Home ព័ត៌មានអន្តរជាតិ សន្លឹកឆ្នោត​រ...

សន្លឹកឆ្នោត​របស់​លោកបៃ​ដិននាំ​មុខលើ​លោកត្រាំ​ជាង ៧ លាន​សន្លឹក​ក្នុង​ការរាប់​ឡើងវិញ​

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ គម្លាត​ការបោះឆ្នោត​របស់​បេក្ខជន​បក្ស​ប្រជាធិបតេយ្យ​លោក ចូ បៃ​ដិន លើ​លោក​ប្រធានាធិបតី​ដូ ណាល់​ត្រាំ​បាន​កើនឡើង​ដល់​ទៅ​ជាង ៧​លាន​សំឡេង​កាលពី​ថ្ងៃ​​ព្រហស្បតិ៍​ទី​៣​ធ្នូ ទោះបីជា​លោក​ត្រាំ​និង​អ្នកគាំទ្រ​នៅតែ​បន្ត​អះអាង​អំពី​ការ​ក្លែងបន្លំ​សន្លឹកឆ្នោ​តក្តី​។​

​មួយ​ខែ​បន្ទាប់​ពី​ការបោះឆ្នោត​ថ្ងៃទី ៣ ខែវិច្ឆិកា ការរាប់​សន្លឹកឆ្នោត​ថ្មីៗ​សរុប​ឡើងវិញ​ពី​រដ្ឋ​ញូវយ៉ក​បាន​ធ្វើឱ្យ​សន្លឹកឆ្នោត​ឈ្នះ​របស់​លោកបៃ​ដិន​មានចំនួន ៨១.២៦៤.៦៧៣ សំឡេង​ធៀប​ទៅនឹង​៧៤.២១០.៨៣៨ សំឡេង​របស់​លោក​ត្រាំ ជាមួយ​សន្លឹកឆ្នោត​សរុប ១៥៨,៤ លាន​សន្លឹក​ត្រូវបាន​រាប់​រហូតមកទល់​ពេលនេះ​។ នេះ​យោង​ទៅតាម​ទិន្នន័យ​ដែល​បាន​ចងក្រង​ដោយ​របាយការណ៍​មួយ​។​

​ការណ៍​នេះ​បាន​ធ្វើឱ្យ​លោ​កបៃដិនទទួលបាន ៤,៤ ពិន្ទុ​លើ​លោក​ប្រធានាធិបតី​របស់​បក្ស​សាធារណរដ្ឋ​។​

​លោ​កបៃដិនទទួលបាន​អ​ង្គ​បោះឆ្នោត​ចំនួន ៣០៦ លើស​ពី​ចំនួន ២៧០ ដែល​ត្រូវការ​ចាំបាច់​ដើម្បី​ឈ្នះ​តំណែង​ប្រធានាធិបតី​។​

​លោក​ត្រាំ​នៅតែ​បន្ត​ទទូច​ថា​ពួក​ប្រជាធិបតេយ្យ​បាន​បង្កើត​ការ​ក្លែងបន្លំ​យ៉ាង​ខ្លាំង​នៅក្នុង​ការបោះឆ្នោត​ហើយ​ថា​គាត់​គឺជា​អ្នកឈ្នះ​ពិតប្រាកដ តែ​មិន​ផ្តល់​ភស្តុតាង​ច្បាស់លាស់​។​

​បណ្តឹង​រដ្ឋបាល​និង​តុលាការ​ដែល​រៀបចំឡើង​ដោយ​យុទ្ធនាការ​របស់​គាត់​បា​ន​បរាជ័យ​ម្តង​ហើយ​ម្តងទៀត ហើយ​លោកបៃ​ដិន ដែល​សឹងតែ​ត្រូវ​គេ​ទទួលស្គាល់​ជា​ប្រធានាធិបតី​ជាប់ឆ្នោត​ជា​សកល​នឹងត្រូវ​​បញ្ជាក់​ជា​អ្នកឈ្នះ​ការបោះ​ដោយ​អង្គ​បោះឆ្នោត​នៅ​ថ្ងៃទី ១៤ ខែ​ធ្នូ​។​

​លោកបៃ​ដិ​ននឹងត្រូវ​ឡើងកាន់តំណែង​ប្រធានាធិបតី​និង​កាន់​កាប់​សេត​វិមាន​នៅ​ថ្ងៃទី ២០ ខែ​មករា​៕

​លោកបៃ​ដិន​សំឡេងឆ្នោត​ខ្ពស់ជាង​លោក​ត្រាំ ជាង ៧ លាន​សន្លឹក

ទីតាំងផ្សាយពាណិជ្ជកម្ម

- Advertisment -

Most Popular