ខ្យល់​ខ្លាំង និង​សកម្មភាព​ទូក​លឿនៗ ធ្វើឱ្យ​ដាច់​ជើង​ទំនប់ អាង​កំពីងពួយ រាប់ពាន់​ម៉ែត្រ​

ដោយៈ​ប​.​ខុន / ភ្នំពេញៈ ទឹករលក​កើតចេញ ពី​សកម្មភាព​បើកបរ​លឿនៗ នៃ​ទូក​ស្មាច់​មាន ចំនួន​រាប់រយ​គ្រឿង ធ្វើ​សកម្មភាព គួបផ្សំ​នឹង​រដូវ​ខ្យល់ បោកបក់​ខ្លាំង មកពី​ទិស​ខាងជើង ធ្វើ​ឱ្យជើង​ទំនប់​អាងទឹក​កំពីងពួយ នៅ​ផ្នែក​ខាងត្បូង នៃ​អាង​រលេះ​បាក់ ជា បន្តបន្ទាប់ អស់​ជាច្រើន​ពាន់​ម៉ែត្រ​។ នេះ​បើតាម​លោក ឡុង ផលគុណ បាន​ប្រាប់​ឱ្យ រស្មី​កម្ពុជា​ដឹង នៅ​ថ្ងៃទី​៣ ខែធ្នូ ឆ្នាំ​២០២០​។​

​ប្រធាន​មន្ទីរ ដែល​រវល់​ជាមួយនឹង​បញ្ហា​ខ្វះ​ទឹក បង្កបង្កើនផល កាលពី​ដើមរដូវ និង​ការ​ស្តារឡើងវិញ នូវ​ហេដ្ឋារចនាសម្ព័ន្ធ ធារាសាស្ត្រ ដែល​ខូចខាត យ៉ាងធ្ងន់ធ្ងរ ដោយ សារ​ជំនន់​ទឹកភ្លៀង ចុងរដូវ បាន​និយាយ​ឱ្យដឹងទៀតថាៈ រាល់​ឆ្នាំ នៅ​ខែ​នេះ ទឹក​អាង​កំពីង ពួយ នៅសល់តែ​ប្រមាណ​ជា ១១០ លាន​ម៉ែត្រគូប​ទេ ធ្វើឱ្យ​ផ្ទៃដី​ក្នុង​អាង នៅ​ប៉ែក​ខាងត្បូង​គោក ប្រជាពលរដ្ឋ នាំគ្នា​ភ្ជួរ រាស់ សាបព្រោះ ដល់​ជើង​ទំនប់​ដាច់​ស្មៅ ព្រៃត្រែង អស់​រាល់​ឆ្នាំ គ្មាន​សល់ និង​ក៏​មិនមាន​ទឹករលក វ៉ៃ​បាក់ជើង​ទំនប់​ដែរ​។​

​នៅពេលនេះ​វិញ លោក ឡុង ផលគុណ បានបញ្ជាក់​ថាៈ ដោយសារ​មាន​ភ្លៀង​ច្រើន នៅ​ចុងរដូវ​វស្សា និង​ពេលនេះ ទឹក​នៅតែ​បន្ត​ហូរ​ចូល ធ្វើឱ្យ​អាង​កំពីងពួយ មានទឹក ដល់ ១៧០ លាន​ម៉ែត្រគូប មើលទៅ​ដូច​កូន​សមុទ្រ​។ លំហ​ផ្ទៃ​អាង​ធំធេង មាន​ខ្យល់ បក់​មក ពី​ទិស​ខាងជើង​ខ្លាំង រួម​ជាមួយនឹង​សកម្មភាព បើកបរ​លឿនៗ​របស់​ទូក​នេសាទ (​ទូក​ស្មាច់​) បង្កើតបានជា​រលក​ទឹក​ខ្ពស់ៗ បោកបក់​ទៅលើ​ដី ជើង​ទំនប់ របេះ ដាច់​បាក់ ជា​បន្តបន្ទាប់​។​

​លោក ឡុង ផលគុណ បាន​និយាយ​ឱ្យដឹងទៀតថាៈ សកម្មភាព​បើកបរ​លឿនៗ ត្រូវបាន​ទប់ស្កាត់ នៅពេល​ថ្ងៃ តែ​នៅ​ពេលយប់ ធ្វើ​មិនបាន​។ យើង (​ផលគុណ​) បាន​សំណូមពរ ដល់​ប្រជាពលរដ្ឋ កុំឱ្យ​បើកបរ ទូក​លឿន នៅពេល​មក​កៀក​នឹង​ជើង ទំនប់ ដែល​គ្មាន​ព្រៃ​ដុះ​បាំង ដើម្បី​កុំឱ្យ​បាក់​ដី ជើង​ទំនប់​។ ជើង​ទំនប់ ដែល​បាន​បាក់​ដល់ ពាក់កណ្តាល​ទំនប់ កន្លងទៅ មាន​ប្រវែង រហូតដល់ ២.២០០ ម៉ែត្រ បាន​ចាក់ដី​បំពេញ​វិញ​រួចហើយ ឥឡូវ បន្ត​បាក់​កន្លែង​ថ្មី ប្រវែង ១៧០ ម៉ែត្រ​ទៀត កំពុង​រៀបចំ ចាក់​បំពេញ​វិញ​។ ជើង​ទំនប់​ដែល​រង​ការបាក់​ដាច់​ដោយសារ​ទឹករលក​មាន​ប្រវែង ៧.៣០០​ម៉ែត្រ​។​

​ខ្យល់​ពី​ទិស​ខាងជើង រួម​ជាមួយនឹង​សកម្មភាព បើកបរ​លឿន របស់​ទូក​ស្មាច់ រាប់រយ​គ្រឿង បង្កើតបានជា​ទឹករលក បោកបក់​លើ​ជើង​ទំនប់ អាង​កំពីងពួយ​ផ្នែក ខាងត្បូង មាន​កម្ពស់​ពី ០,២០ ទៅ ០,៧០ ម៉ែត្រ ៕/V​

ខ្យល់​ខ្លាំង និង​សកម្មភាព​ទូក​លឿនៗ ធ្វើឱ្យ​ដាច់​ជើង​ទំនប់ អាង​កំពីងពួយ រាប់ពាន់​ម៉ែត្រ​

ខ្យល់​ខ្លាំង និង​សកម្មភាព​ទូក​លឿនៗ ធ្វើឱ្យ​ដាច់​ជើង​ទំនប់ អាង​កំពីងពួយ រាប់ពាន់​ម៉ែត្រ​

ខ្យល់​ខ្លាំង និង​សកម្មភាព​ទូក​លឿនៗ ធ្វើឱ្យ​ដាច់​ជើង​ទំនប់ អាង​កំពីងពួយ រាប់ពាន់​ម៉ែត្រ​

ខ្យល់​ខ្លាំង និង​សកម្មភាព​ទូក​លឿនៗ ធ្វើឱ្យ​ដាច់​ជើង​ទំនប់ អាង​កំពីងពួយ រាប់ពាន់​ម៉ែត្រ​

ខ្យល់​ខ្លាំង និង​សកម្មភាព​ទូក​លឿនៗ ធ្វើឱ្យ​ដាច់​ជើង​ទំនប់ អាង​កំពីងពួយ រាប់ពាន់​ម៉ែត្រ​

ទីតាំងផ្សាយពាណិជ្ជកម្ម

- Advertisment -

Most Popular