Home ព័ត៌មានអន្តរជាតិ ឃ្មុំ​ពូន​សម្...

ឃ្មុំ​ពូន​សម្បុ​កលើ​យន្តហោះ​ឥណ្ឌា​២​គ្រឿង នាំ​ឱ្យ​ពន្យារ​ជើង​ហោះ​១​ម៉ោង​

​ប្រែ​សម្រួល : កញ្ញា​ដា​លី​ស​/​កុល​កាតា ៖ សត្វ​ឃ្មុំ​មួយ​ហ្វូង​ធំ​បាន​បង្ក​ភាពវឹកវរ​នៅ​អាកាសយានដ្ឋាន​ក្រុង​កុល​កាតា​ក្នុង​ប្រទេស​ឥណ្ឌា​នៅ​សប្តាហ៍​នេះ​បន្ទាប់ពី​ពួក​វា​ធ្វើ​សម្បុក​លើ​យន្តហោះ​ចំនួន​ពីរ​នាំឱ្យ​​ពន្យារ​ជើងហោះហើរ​ទាំងពីរ​។​

​ឃ្មុំ​បាន​បង្ហាញខ្លួន​ជា​លើកដំបូង​នៅលើ​យន្តហោះ Vistara កាលពី​ថ្ងៃអាទិត្យ ខណៈ​យន្តហោះ​រង់ចាំ​នៅក្នុង​ឃ្លាំង​ផ្ទុក​យន្តហោះ​មុនពេល​ហោះហើរ​បន្ទាប់​មក​វា​បាន​បង្ហាញ​ខ្លួន​ម្តងទៀត​នៅ​ព្រឹក​​បន្ទាប់​នៅ​លើ​យន្ដហោះ​មួយ​ផ្សេង​ទៀត​នៅក្នុង​កន្លែង​តែមួយ​។​

​ក្នុងឱកាស​ទាំងពីរ​នេះ គេ​ត្រូវ​យក​រថយន្ត​ពន្លត់​អគ្គិភ័យ​មក​បាញ់​សម្អាត​ឃ្មុំ​ពី​យន្ដហោះ​នី​មួយៗ ដោយ​នាំ​ឱ្យ​ពន្យារ​ជើងហោះហើរ​ប្រហែល​មួយ​ម៉ោង​។​

​អ្នកនាំពាក្យ​ក្រុមហ៊ុន​អាកាសចរណ៍​ម្នាក់​បាន​ប្រាប់​កាសែត Times of India ថា ឃ្មុំ​បាន​បង្ហាញខ្លួន​ជា​លើកដំបូង​នៅ​ម៉ោង​ប្រហែល ៤ រសៀល​ថ្ងៃទី ២៩ ខែ​វិច្ឆិកា​ដោយ​ពូនផ្តុំ​នៅ​ចំហៀង​យន្តហោះ Visrata ដែល​ហៀបនឹង​ធ្វើដំណើរ​ឆ្ពោះទៅ​កាន់​ទីក្រុង​ដេលី​។​

​ការហោះហើរ​ត្រូវ​ពន្យារ​ពេល​ខណៈ​រថយន្ដ​ពន្លត់​អគ្គិភ័យ​កំពុង​បាញ់​ទឹក​បណ្តេញ​ឃ្មុំ​។ ការហោះហើរ​ដែល​គ្រោង​ចេញដំណើរ​នៅ​ម៉ោង​៥ និង​៣០ ល្ងាច ទីបំផុត​បាន​ចាកចេញ​នៅ​ម៉ោង​ប្រហែល ៦ និង ៣០ ល្ងាច​៕

​យន្តហោះ Vistara ពីរ​គ្រឿង​ត្រូវ​រំខាន​ដោយ​ហ្វូង​ឃ្មុំ​នៅ​ទីក្រុង​កូល​កាតា

ទីតាំងផ្សាយពាណិជ្ជកម្ម

- Advertisment -

Most Popular