Home ព័ត៌មានជាតិ សេដ្ឋកិច្ច លោក​ទេសរដ្ឋមន...

លោក​ទេសរដ្ឋមន្ត្រី ស៊ុន ចា​ន់​ថុល ថ្លែង​សុន្ទរកថា​គន្លឹះ​ក្នុង​វេទិកា​វិនិយោគ​ហេដ្ឋារចនាសម្ព័ន្ធ​និង​សំណង់​លើក​ទី​១១

ដោយ​: ជា សីហៈ / ភ្នំពេញ​: លោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណៈការ​និង​ដឹកជញ្ជូន​បាន​អញ្ជើញ​ចូលរួម​ថ្លែង​សុន្ទរកថា​គន្លឹះ​តាម​ប្រព័ន្ធ​វីដេអូ​ពី​ចម្ងាយ ក្នុង​វេទិកា​វិនិយោគ​ហេដ្ឋារចនាសម្ព័ន្ធ​និង​សំណង់​លើក​ទី​១១ (11th International Infrastructure Investment and Construction Forum) ដែល​បាន​ប្រារព្ធ​ធ្វើ​នៅ​ទីក្រុង​ម៉ា​កាវ ប្រទេស​ចិន កាលពី​ថ្ងៃទី​២​ដល់​ថ្ងៃទី​០៣ ខែធ្នូ ឆ្នាំ​២០២០​។​

លោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណៈការ​និង​ដឹកជញ្ជូន​ (រូបភាពឯកសារ)

​នាឱកាស​នោះ លោក ស៊ុន ចាន់ថុល បាន​គូសបញ្ជាក់ថា ការវិនិយោគ​លើ​ហេដ្ឋារចនាសម្ព័ន្ធ និង​សំណង់ នឹងចូលរួម​ចំណែក​យ៉ាង​ខ្លាំងក្លា​នៅក្នុង​ការអភិវឌ្ឍ​សេដ្ឋកិច្ច​និង​សង្គម ពីព្រោះ​វា​ជា​កត្តា​ដែលនាំឱ្យ​មានការ​បង្កើត​នូវ​ឱកាស​ការងារ ជំរុញ​កំណើន​សេដ្ឋកិច្ចជាតិ ព្រមទាំង​ពង្រឹង​និង​ពង្រីក​ទំនាក់ទំនង​ជាមួយ​បណ្តា​ប្រទេស​នានា​ក្នុង​តំបន់​ផងដែរ​។​

​ជាមួយគ្នា​នោះ​ផងដែរ លោក ទេស​រដ្ឋ មន្ត្រី​បានលើកឡើង​ថា បណ្តា​ប្រទេស​កំពុងអភិវឌ្ឍន៍​កំពុង​ប្រឈម​នឹង​តម្រូវការ​ក្នុងការ​អភិវឌ្ឍ​ហេដ្ឋារចនាសម្ព័ន្ធ​ដែល​ត្រូវការ​ថវិកា​ដ៏​ច្រើនសន្ធឹក​សន្ធាប់ ពោលគឺ​តម្រូវ​ឲ្យ​ស្វែងរក​ប្រភព​ហិរញ្ញប្បទាន​ពី​បណ្តា​ដៃគូ​អភិវឌ្ឍ​នានា​រួមមាន​ដូចជា គំនិត​ផ្តួចផ្តើម “​ខ្សែក្រវ៉ាត់​និង​ផ្លូវ​” “​ខ្សែក្រវ៉ាត់​សេដ្ឋកិច្ច​នៃ​វិថី​សូត្រ​” “​វិថី​សូត្រ​តាមផ្លូវ​សមុទ្រ​នៅ​សតវត្ស​ទី​២១” ហើយ​លើសពីនេះ​ទៀត ធនាគារ​វិនិយោគ​ហេដ្ឋារចនាសម្ព័ន្ធ​អាស៊ី​របស់​ចិន (Asian Infrastructure Investment Bank-AIIB) នឹង​ដើរតួនាទី​យ៉ាងសំខាន់​ក្នុង​វិស័យ​ហេដ្ឋារចនាសម្ព័ន្ធ​របស់​បណ្តា​ប្រទេស​កំពុងអភិវឌ្ឍន៍​ផងដែរ​៕

ទីតាំងផ្សាយពាណិជ្ជកម្ម

- Advertisment -

Most Popular