Home ព័ត៌មានជាតិ សង្គម បន្ត​ជួសជុល​ផ...

បន្ត​ជួសជុល​ផ្លូវជាតិ​និង​ផ្លូវ​ខេត្ត ដែល​ខូចខាត​ដោយ​ទឹកជំនន់​នៅ​ខេត្តបន្ទាយមានជ័យ​

ដោយ​: ភ្នំ​ស្វាយ / បន្ទាយមានជ័យ​: បន្ត​ជួសជុល​ផ្លូវជាតិ​និង​ផ្លូវ​ខេត្ត ដែល​ខូចខាត​ដោយ​ទឹកជំនន់ នៅ​ខេត្តបន្ទាយមានជ័យ​។​

​យោង​មន្ត្រី​មន្ទីរ​សាធារណការ និង​ដឹកជញ្ជូន​ខេត្តបន្ទាយមានជ័យ​បានអោយដឹង​កល​ពី​ថ្ងៃទី​៣​ខែ ធ្នូ ឆ្នាំ​២០២០ ថា​៖ ក្រុមការងារ​មន្ទីរ​ប​សនរ​បន្តសកម្មភាព​ក្រុមការងារ ដូចជា​បន្តការងារ​ថែទាំ​ផ្លូវជាតិ​លេខ​៥ ចន្លោះ​ពី PK357+000 ទៅដល់ PK359+600 នៅ​ម្តុំ​ស្ពាន​តា​ផាន់ មុខ​ស្នងការដ្ឋាន​នគរបាល​ខេត្ត​និង​ម្តុំ​រង្វង់​មូល​ស្រី​គ្រប់លក្ខណ៍​នា​ក្រុង​សិរីសោភ័ណ ដោយ​លុប​សំបុកមាន់​ដោយ​ល្បាយ​ថ្ម​ម៉ិច ស៊ីម៉ង់ត៍ កៅស៊ូ ។​

​និង​ចន្លោះ​ពី PK394+800 ទៅដល់ PK395+800 នា​ម្តុំ​ជាប់​អាង​អូរ​ខៃ​ដន​ក្រុង​ប៉ោយប៉ែត​ដែល​រងគ្រោះ​ដោយសារ​ទឹកជំនន់​នៃ​ការបាក់​ធ្លាយ​ទំនប់ ដោយ​ជួសជុល​ចិញ្ចើម ចាក់ដី​ល្បាយ​ថ្មភ្នំ និង​កៀរ​កិន​បង្ហាប់​។​

​មន្ត្រី​បន្តថា ៖ ក្រុមការងារ​ក៏​បន្ត​ជួសជុល​ផ្លូវ​ខេត្ត​លេខ​២៦៨A (​ព្រៃ​មាន់​-​ភ្នំស្រុក​) ចន្លោះ​ពី PK1+800 ទៅដល់ PK2+300 ។​

​សូម​រំលឹកថា ក្នុងអំឡុង​ទឹកជំនន់​កាលពី​ខែតុលា​និង​ដើមខែ​វិច្ឆិកា​ឆ្នាំ​២០២០ កន្លងមក កំណាត់​ផ្លូវជាតិ​លេខ​៥​និង​ផ្លូវ​ខេត្ត​ដូចខាងលើ​បាន​រង​ការខូចខាត​យ៉ាងដំណំ ទឹក​ហូរ​កាត់ និង​ផ្អាក​ចរាចរណ៍​សម្រាប់​យានយន្ត​ធុន​ធ្ងន់ ជាច្រើន​ថ្ងៃ ៕​

ទីតាំងផ្សាយពាណិជ្ជកម្ម

- Advertisment -

Most Popular