Home ព័ត៌មានជាតិ សន្តិសុខ ក្រុមកម្មករ​ជ...

ក្រុមកម្មករ​ជនជាតិ​ចិន​និង​ខ្មែរ​ជាង​៣០​នាក់​តវ៉ា​ឲ្យ​ក្រុមហ៊ុន​បើកប្រាក់​ខែ​ចំនួន​៤​ខែ​

ដោយៈ​ស​រិ​ទ្ធ​/​ភ្នំពេញៈ ក្រុមកម្មករ​ជនជាតិ​ចិន និង​ជនជាតិខ្មែរ ប្រមាណ​ជាង​៣០​នាក់ បានធ្វើ​ការតវ៉ា​បិទផ្លូវ និង​លើក​បដា​នៅខាងមុខ​ក្រុមហ៊ុន ជិន​យ៉ា​ស៊ី​ង ដែលមាន​ទីតាំង​ស្ថិតនៅ​ផ្លូវ​៥០៨ សង្កាត់​ផ្សា​ដើមថ្កូវ ខណ្ឌចំការមន រាជធានី​ភ្នំពេញ​កាលពី​ព្រឹក​ថ្ងៃទី​៣ ខែធ្នូ ឆ្នាំ​២០២០ នេះ ក្នុង​គោលបំណង​ទាមទារ​ឲ្យ​ក្រុមហ៊ុន​បើកប្រាក់​ខែ​ចំនួន ៤​ខែ ដែល​ក្រុមហ៊ុន​មិនបាន​បើក​ឲ្យ​ពួកគេ​។​

​បន្ទាប់ពី​ការតវ៉ា​លើក​បដា បិទផ្លូវ នេះ​លោក អាំង សេរី​ពិសិដ្ឋ អភិបាលរង​ខណ្ឌចំការមន បាន​ចុះទៅ​ជួយ​សម្របសម្រួល និង​អន្តរាគមន៍​ឲ្យ​ក្រុមកម្មករ​បើកផ្លូវ ដើម្បី​ឲ្យ​ប្រជាពលរដ្ឋ​បានធ្វើ​ដំណើរ​ចេញចូល​ធម្មតា​ទើប ក្រុមកម្មករ​ទាំងនេះ បាន​យល់ព្រម​បើក​ឲ្យ​ធ្វើ​ចរាចរណ៍​វិញ​។​

​គួររំលឹកថា នាពេល​កន្លងមកនេះ ក្រុមកម្មករ​ជនជាតិ​ចិន និង​ជនជាតិខ្មែរ​ទាំងនេះ ក៏​ធ្លាប់​បាននាំគ្នា​ទៅសុំ​អន្តរាគមន៍​នៅមុខ​ស្ថានទូត​ចិន​ប្រចាំ​កម្ពុជា​ដើម្បី​ឲ្យ​ជួយ​អន្តរាគមន៍​ទៅ​ក្រុមហ៊ុន ជិន យ៉ា​ស៊ី​ង បើកប្រាក់​ខែ​ឲ្យ​ពួកគាត់​ចំនួន ៤​ខែ ដែល​ក្រុមហ៊ុន​មិនបាន​បើក​ឲ្យ​៕

ទីតាំងផ្សាយពាណិជ្ជកម្ម

- Advertisment -

Most Popular