Home ព័ត៌មានជាតិ សង្គម សង្គ្រោះបន្ទា...

សង្គ្រោះបន្ទាន់​នៅ​មន្ទីរពេទ្យ​ខេត្ត ករណី​កុមារ​៣​នាក់​ពុល​ផ្លែ​ល្ហុងខ្វង​

ដោយ​: ប​.​ជ័យ / បន្ទាយមានជ័យ​: ឪពុកម្តាយ​បាន​ដឹក​ទៅ​សង្គ្រោះ​ជាបន្ទាន់ នៅ​មន្ទីរពេទ្យ​ខេត្ត​មិត្តភាព​កម្ពុជា​-​ជប៉ុន មង្គល​បូរី បន្ទាប់ពី​ក្មេង​៣​នាក់​បាន​ហូប​ផ្លែ​ល្ហុងខ្វង​(​អ្នកភូមិ​ហៅ​ល្ហុង​ផ្លែ​តេ​ក​តោក​) បណ្តាល​ឲ្យ​ពុល កាលពី​ថ្ងៃទី​៣​ខែ ធ្នូ​ឆ្នាំ​២០២០ នៅ​ភូមិ​ចក់​ពួក ឃុំ​ស្លក្រាម ស្រុក​ស្វាយចេក ខេត្តបន្ទាយមានជ័យ។​

​លោក​វរសេនីយ៍ឯក ជា ស្លូញ អធិការនគរបាល​ស្រុក​ស្វាយចេក បាន​ឲ្យ​ដឹង​ថ្ងៃទី​៤​ខែធ្នូ​ថា​៖ កុមា​រាង​គ្រោះ​ទាំង ៣​នាក់​មាន ១-​ឈ្មោះ​ទី ភ​ត្រា អាយុ ៥​ឆ្នាំ ។ ២- ឈ្មោះ សំអាង រ៉ា​យុន អាយុ​៥​ឆ្នាំ​៣​ឈ្មោះ សំអាង រ៉ា​យុគ អាយុ​៣​ឆ្នាំ​។ ទាំង​៣​នាក់​រស់នៅ​ជាមួយ​ឪពុកម្តាយ អា​ព្យាបាល​នៅ​ភូមិ ឃុំ​ដូចខាងលើ​។​

​ឪពុកម្តាយ អាណា​ព្យ​បាល​របស់​ក្មេង​ទាំង​៣​នាក់​បាន​ប្រាប់​សមត្ថកិច្ច​ថា ៖ ពួកគាត់ បាន​ទៅ​ស៊ី​ធ្វើក​ម្មករ​ស៊ីឈ្នួល​ដក​ដំឡូង​មី​ឲ្យ​គេ ដោយ​ទុក​ក្មេងៗ នៅ​នឹង​ផ្ទះ​។ ដោយ​និស្សិត​ក្មេង​មិនទាន់​ដឹងអី ពួកវា​បាននាំគ្នា​បេះ​ផ្លែ​ល្ហុងខ្វង​ដែល​ដុះ​តាម​របង​យកមក​ដុត​ហូប ក៏បង្ក​អោយ​ពុល​ក្អួតចង្អោរ ប្រកាច់ប្រកិន ហើយ​បាន​អ្នក​ជិត​ច​ខាង​ប្រាប់​និង​ជួយ​ពួកគាត់​ក្នុង​ដឹកបញ្ជូន​ទៅកាន់​មន្ទីរពេទ្យបង្អែក​ស្រុក​ស្វាយចេក តែ​អាកា​រៈ​ពួកវា​នៅតែ​ធ្ងន់ធ្ងរ ក៏​បញ្ជូន​បន្តទៅ​សង្គ្រោះ​នៅ​មន្ទីរពេទ្យបង្អែក​មិត្តភាព​កម្ពុជា ជប៉ុន មង្គល​បូរី​។ លុះដល់​រសៀល​ថ្ងៃទី​៤​ខែធ្នូ ប្រភពពី​មន្ទីរពេទ្យ​ថា ក្មេងៗ​ទទួល​ការចាក់​សេរ៉ូម​បន្សាប បាន​ធូរស្បើយ​ច្លះ​ហើយ​៕​

ទីតាំងផ្សាយពាណិជ្ជកម្ម

- Advertisment -

Most Popular