Home ព័ត៌មានជាតិ សង្គម អាកាសធាតុ​ត្រ...

អាកាសធាតុ​ត្រជាក់​បាន​ចុះ​ដល់​១៧​អង្សា​សេ​នៅពេល​ទាបភ្លឺ​ថ្ងៃនេះ​

ដោយៈ​ប​.​ខុន​/​ភ្នំពេញៈបើតាម​លោក​ចាន់ យុ​ត្ថា អ្នកនាំពាក្យ​ និង​ជា​រដ្ឋលេខាធិការ​ក្រសួង​ធនធានទឹក​និង​ឧតុនិយម​បាន​ប្រាប់​ឱ្យ​រស្មី​កម្ពុជា​ដឹង នៅ​យប់​ថ្ងៃទី​០៣ ខែធ្នូ ឆ្នាំ​២០២០ ថា​ធាតុអាកាស​ពេល​ទាបភ្លឺ​ថ្ងៃទី​៤ ខែធ្នូ នៅ​ខេត្តមណ្ឌលគិរី រតនគីរី ស្រុក​វាលវែង​នៃ​ខេត្តពោធិសាត់ និង​តំបន់​ជួរ​ភ្នំ​ដងរែក​សីតុណ្ហភាព​អប្បបរមា​អាច ចុះ​ដល់​១៧​អង្សា​សេ។​

​អ្នកនាំពាក្យ​ក្រសួង​ជំនាញ​ខាងលើ បាន​បញ្ជាក់ថា​អាកាសធាតុ​ត្រជាក់​ដល់រ​ងារ​លើក​ទី​១​នេះ កើតមាន​រហូតដល់​ថ្ងៃ​ច​ន្ទ័​ទី​៧ ខែធ្នូ ទើប​សីតុណ្ហភាព​ចាប់ផ្តើម ងើបឡើង​មកវិញ​បន្តិច ព្រម​ពេល​ជាមួយគ្នា​នោះ​ផ្ទៃមេឃ​នៅ​ទូទាំងប្រទេស​ចាប់ ផ្តើម​មាន​សភាព​អួរ​អាប់​ដូចជា​រដូវវស្សា​តែ​គ្មាន​ភ្លៀង​ធ្លាក់​ទេ​។​

​លោក​ចាន់ យុ​ត្ថា និយាយ​ឱ្យដឹងទៀតថា ផ្ទៃមេឃ​អាប់អួរ​ដែល​នឹង​កើតមាន នៅ​ដើម​សប្តាហ៍​ក្រោយ គឺ​ដោយសារ​ឥទ្ធិពល​សម្ពាធ​ទាប​សកម្ម (Active Low) មួយ ដែល​ពេលនេះ​កំពុងមាន​សកម្មភាព​លើ​ប្រទេស​ហ្វីលីពីន ដោយ​បង្កឱ្យមាន​ភ្លៀង ធ្លាក់​ច្រើន​បង្កើតបានជា​ជំនន់​នៅ​ទីនោះ​(​ហ្វីលីពីន​) តែ​វា​នឹង​បែក​ជា​ពីរ​ពេល​ដើរ​ចូលដល់​ក្នុង​សមុទ្រ​ចិន​ខាងត្បូង​ដោយ​មួយផ្នែក​ឡើងទៅ លើ​(​ជើង​) និង​មួយផ្នែក ចុះទៅ​ត្បូង​មិន​នាំ​ទឹកភ្លៀង​មកដល់​ប្រទេស​កម្ពុជា​ទេ គឺមាន​តែ​ពពក​ខ្មៅ​អួអាប់​ប៉ុណ្ណោះ​៕​

ទីតាំងផ្សាយពាណិជ្ជកម្ម

- Advertisment -



Most Popular