ្នា​ទ្រហោ​រយំ​ប៉ុណ្ណោះ​។​

​ប្រភព​ដដែល​បញ្ជាក់បន្ថែម​ទៀតថា ករណី​កុមារា​លង់ទឹក​ស្លាប់​យ៉ាង​រន្ធត់​នេះ គេ​ឃើញ​សមត្ថកិច្ច​នគរបាល​ចុះ​ពិនិត្យ និង​ស្រាវជ្រាវ​យ៉ាង​យកចិត្តទុកដាក់​ផងដែរ ទើប​ធ្វើ​កំណត់ហេតុ​ប្រគល់​សព​ជូន​ឪពុកម្ដាយ ដើម្បី​ទទួល​យកទៅ​ចាត់ចែង​ធ្វើបុណ្យ​តាម​ប្រពៃណី​៕

ទីតាំងផ្សាយពាណិជ្ជកម្ម

- Advertisment -

Most Popular