Home ព័ត៌មានជាតិ សង្គម អាល់កុល​៥០​ប៊...

អាល់កុល​៥០​ប៊ីដុង​បាន​ត្រូវ​មន្ត្រី​ជំនាញ​មិន​អនុញ្ញាតឱ្យ​ចរាចរ​លើ​ទីផ្សារ​បណ្តោះអាសន្ន

ដោយ​: ស​រិ​ទ្ធ / ភ្នំពេញ​: អាល់កុល​ចំនួន​៥០​ប៊ីដុង បាន​ត្រូវ​មន្ត្រី​ជំនាញ​មិន​អនុញ្ញាតឱ្យ​ចរាចរ​លើ​ទីផ្សារ​បណ្តោះអាសន្ន រង់ចាំ​លទ្ធផល​វិភាគ​ពី​មន្ទីរពិសោធន៍​សិន​។​

​ការសម្រេច​បែបនេះ បានធ្វើ​ឡើង​ក្រោយ​ពេលដែល​រដ្ឋបាល​រាជធានី​ភ្នំពេញ ដោយមាន​ការសហការ​ពី​មន្ត្រី​នៃ​នាយកដ្ឋាន​មន្ទីរពិសោធន៍ បាន​ចុះ​ត្រួតពិនិត្យ​ទីតាំង​ស្តុក និង​ចែកចាយ​អាល់កុល​មួយកន្លែង​មានឈ្មោះ “​សេង​គា​” ស្ថិតនៅ​ផ្ទះ​លេខ ១៥២Eo ផ្លូវ​លេខ​១០៧ ភូមិ​៤ សង្កាត់​អូរឫស្សី​ទី​៤ ខណ្ឌ​៧​មករា រាជធានី​ភ្នំពេញ​កាលពី​រសៀល​ថ្ងៃទី​០២ ខែ​ឆ្នូ ឆ្នាំ​២០២០​។​

​ក្រោយពី​ការត្រួតពិនិត្យ​ជាក់ស្តែង​ឃើញ​មាន​អាល់កុល​ច្រក​ក្នុង​ប៊ីដុង​៣០​លីត្រ សរុប​ចំនួន​៥០​ប៊ីដុង​ដែល​៣៩​ប៊ីដុង​មាន​ប្រភពពី​សិប្បកម្ម​ផលិត​អាល់កុល​ក្នុងស្រុក​កោះធំ និង​១១​ប៊ីដុង​ទៀត​មាន​ប្រភពពី​ក្រុមហ៊ុន SKD ហើយ​និង​ស្រា​អង្ករ​ចំនួន​២០​លីត្រ​។ បន្ទាប់មក មន្ត្រី​ជំនាញ​បានសម្រេច​បិទ​សៀ​ល​លើ​ប៊ីដុង​ទាំងនោះ និង​មិន​អនុញ្ញាតឱ្យ​ចរាចរ​លើ​ទីផ្សារ​បណ្តោះអាសន្ន រង់ចាំ​លទ្ធផល​វិភាគ​ដែល​បាន​បញ្ជូន​មកពី​មន្ទីរពិសោធន៍​សិន​៕

ទីតាំងផ្សាយពាណិជ្ជកម្ម

- Advertisment -

Most Popular