Home ព័ត៌មានជាតិ សុខាភិបាល ក្រសួងសុខាភិប...

ក្រសួងសុខាភិបាល​បង្ហា​ញ​ពី​ការស្រាវជ្រាវ​រក​ប្រភព​នៃ​ការចម្លង​វីរុស​កូ​វីដ​-១៩ ពាក់ព័ន្ធ​នឹង “​ព្រឹត្តិការណ៍​សហគមន៍ ២៨ វិច្ឆិកា​”

ដោយៈ​មុនី​រ័ត្ន​/​ភ្នំពេញៈក្រសួងសុខាភិបាល​បានចេញ​សេចក្តីប្រកាស​ព័​ត៍​មាន​ស្តីពី​ការស្រាវជ្រាវ​រក​ប្រភព​នៃ​ការចម្លង​វីរុស​កូ​វីដ​១៩​ពាក់ព័ន្ធ​នឹង​“​ព្រឹត្តិការណ៍​សហគមន៍​២៨​វិច្ឆិកា​”​។​ក្រសួង​បាន​បញ្ជាក់ថា​ប្រភព​មេរោគ​ដែល​ពាក់ព័ន្ធ​ទៅនឹង​ព្រឹត្តិការណ៍​សហគមន៍ ២៨ វិច្ឆិកា អាចជា​ក្រុម​វីរុស clad 19B ដែល​អាចមក ពី​តំបន់​អាស៊ី អាហ្វ្រិក និង​អូស្ត្រាលី ដែល​បាន​ចរាចរ​ចូលមក​កម្ពុជា​ក្នុងអំឡុងពេល​ពី​ខែតុលា ឆ្នាំ​២០២០ មកទល់ នឹង​ពេល​មាន​ផ្ទុះ​ករណី​ឆ្លង​នៅ​ថ្ងៃទី​២៨ ខែវិច្ឆិកា ឆ្នាំ​២០២០​។​

សកម្មភាពគ្រូពេទ្យកម្ពុជា(រូបថតផេក ឯ.ឧ ហ៊ុន ម៉ានី)

​យោងតាម​សេចក្តីប្រកាស​ព័ត៌មាន​របស់​ក្រសួងសុខាភិបាល​នៅ​យប់​ថ្ងៃទី​៣ ខែធ្នូ បាន​ឲ្យ​ដឹងថា តាម​ការណែនាំ​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ​ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ក្រុមការងារ​អន្តរក្រសួង​ទទួលបន្ទុក​រុករក​ស្រាវជ្រាវ​រួមគ្នា​ជាមួយនឹង​ក្រុមការងារ​របស់​ក្រសួងសុខាភិបាល បាន​ខិតខំ​ធ្វើការ​ស្រាវជ្រាវ​រក​ប្រភព នៃ​ការចម្លង​វីរុស​ក្ខ​វីដ​-១៩ ពាក់ព័ន្ធ​នឹង​ព្រឹត្តិការណ៍​សហគមន៍ ២៨ វិច្ឆិកា និង​តាម​ការពិភាក្សា​ក្នុង​ក្រុមការងារ​ថ្នាក់ ដឹកនាំ​ក្រសួងសុខាភិបាល ជាមួយនឹង​វិទ្យាស្ថាន​ប៉ាស្ទ័រ​កម្ពុជា នា​ព្រឹក​ថ្ងៃទី​៣ ខែធ្នូ ដោយ​យោងតាម​ព័ត៌មាន​ដែល​ទទួលបាន​ត្រឹម​ម៉ោង​១១:៤៥​នាទី​យប់​នៃ​ថ្ងៃទី​២​ខែធ្នូ​និង​ការសិក្សា​ផ្នែក​មន្ទីរពិសោធន៍​តាមបែប​វិទ្យាសាស្ត្រ​លើ​ប្រភេទ​វីរុស​កូ​វីដ​-១៩ ដែល​អាច​ចម្លង​មក​កម្ពុជា​សម្រាប់​ព្រឹត្តិការណ៍​សហគមន៍ ២៨ វិច្ឆិកា របស់​វិទ្យាស្ថាន​ប៉ាស្ទ័រ​កម្ពុជា ក្រុមការងារ​អាច​ទាញ​ការសន្និដ្ឋាន​ជាបឋម មាន​ដូចតទៅ​៖
១. ប្រភព​មេរោគ​ដែល​ពាក់ព័ន្ធ​ទៅនឹង “​ព្រឹត្តិការណ៍​សហគមន៍ ២៨ វិច្ឆិកា អាចជា​ក្រុម​វីរុស clad 19B ដែល​អាចមក ពី​តំបន់​អាស៊ី អាហ្វ្រិក និង​អូស្ត្រាលី ដែល​បាន​ចរាចរ​ចូលមក​កម្ពុជា​ក្នុងអំឡុងពេល​ពី​ខែតុលា ឆ្នាំ​២០២០ មកទល់ នឹង​ពេល​មាន​ផ្ទុះ​ករណី​ឆ្លង​នៅ​ថ្ងៃទី​២៨ ខែវិច្ឆិកា ឆ្នាំ​២០២០​។​

២. តាម​ការពិចារណា​ដោយ​ហ្មត់ចត់​លើ​លទ្ធផល​នៃ​ការសិក្សា​វត្ថុ​សំណាក​អ្នកជំងឺ​បំបែក​បន្តៗ​គ្នា​រក​ភាពដូចគ្នា​នៃ វីរុស​កូ​វីដ​-១៩ (Sequencing Covid-19 virus sample) ទៅនឹង​សំណាក​រូបរាង​វីរុស​កូ​វីដ​-១៩ ពី​តំបន់​ផ្សេងៗ​គ្នា បាន​បង្ហាញថា គឺ​មិនមាន​ការទាក់ទង​នឹង​ព្រឹត្តិការណ៍ ៣ វិច្ឆិកា នោះទេ​។​
៣. ជំហាន​បន្ទាប់ ក្រុមការងារ​កំពុង​ស្រាវជ្រាវ​បន្ថែម​អំពី​ប្រភព​ចម្លង​វីរុស​កូ​វីដ​-១៩ នៃ​ព្រឹត្តិការណ៍​សហគមន៍ ២៨ វិច្ឆិកា​។
​ជាមួយគ្នានេះ ក្រសួងសុខាភិបាល​បាន​អំពាវនាវ​សូម​ឲ្យ​ប្រជាពលរដ្ឋ​រក្សា​សភាព​ហ្នឹង​នរ​ចូល រួម​អនុវត្ត​វិធានការ​ការពារ​ខ្លួន​ឲ្យ​បាន​ត្រឹមត្រូវ (​ពាក់​ម៉ាស លាងដៃ រក្សា​គម្លាត​សុវត្ថិភាព​បុគ្គល​ពីមួយ​ម៉ែត្រ​កន្លះ​ឡើងទៅ​) បើ​មិនមាន​ការចាំបាច់​សុំ​នៅក្នុង​ផ្ទះ មើល​ការ​ឃុំគ្រង​កូនចៅ​សមាជិកគ្រួសារ​ខ្លួន​ឲ្យ​បានល្អ និង​មិនត្រូវ មានការ​ជួបជុំ​គ្នាច្រើន​កុះករ (​លើសពី ២០​នាក់ ) នោះឡើយ​។ ប្រសិនបើ​មាន​បញ្ហា​សុខភាព ឬ​សង្ស័យ​ករណី​ជំងឺ កូ​វីដ​-១៩ សូម​ហៅ​ទៅ​លេខ​ទូរស័ព្ទ​ទាន់​ហេតុការណ៍ ១១៥ ដោយ​ឥតគិតថ្លៃ ឬ​ទូរស័ព្ទ​លេខ ៖ ០១២ ៨២៥ ៤២៤ ឬ ០១២ ៤៨៨ ៩៨១ ឬ ០១២ ៨៣៦ ៨៦៨៕​សរន

សកម្មភាពគ្រូពេទ្យកម្ពុជា(រូបថតផេក ឯ.ឧ ហ៊ុន ម៉ានី)

សកម្មភាពគ្រូពេទ្យកម្ពុជា(រូបថតផេក ឯ.ឧ ហ៊ុន ម៉ានី)

សកម្មភាពគ្រូពេទ្យកម្ពុជា(រូបថតផេក ឯ.ឧ ហ៊ុន ម៉ានី)

ទីតាំងផ្សាយពាណិជ្ជកម្ម

- Advertisment -

Most Popular